¹ Jesu waphindze futhi wakhuluma kubo ngemifanekiso watsi; ² ''Umbuso welizulu ungafaniswa nenkhosi leyalungisela indvodzana yayo lidzili lemshado. ³ Yatfumela tisebenti tayo kuthi tiyewubita lababemenyiwe kuta emshadweni, kodwa abavumanga kuta. ⁴ Inkosi yatfumela letinye tisebenti yatsi; 'Tjelani labo labamenyiwe kutsi lidzili lami selilungile, tinkhabi tami netinkhomo tami letikhuluphalisiwe setihlatjiwe, konkhe sekulungile; wotani edzilini! ⁵ Kodwa letimenya atinakanga, tesuka tahamba; Lesinye satiyela ensimini, lesinye satiyela ebhizinisini yaso. ⁶ Letinye timenywa tahamba letisebenti, tatiphatsa dlephu, tatishaya, tatibulala. ⁷ Inkhosi yatfukutsela kakhulu, yaze yakhipha imphi yemasotja leyafike yabulala bonkhe labo babulali, yashisa nelidolobha labo. ⁸ Ngako yatsi etisebentini tayo; 'lidzili selilungile, kodvwa labo labebamenyiwe abakalifanele. ⁹ Ngako-ke hambani niye etinhlanganweni tetindlela nemigwaco; nimeme bonkhe lenibabonako kutsi bete edzilini.' ¹⁰ Tisebenti taphuma, taya etindleleni, tabutsa bonke letatihlangana nabo, lababi nalabahle ngalokufananako; indlu yemshado yagcwala letimenywa. ¹¹ '' Inkhosi yatsi iyangena itewubona timenywa, yabona kukhona lomunye labengakayembatsi ingubo yemshado. ¹² Inkosi yatsi, ''Mnganami, ungene njani lapha ungenayo ingubo yemshado?' Kepha yena wathula. ¹³ Inkhosi yatjela tisebenti, 'mbopheni tandla netinyawo, nimlahle ngephandle ebumnyameni, lapho kutakuba khona kukhala nekugedletelisa ¹⁴ . Banyenti labamenyiwe, kodvwa bambalwa labakhetsiwe. ¹⁵ Besuka lapho bafarisi bayakwakha licebo lekumgiba ngemibuzo. ¹⁶ Base batfumela kuye labanye bafundzi babo kanye nemalunga ephathi yamaHerodi bafike batsi, ''Mfundzisi, siyati kutsi wena uneliciniso, ufundzisa indlela yaNkulunkulu ngeliciniso, awunaki muntfu, futsi awubuki buso bemuntfu. ¹⁷ Sitjele-ke, kutsi wena utsini? Kuvunyelwe yini kutsela kuKhesari nome cha? ¹⁸ Kepha Jesu abati bubi babo watsi, ''Batentisi, ningilingelani? ¹⁹ Ngikhombiseni imali lenitsela ngayo!'' base bamkhombisa denariyo. ²⁰ Jesu watsi kubo, Lomfanekiso nalelibito kwabani? ²¹ bamphendvula batsi, ''KwaKhesari.''Ngako watsi kubo, ''Nikani Khesari lokukwaKhesari, ninike Nkulunkulu kwaNkulunkulu! ²² Batsi sebakuvile loko, bamangala kakhulu, bamshiya bahamba. ²³ Ngalo lelo langa kwefika kuyebaSadusi, labatsi kute kuvuka kulabafileyo, ²⁴ batsi, ''Mfundzisi, Mosi watsi, 'Nakufa indvodza inganabantfana, umnakabo uyamngena lomfelokati wakhe kuze atalele umufi bantfwana.' ²⁵ Bekune tilamani letisikhombisa. Lona lomdzala watsatsa umfati, kodwa wafa ate umntfwana, ngako umnakabo wamngena lomfati. ²⁶ Kwenteka kona loko nakuwesibili nakuwesitsatfu, kwaze kwefika kuwesikhombisa. ²⁷ Ekugcineni nalomfati wafa. ²⁸ Pho, nasekuvukwa ekufeni, lomfati uyawuba wani kulaba labasikhombisa, ngobe bonkhe abengumfati wabo?'' ²⁹ Jesu watsi kubo, ''Maye! Nedukile, ngobe aniyati imiBhalo nemandla aNkulunkulu! ³⁰ Ngobe ekuvukeni kulabafile abateki, abatekwa, banjengetingilosi tasezulwini. ³¹ kepha macodzana nekuvuswa kwalabafile, anifudzanga yin lokwakhuluywa nguNkulunkulu kini atsi, ³² 'NginguNkulunkulu waAbraham, naNkulunkulu waIsaka, naNkulunkulu waJakobe'? Nkulunkulu akusiye Nkulunkulu walabafile kodvwa walabaphilako. ³³ ''Natikuva loko ticumbi tebantfu atijabulanga ngalokufundzisa kwakhe. ³⁴ Batsi nasebavile baFarisi kutsi Jesu ubathulisile baSadusi, base babutsana ndzawonye. ³⁵ Lomunye wabo, labesati semtsetfo wambuta, amlinga ³⁶ ''Mfundzisi, ngumuphi umnyalo lomkhulu emtsetfweni seyiyonkhe?'' ³⁷ Jesu watsi kuye,''Uboyitsandza iNkosi Nkulunkulu ngayo yonkhe inhlitiyo yakho, nangawo wonkhe umphefumulo wakho, nangayo yonkhe ingcodvo yakho. ³⁸ Ngulowo umnyalo lomkhulu wekucala. ³⁹ Wesibili ufanana nawo utsi; ubotsandza makhelwane wakho njengoba utitsandza wena; ⁴⁰ kuleyo miyalo yomibili kubambelele wonkhe umtsetfo kanye nemfundziso yebaphrofetsi.'' ⁴¹ kwatsi basabutse ndzawonye baFarisi, Jesu wababuta umbuto. ⁴² Watsi, nicabangani ngaKristu? Nitsi uyiNdvodzana yabani'' Baphedvula batsi, Yindvodzana yaDavide.'' ⁴³ Jesu watsi kubo,''Pho, Davide wambita njani akuMoya ngekutsi YiNkosi, 'nakatsi ⁴⁴ INkosi yatsi eNkosini yami, ''Hlala lapha ngesekudla sami, ngize ngibeke titsa takho ngaphansi kwetinyawo takho''? ⁴⁵ Uma Davide wambita ngekutsi yiNkosi,'uyidvodzana yakhe njani? ⁴⁶ Kute lowamphendvula, kuskela ngalelo langa kute lowaba nesibindzi sekumbuta.