¹ Batsi kube Jesu nebafundzi bakhe basondzele eJerusalema, sebefikile eBhethifage, entsabeni yemincumo, wase Jesu utfumela bafundzi bakhe lababili, ² atsi kubo, ''Hambani niye kulamakhaya lasembikwenu, masinyane lapho nitawukhandza imbongolo iboshiwe, inesidonkane sayo. titfukululeni nitiletse kimi. ³ Nakukhona lokhuluma lutfo ngaloko kini, nibotsi: 'Inkhosi iyatidzinga, 'masinyane loyo muntfu utawuniniketa.' ⁴ Loku kwenteka kuze kugcwaliseke lokwashiwo ngumphrofethi nakatsi: ⁵ Tjela indvodzakati yaseSiyoni, 'Buka, iNkhosi yenu iyeta kini, Itfobekile igibele embongolweni- yebo etfoleni, enkhonyaneni yembongolo.'' ⁶ Ngako bafundzi bahamba benta njengobe Jesu abebatjelile. ⁷ Bayiletsa imbongolo kanye nelitfole layo, bagaca emajazi etikwato, wase Jesu uhlala kulamajazi. ⁸ Sicumbi sebantfu labanyenti sendlala emajazi abo phansi, labanye bagawula emagala etihlahleni bawendlala emgwacweni. ⁹ Leticumbi betihamba embikwakhe naleto betimlandzela betimemeta, ''Hosana kuyo iNdvodzanaDavide! Ubusisiwe lotako egameni leNkhosi! Hosana kulelisetulu kakhulu!'' ¹⁰ Kwatsi nakangena Jesu eJerusalema, kwanyakatela lidolobha lonkhe latsi, ''Ngubani lona?'' ¹¹ Leticumbi taphendvula tatsi, ''Lona ngu Jesu umphrofethi waseNazaretha eGalile.'' ¹² Jesu wase ungena ethempelini. Wakhiphela phandle bonkhe labebatsenga nalabo bebatsengisa ethempelini, waketula ematafula alabebantjintjisa timali netitulo talabo bebatsengisa ematuba. ¹³ Watsi kubo, ''kubhaliwe, indlu yami itawubitwa ngekutsi indlu yekuthandaza,' kodvwa nine seniyente umgedze wetigelekece.'' ¹⁴ Kwase kufika kuye timphuphutse netinchute ethempelini, watiphilisa. ¹⁵ Kepha uma baphristi labakhulu nebabhali bemtsetfo babona letimangalisako latentile, futsi nangesikhatsi beva bantfwana bamemeta ethempeleni batsi, ''Hosana kuyo Indvodzana yaDavide'', bakwata kakhulu. ¹⁶ Batsi kuye, ''uyabeva kutsi batsini?'' Jesu watsi kubo, ''Yebo! Kodvwa anikaze nifundze kutsi: 'Emlonyeni webantfwana labancane nalabamunyako utilungiselele ludvumo'?'' ¹⁷ Jesu waphuma kulelo dolobha wabashiya waya eBhetani lapho wefika walala khona. ¹⁸ Ekuseni nakabuyela edolobhaneni, abesalambile. ¹⁹ Abona sihlahla semkhiwa ngasemgwacweni, waya kuso akatfolanga lutfo phandle kwemacembe. Watsi kuso, " Kwangatsi kungahlale kungabi nasitselo kuwe nini nanini," ngekushesha sihlahla semkhiwana sabuna. ²⁰ Ngesikhatsi bafundzi bakubona loko, Bamangala batsi, kwenteke njani kutsi lesihlahla semkhiwa sibune ngekushesha?" ²¹ Jesu waphendvula watsi kubo, " Ngicinisile ngitsi kini, Uma ngabe ninekukholwa ningangabati, angeke nente loku lokwenteke kulomkhiwa kuphela, kepha nitawutsi nakulentsaba, tsatseka uphoseke elwandle; kwenteke njalo. ²² Konkhe lenikucelako ngekukhuleka, nikholwa, nitokumukeliswa.'' ²³ Kwatsi Jesu nakangena eThempelini, bapristi labakhulu nalabo labadzala beta kuye ngesikhatsi asafundzisa batsi; uneligunya lini lokwenta letintfo, ngubani lokunike leligunya?" ²⁴ Jesu waphendvula watsi kubo,'' nami ngitonibuta umbuto munye. uma ngabe ningitjela, ngitonitjela kutsi ngitenta ngaliphi ligunya letintfo ²⁵ kubhabhatisa kwaJohane - kwavelaphi? ezulwini noma kubantfu?" Base bakhulumisana bodvwana, batsi, Nasitsi, 'kuvela ezulwini,' utawutsi kitsi, ' Pho, animkholwanga ngani? ²⁶ Kodvwa nasitsi, 'Wavela kubantfu,' siyasesaba lesicuku, ngobe bonke bavumelana ngekutsi Johane abengumphrofethi. ²⁷ Base bamphendvula Jesu batsi, ''Asati. ''Naye-ke wase utsi kubo, ''Nami-ke ngingeke nginitjele kutsi loku ngikwenta ngaliphi ligunya. ²⁸ Kepha nicabangani? Indvodza beyinemadvodzana lamabili. Waya kuyokucala wafika watsi, 'Ndvodzana, hamba lamuhla uyosebenta esivinini.' ²⁹ "lendvodzana yaphendvula yatsi; 'angiyi.' kodvwa emvakwaloko yashintja umcondo yahamba. ³⁰ "Yase lendvodza iya kuleyesibili indvodzana yasho kona loko. Yaphendvula yatsi, 'ngitakuya, mhlonishwa,' kodvwa yangete yaya. ³¹ Ngumuphi kulamadvodzana lamabili lowenta intsandvo yeyise?'' Batsi, ''Ngulowekucala.'' Jesu wase utsi kubo, ''Ngicinisile ngitsi kini, Bamtselisi kanye netingwadla tiyawungena embusweni waNkulunkulu phambi kwenu ningakangeni. ³² Njengoba Johane wafika kini ngendlela lelungile, Kodvwa anikake namkholwa. 'Kodvwa batselisi netingwadla tamkholwa. Kepha nine, noma benikubonile loku, anikaphendvuki emva kwaloko kutsi nikholwe nguye. ³³ ''Lalelani nangu lomnye umfanekiso. Bekukhona indvodza, umnikati welipulazi. Yatjala sivini, wasibiyela ngelutsango, wemba umgodzi wekuhlutela emagelebisi etjeni, wakha Indlu lesetulu yekulindza, yaphindze yayicashisa kubalimi besivini. Yena-ke wase uyahamba uya kulelinye live.. ³⁴ kwatsi nakufika sikhatsi sekuvuna, watfuma labanye betisebenti kulabalimi besivini kutewutfola sitselo sakhe. ^{37 35} kodvwa labalimi besivini batsa tisebenti takhe, bashaya sinye, lesinye basibulala, lesinye basigcoba ngematje ³⁶ Waphindze, lomnikati watfuma letinye tinceku, letinyenti kunalebekatitfume kucala, kodvwa labalimi besivini baphindze baba phatsa ngalokufanako. 37 Emva kwaloko, lomnikati watfumela umntfwana wakhe kubo, atsi, 'batayihlonipha indvodzana yami.' ³⁸ Kepha ngesikhatsi labalimi besivini bayibona lendvodzana, bakhuluma bodvwana batsi,'Lena yidlalifa. Wotani, siyibulale khona sitokudla lelifa. ³⁹ Base bayayibamba, bayikhiphela ngephandle kwesivini, bayibulala. ⁴⁰ Wase uyafika lomnikati walesivini, uyawutenta njani leticashi?'' Baphendvula batsi; ⁴¹ ''Uyawutibhubhisa kabi leticashi letimbi, atsatse lesivini sakhe acashise ngaso kuletinye ticashi letiyakumnika titselo ngetikhatsi tato. ⁴² Jesu watsi kubo; ''Anizange nifundze yini emibhalweni, 'Litje lelaliwa bakhi selentiwe laba lekusimisa indlu. Loko kwentiwa yiNkhosi futsi kuyamangalisa emehlweni etfu'? ⁴³ Ngako-ke nginitjela kutsi, Umbuso waNkulunkulu uyawutsatfwa kini unikwe sive lesiyawutsela titselo tawo. ⁴⁴ Wonkhe lowela etikwalelitje uyawuhlifika abe ticucu. Kodvwa lolikuwela etikwakhe liyakumsila.'' ⁴⁵ Uma Baphristi labakhulu nebaFarisi bayiva lemfanekiso bati kutsi Jesu ukhuluma ngabo. ⁴⁶ Bafuna kumbopha. kodvwa besaba ticumbi tebantfu, ngobe tatitsi ungumprofethi.