lucasm-lsm-x-lugwe_mat_text

1 ¹ Olulyo Lwa Yesu Ebyafwaayo byolulyo lwa Yesu Kurisito omwana wa Daudi, omwana wa Yibulayimu: ² Yibulayimu kewula Isaaka, Isaaka kewula Yakobo, Yakobo kewula ³ Yuda nende bamwanaaηηina, Yuda kewula Pereesi nende Seera mu Tamali, Pereesi kewula Kesulooni, Kesulooni kewula Laamu, ⁴ Laamu kewula Aminadaabu, Aminadaabu kewula Nasoni, Nasoni kewula Salumooni, ⁵ Salumooni kewula Bbowaasi mu Lakabu, Bbowaasi kewula Obedi mu Luusi, Obedi kewula Yese, ⁶ Yese kewula Daudi Omwenengo. Daudi kewula Sulemaani, mu mukha Uliya, ⁷ Sulemaani kewula Rekobowamu, Rekobowamu kewula Abiya, Abiya kewula Asa ⁸ Asa kewula Yekosafaati, Yekosafaati kewula Yolaamu, Yolaamu kewula Usiya, ⁹ Usiya kewula Yosamu, Yosamu kewula Akasi, Akasi kewula Khesekiya, ¹⁰ Khesekiya kewula Manaase, Manaase kewula Amoni, Amoni kewula Yosiya, ¹¹ Ne Yosiya kewula Yekoniya nende bamwaanaηηina mu ndaalo echokhuyiriwa e Bbabbulooni. ¹² Olunyuma lwo’khuyiriwa mu wuwaambe e Bbabbulooni: Yekoniya kewula Seyalutyeri, Seyalutyeri kewula Serubbabbeeri, ¹³ Serubbabbeeri kewula Abiwuudi, Abiwuudi kewula Eriyakimu, Eriyakimu kewula Asoli, ¹⁴ Asoli keewula Sadooki, Sadooki kewula Akimu, Akimu kewula Eriwuudi, ¹⁵ Eriwuudi kewula Ereyasaali, Ereyasaali kewula Matani, Matani kewula Yakobo, ¹⁶ Yakabo kewula Yusufu, owali wamwe Malyamu, owewula Yesu olangiwa Kurisito. ¹⁷ Manu chityo emireembe choosi okhutula khu Yibulayimu okhwoola khu Daudi endyo ekhumi nende chine; khandi okhutula Daudi okhwola khu khuyiriwa mu wuwaambe e Bbabbulooni, endyo ekhumi nende chine, khandi akhutula khu khuyiriwa mu wuwaambe e Bbabbulooni okhwola khu Kurisito endyo ekhumi na chine.

Okhwiwulwa khwa Yesu Kurisito

¹⁸ Okhwiwulwa khwa Yesu Kurisito khwali khuti: Malyaamu ηηina nikali nasikhobesewa Yusufu, bali basiiri okhudekhesaniya, kawonekha nga ali neenda eyo’mwooyo omwolerefu. ¹⁹ Ne Yusufu wamwe, olwokhuba kali mutu omulungifu, sikadakha okhumudiisa ensoni, kali abaasa okhumulekha mu weekisi.

²⁰ Ne nikali namalire okhubaasa sino, malayika wO mwami kecha yali mu sirooto kamuwoola ati, Yusufu mwana wa Daudi, sutya okhuyira Malyamu okhuba omukhasi wawo, olwokhuba enda yaye yomwoyo omwolerefu. ²¹ Acha okhwiwula omwana we sisyaani, nawe olimulanga eriita lyaye Yesu, olwokhuba ye nje oliwoniya abatu mu bibi byawe. ²² Ebyo byoosi byakholewa, byolerere Weere bi kalomalomera mu Nabbi nawoola ati: ²³ Wona omukhaana atamanyire omusaacha aliba neenda khandi kakhewule omwana wesisyani, balimulanga eriita lyaye Emmanweri__ Amakhuluutu kalyo mbo, Weere ali nafwe. ²⁴ Yusufu nikasisimukha mu ndoolo, kakhola nga Malayika wa Weere lu kamulagira, kayira omukhasi waye. ²⁵ Naye sikalikho naye nga omusaacha nende omukhasi lubaba okhwoosa lukamala okhwiiwula omwana musyani. Kamulanga eriita lyaye Yesu.