¹ Kandi muguma wa bala ba malayika mushanvu bali fumbarhire rhula rhubahe mushanvu ayinja, anambwira omwazi mpu: oyinje, nakuyereka gurhe wachire olushinja l'ola mukazi oguza omubiri gwage bwenene, Nyamukazi oyikere eshishi w'enyanja nene. ² Haguma naye abami ba mulino gulu bachihanire omu kubaraga, n'obuhushi bwage bwalalus'abantu balino gulu. ³ Ampeka omu muka kuhika omu mpinga. Nava nabona omukazi oyikere oku chiryanyi chidukula bwenene, china yunjwire mazino g'ebijachi, chaliherhe marhwe mushanvu na mahembi ekumi. ⁴ Oyo mukazi aliyambere eby'omuduku ne by'omukara, ali abishukire enchuma, amabale g'engulo ndarhi n'amagerha. Alifumbarhire omu fune yage akabehe k'enchuma, yali yunjwire obibi n'emiziro y'obuhushi bwage. ⁵ Oku malanga gage kwaliyandikirw'ezine echirhangazo; BABILONI MUKULU, NYINA W'ABAHUSHI N'OBUBI B'OMUGULU. ⁶ Nabona nyamukazi alalukire eshagama y'aberukweru n'eshagama y'abemezi ba Yesu. N'omukubona, nasomerwa bwenene. ⁷ Malayika abwira: Bichi birhumire wa somerwa? nji nakubwira echisomezo choyo mukazi n'echechiryanyi chimuhekere, chiherhe marhwe mushanvu na mahembi ekumi. ⁸ Echiryanyi wabonaga, chaliriho si chirhachiliho. Chikwanene okuja omu nyenga n'okujihirima. N'abantu balama oku gulu na balala amazino gabo garhayandikwaga omu luganjo lw'akalamo gurheng'okulemwa kwegulu nji basomerwa omukubona echo chirinyi, bulala chaliriho, chirhanachiriho aliko nji chashubi langikana. ⁹ Hano h'obumanye buherh'oburhimanya. Ago marhwe mushanvu z'entondo mushanvu oyo mukazi ayikereko. ¹⁰ Banabami mushanvu; barhano barhogere, muguma abaho, owindi arhazi yinja, n'amango ayinja, nj'abera bichanji bigeke. ¹¹ N'echilyanyi chaliriho, chirhanachibaho yena mwami wa kali munane anali m'olu luganjo lwa gula mushanvu, anayerekeze awa lufu. ¹² Amahembi ekumi wabonaga babami ekumi barhazi bona obwami aliko bahabirwe oburhegesi nka bami kachanji haguma n'echiryanyi. ¹³ Boshi bagwerhe muhigo muguma banahan'obuhashe n'oburhegesi bwabo oku chiryanyi. ¹⁴ Nji balwisa omwana buzi, n'omwana buzi nj'abahima, bulala ye Nyamuzinda wa bamungu na Mwami wa bami, n'abahamagalwa, abalondwerwe n'abemezi bali haguma naye n'abo nji babahima. ¹⁵ Anambwira: Amenji wabonaga, agoyo muhushi ayikeremo g'amashanja, ebigusho by'abantu, ebihugo, n'endimi z'abantu. ¹⁶ Ago mahembi ekumi wabonaga n'echiryanyi, nji byamuhogoz'emishanji binamuleke butambara; nji byamukanjagul'eminyofu n'oku mulambik'okuchiko ahye n'omuliro. ¹⁷ Bula Nyakaseni agwasize omu mirhima yabo olozo lukuyeneza omuhigo gwage, omuhigo muguma gonogo n'okuhana obwami bwabo oku chirinyi kuhika emyazi ya Lulema enjirike. ¹⁸ N'oyo mukazi wabonaga, chechizungu chikulu chiherhe oburhambo oku bami b'eligulu.