¹ Nayunv'omulenge gunene gw'arheng'omu kagombe gulu gw'abwira balala ba malayika mushanvu: mugende, muji kudubulira oku gulu rhulala rhubehe mushanvu rhuburhe bwa 'Namahanga. ² Omurhanzi agenda, ajishesher'akage kabehe omugulu; kaba kafinjo kabi bwenene kubala bantu bali yandikirweko echimanyiso cha chilala chiryanyi n'abakazagi haramya eshushanyo yacho. ³ Owa kabiri ashesher'akabehe kage omun yanja nene. Neyo nyanja nene yahinduka yabashagama, nk'eyo muntu ofire na ngasi chiremwa chiyis'omuka ch'afa, ngasi echaliri omu nyanja nene. ⁴ Owa kasharhu adubulir'akabehe kage omu nyanja nene bwenene n'omufunukiro z'amenchi. Nazo zahinduka shagama. ⁵ Nava nayunva malayika w'amanchi aderha: oli mwinja, weliho, wanaliriho; oli mweru kweru wenachire olu lushinja. ⁶ Bula bashesher'eshangama y'abaru kweru n'eya balebi w'anahabo eshagama y'okunywa; nabo bashinganene. ⁷ Nashubi yunv'owindi malayika oku lurhamba, aderha mpu nechi, waliha Nyamuzinda, mugala byoshi, okuch'emanja kwawe kuba kwinja kunashinganene. ⁸ Malayika wa kane ashesher'akabehe kage oku zuba. anahunwa okw'ayose abantu n'omuliro; ⁹ abantu b'asirera n'echuka chinene, n'abo bantu bajachir'ezino lya Nyamuzinda ojir'obuhashe kw'ago maligo, barhanachijag'emurhima libamuh'obukuze. ¹⁰ Naye malayika wa karhano ashesher'akabehe kage oku ntebe ya chilala chiryanyi. N'obwami bwacho bwashukirwa n'omwizimya; n'abantu bayinja bachihekeny'endimi elikulumwa n'amagala kurhuma. ¹¹ Amalumwa gabo n'orhufinjo rhwabo byarhuma bagayaguza Darha w'enyanya, barhanachishubyagako elibijiro byabo bibi birhumire. ¹² Owa ndarhu ashesher'akabehe kage omu nyanja nene, Efrata. Amenchi gayika lyabami b'ebushoshokero bw'ezuba babon'ahabagera. ¹³ Nalangira ahuluk'omu bunu bw'empiri joka, n'omu bunu bwa chila chiryanyi n'omubunu bw'omulebi mubi, bazimu basharhu bali nka myorha. ¹⁴ Bul'eyo myuka y'abazimu enjir'ebidarhi, n'okuj'emwabami b'omugulu lyoshi, yibabagushagusha enyanya ly'entambala y'olusiku lukulu lwa Nyamuzinda ogala byoshi. ¹⁵ Mulole, nayinja nka chishumusi. Ali muragiragi oyorha amesher'emishangi yage, yarhalambagira butambara yibarha mubona bushugunu! ¹⁶ Bava babagushasha, bashimanana ahantu hahamagalwa Harmagedoni omu chi eburania. ¹⁷ Malayika wa mushanvu ashesher'akabehe kage omu byalega. Oku ntebe y'omushengerero mwahuluk'omulenge gunene gwaderha mpu: hoshaho. ¹⁸ Hab'emyengezi, emirenge, emikungulo, n'omusisi gunene, nk'okubirhaliziba gurheng'omuntu aba oku gulu. ¹⁹ N'echizungu chinene chagabika mubichira bisharhu, n'ebizungu by'ebihugo byashanduka, na Nyamuzinda ayibuka Babiloni mukulu, mpu yamuhekera akabehe k'edivayi ly'obukunizi b'oburhe bwage. ²⁰ Ebizimba byoshi byayika n'entondo za hirima. ²¹ N'olubula lunene luli nka mabale kurheng'emalunga lwarhoger'oku bantu. Abo bantu bagomera Nyamuzinda, bulala obuligo bwage buli bunene bwenene.