¹ A-yeno, masidem awamu amakukum bu-ono. Minugami mini awamu au-made amona, Goti wapakenafi, nayeyara amuna muna kasanampa waita-u mana maga-ga bugane. ² Minigakem, Goti-ni a-wamu amonanonam-masidem awamu amoyeu emi mini Jisasi mana magafikem au mantem yene. Goti wapakem. ³ Minugami masidem awamu Jisasi ka yimo bu ewayi, mini Goti wapakem waye. Minimi muna Goti pikem awamuino, wafa intana rukanave yewane, a-ii mana magaga yigane. ⁴ Emi koti wapakenamono iya ontano eymi yakagano, nayeyara iye epim wayimi be mana magagakem be ke uga yi iwane. ⁵ Yemi magagakemono; minugami naye yesinayomi magakemanamino, minugami magami yenta intewane. ⁶ Seyu ya Goti ninta wafunave. Iyewa be Goti amonagayi seyu ya intatem. Be iye Goti ninta buvenafi, be se yu ya bu intanani. Minigakem seyuya fuga awamu nampa saui awamu amonama faware yamuno. ⁷ Ayeno maraya eno ayefa, mini antami Goti ninta mino, minugami masidem iye ayairanta rukayim. Bemi Goti pim fawarurem Goti amonem. ⁸ Nanayayi iye ayiranta bu evenafi, be Goti ninta buvemino. ⁹ Mini antagakem Goti ni ayinti seyu yimuga yeradem magem. Minugami Goti beni mana iya-om sasakama manamagaga dem. Mayeyara be wami seyuya wafunave. ¹⁰ Mini fimi ayintina, seyuya Goti bu ayeyamuna, benarem seyuyami ayimino, minuremi bemi benaga sasakami seyuyami kumi manta fafadem. ¹¹ A-yeno minure Goti syuya ayimi, seyuya enowa ayefano. ¹² Imi manawayiwa Goti bu amonagam. Minure seyuya eno ayeya, Goti seyupim bem, afo beni ayinti seyuyapim avogugi em. ¹³ Mini gakem seyu amone inteya seyu bepim wafunave, afo bemi seyuyapim bemino, nayeyara bemi mana-a awamu seyu yimikane. ¹⁴ Mii-nii-mii, seyuya amoneya minigakem fawarure seya Goti benaga sasakama mana magagakem, yofaintino. ¹⁵ Iwewa amoyevem sem Jisasi Gotin aga. Goti bepim bemino afo bemi Goti bim bemino. ¹⁶ Mii-nii-mii, seyuyaintareya amakukun e-yare, mini ayinti Goti senuntita rukane. Goti mi ayintino, minugami mana wayi iye mini ayintim wate. Goti pim ba wanona, Goti bepim wane. ¹⁷ Minigakem, mini ayinti seyuya amuga uwantama soke-em, minure seyuya ko kanaga erarusikatem, nayeyara be wami, minugami seyuya mana magaga beyamuno. ¹⁸ Feganti ayintim buvene. Minugami, avogu ayinti feganti fafa itafevem, nayeyara feganti ami romugewa yi nampa uware-wayim. Afo manawayi iye fegayim. Be avogu urem ayintim bu uwakagam. ¹⁹ Seyuya ayewaveyare, nayeyara Goti seyu nare ayimino. ²⁰ Minure manawayi sem, "Semi Goti ayevege" afo bena wa-e ayiranta bu rukam, be mi muna waita. Maure manawayi iye ena wa-e bu ayevewafi iye be amonenafi, Goti bu a-yitem. Iyewa be bu amonenafi. ²¹ Minugami, mini kaga waya seyuya be wapakem marafuna: iyewa Goti ayevenafi minurena bena wa-e wa a-yino.