¹ Amonago na'uga ayira yigen yifoe yimidukene, minimi Gotin agafatave sireya sefanu, mini seyuya mino. Minugamo mana maga mano seyuyani bu amonagam, nayeyara magamanomi Gotimi bu amonarukam. ² Ayigaraugami mage seyuyami Goti agafanta mino, manawayi amakagi buyugane seyuyapim. Jisasi fawarinanim amoneya inteya ugafu seyuyami ben amaka bafanu, minugapimi bemi amonama beyi umareya. ³ Masideyu beka amakuk rukayi, nampa beka eraru wayimi atekarauma Jisasi waka wa. ⁴ Masideyu mose savi anta ewayi nampa umowa baya romugewayi minim kumi'ino ⁵ . Amone inteuga, Jisasi mose mare fabarubem kumigu manta fafa ruka, bemi atekara ugam aga. ⁶ Manawayi mose bepim wanonam kumi'i bu uwarano. Inenega kumi ose ewayimi Jisasimi bu intem amonaga. ⁷ Abogu iyaoru, emi rana manawayi abigem savi ayipa bubino. Atekan anta mose ewayimi bemi atekem, minuma Jisasi mose atekaniuga. ⁸ Manawayi mose kumi uwarewami minimi wananoni anta eve,mempe agoyantake wananomano kumi uwantuka. Minugamo Gotin aga ano mare fawarugam,yema fawaruwemi wananomi manta savi uruka. ⁹ Iye mose Gotipikem rakano, kumi'i inenega buyono nayeyara Gotini anayumi epim ba. Bemi kumi inenega bu inanim nayeyara Goti kakem ram buga. ¹⁰ Manafimi Goti agafanta nampa wananom agafanta manta fakagi uga: Mana'a wayi mose ateka anta buyevem minim Gotipikenaye, mana mose eyafa awa bu ayirukate minimi kumi'i. ¹¹ Mana wawa mi anta fakem agoyantem intaga. Seyuya mose ena watanasi ayefanuna waya. ¹² Keni amakagi buyofane, wananoni awuawa mantem beyafa aya aruruka. Naugana bemi arene? Nayeyara wananoni anta emino, afo ben afa awa atekan anta ugam. ¹³ Setifa awa, bu amoyono, mana maga mano mose afoga'akana. ¹⁴ Seyuya intagafo, fugintike mose yakagama aum mantukafu, nayeyara seyuyam yifa awa ayiga ugafuna. Manawayi mose bu ayikayimi fa fugintim wa. ¹⁵ Iyewafi eyafa awa bu ayewate ai mini aruma fugewana. Emose wata aruma fuginona, bu gipa aum epim buwem. ¹⁶ Managakemi ayinti amone inteyare nayayara anonamano be aum seyuyaka kiparuka. Minugami seyuya aumba sifa awaka kiparafanunave. ¹⁷ Minugamifo manawayi mose mana magagakena anene utu makem mifo, ben agun anene eno nanti bu makananim, minimi nau rena Gotini ayinti bepim fawaritene. ¹⁸ Seti awogu iyaoruge, a nako ayiranta eve mote eyi awu awa nampa fuga anta ono. ¹⁹ Mineve yami, Gotini atekan anta nampa wafu, yimafopikem ben nampa wama sokeugafo. ²⁰ Seyuya yira ano mose uman dugana, Goti bemi anonayi uga yira amonama sito aneneyi item maside anene amonama kara uga. ²¹ Ayigara ugafo seyuya yira ano mose bu umanduga mini Gotipim erarure wafu. ²² Naye anene yugantose inta iyami,ese marateyare, nayeyara beni gagadukam baya awakunteya, ben ayikana anta mana ewa. ²³ Minimi beyi kagadukam baya: Goti aga Jisasika masideyu yimakuku evega, ena watanasi ayeno, minuma beyi kagadukam waya mose yiyimidukam. ²⁴ Mana wayi mose Gotini kagadukam waya rafisemi bepim erarurem bananiyi, mini Goti bepim ba wananim. Mineveya amonama Goti bemi seyuyapim ba, minuma ayo aga ose seyuyapim bayi yoyivigem.