¹ Awe lulya kwaba ulucelo, bonse bashi-mapepo bakalamba kabili na bakalamba babantu balanshenye palwa kwi kata Yesu nokumwipaya. ² Balimukakile, nokumusenda kabili bamipele kuli Pilato cilolo. ³ Awe nomba Yuda, uwamufutwikw, alimwene ukuti Yesu asekwa, alilapile kabili alibweseshe nesha silfere amakumi yatatu kuli bashi mapepo bakalamba kabili nabakamba. ⁴ No kulanda ati, ''ndebembukile pa kufutuak umulopa uwakaele lelo bamwebele ati. ''ngefyo fyando kuli fwebo? imwene wemwine.'' ⁵ Kabili aliposele panshi isha silfere mwi tempele, awe alifumineko kabili alile kuikulika. ⁶ Bashimapepo bakalamba balibulile isha silfere nokweba ati, ''tacili cefunde ukubika ishi mucipao pantu mutengo wa mulopa.'' ⁷ Balilanshenye uyu mulandu bonse, kabili balishitile nesho ndalama impanga ya mubomfi apakushika ba mwisa. ⁸ Napamulandu waici ilya mpanga yaitwa, ''impanga ya mulopa'' nalelo. ⁹ Eco neci icalandilwe na Yeremiya kasesema cali fikilishiwe, ice ati, ''balibulile isha silfere amakumi yatatu, umutengo uwabikilwe pali ena ku bana bakwa Iseleli, ¹⁰ nokushipela ku mpanga yamubufuimu, ifo shikulu antungulwile.'' ¹¹ Nomba Yersu alimine pamulola wakwa icilolo, kabili chilolo alimwipwishe, ''bushe uli mfumu yaba Yuda?'' Yesu alyaswike, ''ulilandile ifyofine.'' ¹² Nomba ulo balikumutunganya bashimapepo bakalamba na bakalamba, tabasukile nangu kamo. ¹³ Kabili Pilato kamweba ati, ''bushe taukomfwa ifyo bakokutunganya fyonsefi.'' ¹⁴ Lelo ta-asukile ishiwi nangu limo, icakuti chilolo calimupapwishe. ¹⁵ Nomba panshita yamitebeto wali mutande wakwa chololo ukulekako umufungwa umo uwamukufwaya kwe bumba. ¹⁶ Pali ilya nshita balikwete cintalika umufungwa uwali kwitwa Balaba. ¹⁷ ulo bakolongene pamo, pilato alibebnele ati, ''Ninani mukofwaya mikakwile? Balaba nangu Yeu uwitwa Kristu? ¹⁸ Pantu alishibile kwebati niku kalumwa bapelele Yesu kuli ena. ¹⁹ Ulo aikele pa cipuna ca bupingushi, umukashi wakwe alitumine amashiwi kuli ena no kwebati, ''wibulamo libali muli uyo muntu waka-eele. Ndiculile sana ubushiku buno paciloto nacikwata pali ena.'' ²⁰ Nomba bashi mapepo bakalamba na bakalamba ba sonsombele bumba ukulomba Balaba, na Yesu ukwipaiwa. ²¹ Nachilolo alibepwishe, ''ninani pali aba babili uomukofwaya nebo mikakwile?''balyebele ati, ''Balaba''. ²² Pilato alibebele ati, ''nindo nalacita na Yesu uwitwa Kiristu?'' Balyaswike ati, ''mutanikeni.'' ²³ Kabeba ati, ''nindo, bubi ndo acitile?'' Lelo balibilikishe pamaka, ''mutanikeni''. ²⁴ Pilato pakumona ukwebati tapali icikomwafwa, lelo intulubundi ikotendeka, alibulile amensi, alisambile na kuminwe pamulola we bumba no kweba ati, ''ndo wakaeele pa mulopa wa uyo muntu, iyi micitile yeni.'' ²⁵ Abantu bonse balyebele ati, ''cibefyo kweba ati umulopa wakwe ube pali fwebo na bana besu.'' ²⁶ Kabili alibakakwile Balaba, Lelo alilopwele Yesu kabili noku-mupela mukutanikwa. ²⁷ Kabili abashilika bakwa chilolo basendele Yesu mu cipango cam buteko noku-kolonganika impuka yonse iya ba shilika. ²⁸ Balimufulile kabili balimufwikile umwingila wakukashika cee. ²⁹ Balilukile necilongwe ca myunga no kubika pa mutwe wakwe, kabili balibikile inkonto kumaboko yakwakwe ukwakulyo. Balimufukamine noku mupunika, kabeba ati, ''wemulopwe, imfumu yaba Yuda!'' ³⁰ Balimusakile amate, kabili balib'ulile inkoto noku muma kumutwe imiku ne miku. ³¹ Lulya bamupumya, balimifulile umwingila nookumufwika amalaya yakwe kabioli balimutwele na kukutanikwa. ³² Nomba pa kufuma, balisangile umuntu uwafumine ku Sileni ishina lyakwe Simoni, uo bapatikishe ukuya nabo pakuti engamusendela ulupanda. ³³ Balishile kuncende iitwa Gologota, icipilibula ukuti ''incende ya chipanga''. ³⁴ Balimupele umwangashi wakukantuka uwasankene na muri. Lelo ulo ausondele taunwine. ³⁵ Lulya bamutanika, balyakene amalaya yakwe mukuteya icakupendula, ³⁶ kabili balikele bakomulinda. ³⁷ Pamulu wamjutwe wakwe balilembele umulandu wakwe, uwalikubelengwa kwebati, ''uyu ni Yesu immfumu yaba Yuda.'' ³⁸ Utupondo tubili twalitanikwe pamo nankwe, kamo kukulyo kwakwe kambi kukuso. ³⁹ Nabalepitapo balemupontela, bakopunya imitwe yabo ⁴⁰ ukweba ati, ''iwe we wingonaula itempele nokulikula munshiku shitatu, ipusushe wemwine! nga uli mwana wakwa Lesa, ikila palupanda.'' ⁴¹ mumusango umowine bashi mapepo bakalamba balemupunika, pamo naba kalemba ukweba ati, ⁴² ''Apuswishe bambi, lelo tekuti aipusushe umwine. Nimfumu yabena Isileli. Lekeni ekile palupanda kabili tulemusumina. ⁴³ Atetekela muli Lesa lekeni Lesa amupusushe nomba nga Lesa asuminisha ukumulekelako, pantu alilanda ukwebati, ''ndi mwana wakwa Lesa.'' ⁴⁴ Mumusango umowine utupondo utwatanikilwe pamo nankwe twalemupontela. ⁴⁵ Nomba ukufuma pansa yakulenga matanda imfifi yalishile pesonde ponse ukufika napa nsa yakulenga pabul. ⁴⁶ ukufika ku nsa yakunga pabula, Yesu alilile umusowa uukalamba kabili nokwebati, ''Eloi Eloi lama sabachtani?'' icalola mukuti, Lesa wandi, Lesa wandi cinshi mwandekelesesha?'' ⁴⁷ Lulya abaiminine palya baumfwile, baebele ati, ''akoita Elisha ⁴⁸ Apopene umo muli bena alibutukile mukubula umwepu, aliswishemo umwanganshi wakukantuka, nobika ku nkonto yetete nokumupa ukuti anwe. ⁴⁹ Nabashala baebele ati, ''mulekeni nomba, tumone nga Elisha akoisa kumutula.'' ⁵⁰ Nakabili Yesu alilile no musowa uukuli kwi shiwi kabili alekele no mweo ⁵¹ Moneni, icipembi camwitempele calilepukile pabili ukufuma pa mulu ukufika na panshi, kabili isoonde lyalisunkene na mabwe yalilepukile nokulekanamo. ⁵² Inshishi shalisukile kabili ne mibili ya bamushilo abali mjutwa mfwa balibukile. ⁵³ Balifuminemo munshishi panuma yakubuka kwakwe balingile mumusumba wamushilo kabili balomonekele na ku bengi. ⁵⁴ Nomba munshiku wa mwanda kabili naabo abalelinda Yesu balimwene icinkukuma nefintu fyalikucitika balikwete no mwenso no kwebaati, ''cacine uyu ali mwana wakwa Lesa.'' ⁵⁵ Bana mayo abengi abali kukonka Yesu ukufuma ku Galili bale mupyungial nabo balemona akatalamukila. ⁵⁶ Pali ano pali Maria umwina Magadala, Maria nyina wakwa Yakobo na Yosefe kabili nyina wabana nabambi abakwa Sebedi. ⁵⁷ Lulya caba icuungulo, kwalishile umuntu umukankala ukufuma ku Alamatia, uweshina lya Yosefe, uwali nankwe musambi wakwa Yesu. ⁵⁸ Alikumenye Pilato nokulomba umubili wakwa Yesu. Awe Pilato aliple insambu ukwebati bamupele umubili. ⁵⁹ Yosefe alisendele umubili, aliupombele munsalu iyabiusaka iya kolokondwe, ⁶⁰ kabili aliullike munshishi yakwe ipya iyo aimbile mwilibwe, ⁶¹ Napanuma alisunkilepo cilibwe pamwinshi wanshishi no kuya. Maria umwina Magadala na Maria umbi bali palya, balikele apalungatene nenshishi. ⁶² Ubushiku ubwa konkelepo, ubwali bushiku panuma bwabushi bwa kupekanya, bashi mapepo bakalamba naba falise balikolongene pami na Pilato. ⁶³ Balandile ati, ''wemwaume, tulibukishe ukwebati ulo ulya mfundsa buteshi alino mweo aebele ati, panuma yanshiku shitatu akabuka kabili. ⁶⁴ Eco pela ikambisho ukuti inshishi icingililwe ukufika kunshiku shitatu, ngatefyefyo abasambo bakee kuli baisa kumwiba no kulanda kubantu ukwebati, ''alibukile ku ba fwa,'' kabili ukulufya kwakulekelesha kukaba ukwabipisha ukucila ukwa ntanshi.'' ⁶⁵ Pilato alibebele ati, ''sendeni kalinda kabiyeni mucingilile ukulingana nefyo muletontokanya.'' ⁶⁶ Kabili balile no kulenga inshishi ukulindwa, balikakatile ilibwe no kubikapo ba kalinda