¹ Icitabo catantikwa ukufyalwa kwa kwa Yesu Jristu umwana wakwa Dabidi, umwana wakwa Abrahamu. ² Abrahamu ali wishi wakwa Isaki na Isaki ali wishi wakwa Yuda nabawabo. ³ Yuda alini wishi wakwa Perese na Sera muli Tamari, Perese ali wishi wakwa Hesirone, na Hesirone ali wishi wakwa Ramu ⁴ Ramu ali wishi wakwa Amminadabu, Amminadabu ali wishi wakwa Nashone, na Nashone ali wishi wakwa Samone. ⁵ Samone ali wishi wakwa Boasi muli Rehab, Boasi ali wishi wakwa Obedi mu Ruti, Obedi ali wishi wakwa Yese. ⁶ Yese ali wishi wakwa Dabidi imfumu, Dabidi ali wishi wakwa Solomon mumukashi Uria ⁷ Solomoni ali wishi wakwa Rehoboamu, Rehoboamui ali ni wishi wakwa Abiya, na Abiya ali wishi wakwa Asa. ⁸ Asa ali wishi wakwa yehoshafati, yehoshafati ali wishi wakwa Yoramu, na Yoramu icikolwe cakwa Ushiya. ⁹ Ushiya ali wishi wakwa Yotamu, Yotamu ali wishi wakwa Ahasi, Ahasi ali wishi wakwa Hesekiya. ¹⁰ Hesekiya ali wishi wakwa Manase, Manase ali wishi wakwa Amoni, na Amoni ali wishi wakwa Yosiya. ¹¹ Yosiya ali cikolwe cakwa yekoniya naba wabo panshita basendelwe bunkole ku babiloni. ¹² Panuma yakusendwa ku babiloni Yekoniya ali wishi wakwa Shetile, na shetile ali cikolwe cakwa Serubabel. ¹⁴ Serubabel, ali wishi wakwa Abyuti, Abyuti ali wishi wakwa Eliyakimu, na Eliyakimu ali wishi wakwa Aso. ¹³ Aso ali wishi wakwa Sadoki, Sadoki ali wishi wakwa Akimu, na Akimu ali wishi wakwa Elyudi. ¹⁵ Elyudi ali wishi wakwa Eleisa, Eleisa ali wishi wakwa Matani, na Matani ali wishi wakwa Yakobo. ¹⁶ Yakobo ali wishi wakwa Yosefe muka Maria, umo Yesu afyalilwe, uwitwa Kilisitu. ¹⁷ Shonse inkulo pali Abrahamu ukufika pali Dabidi, shili ikumi limo na shine, ukutula pali Dabidi ukufika pakusendwa ku Babiloni, ukufika kuli kilisitu ninkulo ikumi na shine. ¹⁸ Ukufyalwa kwakwa Yesu kwacitike mumusango uyu, ba nyina ba Maria balikobekelwe kuli ba Yosefe, nomba ilyo tabalakushanya, asangilwe ukuba pabukulu na Mupashi wa Mushilo. ¹⁹ Lelo Yosefe ali umwanalume uwabulungami talefwayapo ukumusebanya pa cintu bwiingi, asalile ukumuleka umutalila. ²⁰ Ilyo alikutontokanya pali ifi fintu, Malaika wakwa Shikulu aishile kuli wene muciloto, nokusosa, ''Yosefe, umwana wakwa Dabidi, witina ukusenda Maria ngo mukashi obe, pantu uyo uwimitwemo eemitwe na Mupashi Wa Mushilo. ²¹ Akafyala mwana umwaume, neshina mwakumwinika ati Yesu, pantu akapususha abantu bakwe ku masambi yabo.'' ²² Fyonse ifi fyacitike ukufikilisha ifyo Shikulu asosele muli kasesema, ukusosa ati, ²³ ''Moneni nacisungu akwimita no kufyala umwana umwaume mukamwinoke ishina Imanuele'' emukutila ''Lesa alinafwe''. ²⁴ Yosefu ashibwike mutulo nookucita ifyo malaika amukonkeshe, nokubula ena mukashi wakwe. ²⁵ Tamwishibe mpaka ilyo apapile umwana umwaume. elyo amwinike ishina ati Yesu.