¹ Anto kuali luklu ma ane zurê tê? Sô kuali luklu ane kaparu? ² Ku turu sintxiru ê sa ngairu. Sô pumbêlu ane zurê ta ka kunfia kua ma Dêsu ta ka fa. ^{3 4} Sô xi ôtô zurê na kêlê wa, mali rê ka bila buaru pa ri Dêsu sa mali? Inga ra kua é ma Dêsu sa veré, sô turu ome ka siriga. Mora ma ê sa sisikaru: Pa a bê mora zustu ni lumba rê, sô pê ngê ta ola bô ka bi zugamentu. ⁵ Maji xi injustisa non musa justisa Dêsu, kua ma non ka pô fa? Non ka pô fa ma Dêsu sa injustu pê bi ku leva rê diba non? ( Nga fa mora ome) ⁶ Inga! Sô anto ma Dêsu ka zuga tia? ⁷ Maji xi veré Dêsu ku siriga un ka bi ku maxi lovo rê punda kuai ma a ka zuga un mora pekarô? Ra kuai ma non na ka fa mali ôtô ku ka kêlê kua ma non fa: ⁸ Non ka ji mali pa kua buaru bi?Kondenason ane sa justu. ⁹ Aié ma? Non sê ka disikupa non mé? Ku turu mora inga. punda non musa ma turu zurê ku ma gêgu turu ane sa kosi pekaru, ¹⁰ Mora ma ê sa sisikaru. "Né wã justu na sai wa ni wa sô mesê". ¹¹ Ê na tê nkênu ku ka ndêwa, Ê na tê nkênu ku ka ngolo Dêsu wa. ¹² Turu ane ba ôtô mondja, turu ane zuntaru bila póreru. Ê na tê nkênu ku ka zi buaru wa, ni wã sô. ¹³ Ngogonó ane sa mora wã ximinteli biriru. Punda ane ka nga. Nbaga kiongo s lêtu boka ane. ¹⁴ Boka ane sa siaru ku mali ka manga. ¹⁵ Opé ane ka kolê ri tu kua sangi. ¹⁶ Destruison ku aflison sa mondja ane. ¹⁷ Ane na ta mondja paji wa. ¹⁸ A na ka lispeta Dêsu wê ane wa. ¹⁹ Aiê non tá ma turu kua ma alê ka fa a ka fé ra ane ku sa kosi alê, pa turu boka ka fisa, sô turu tia ka bila kosi zugamentu Dêsu. ²⁰ Punda newã nkênu na ka sa justifikaru ni kua ma alê ka zi wê rê. Punda ku alê ka bi ku kuxensa pekaru. ²¹ Maji aié, sê alê justisa Dêsu ka musa seminha ku alê ku pofeta. ²² Kué sa justisa Dêsu, ni afé ri Jizu kistu, ra turu nkênu ku ka kêlê, Punda ê na tê koiê wa. ²³ Punda turu nkênu ji pekaru sô a loké ku ane ni góia Dêsu. ²⁴ Sa justifikaru ngasa punda lêdêru ku sa kistu Jizu. ²⁵ Sô Dêsu ra non Jizu kistu mora pagamentu ni sangi rê, punda afé: Ê ra kistu mora wã pova justisa rê sô, ku pomesa rê na manha pekaru ma ê zi nária wa. ²⁶ Kua é kôlê pa ê musa justisa rê ni tempu aié pa ê sa justu sô justifikaru kualifikaru ri kua kuali wã ku tê afé ni jizu. ²⁷ Wê sia ô? A lôkê kué. Ma? Ni kua ma ê zi? Inga, maji kosi afé. ²⁸ Non zié lôkê sô ma wã nkênu sa justifikaru ku afé sê kua ma alê ka zi. ^{29 30} Dêsu sa Dêsu zurê sô, ê na sa Dêsu zintxi turu wa? Ê sa de zintxi turu. Xi veré ma Dêsu sa wã, Ê ka ji zugamentu poraru ku afé, sô sê pora ku afé. ³¹ Antô non nula alê punda a fé? Inga! ri ôtô mora, non fimé.