¹ Antó bô sa sê kupa, ku zuga, so, né kua xi ma bô ka zuga otô, punda bô ku zuga, ka gi ené mora kua mé. ² Maji nó ta ma zugamento de Desu é sa a kora ku veré kontra nkênu ku ka gi ene kué. ³ Maji pia kué é xi bô, ku zuga nkenu ku ji ene kua é, ka ji ene mora é mé, ma bô ka sa fa zugamento Desu! ⁴ Ô na liga ene likeza rê, Ré buaro, ku amolê Rê ku pasensa rê, na ta ku ene vonté Ré ê sa dy bê kuê ba lependê! ⁵ Maje koso dizo sê lependê ku sa lumaru riba ô mé ka bé ne ria ku ria ku ria da revelasó dy justo Juiz dy Desu. ⁶ Ê ka rekompesa kara nkênu dy mora midjira ry ene kua ma ene zi, ⁷ ene ku, tá ny kua buaro, ku ngolo goia, lespeito ku na dana vira ene wha, Ê ka ra vira atê atê. ⁸ Maji ane ka bi ku leva, ku leva fogawha ra nkênu ku ka mêsê kua ra ené sô, ku na ka kundji véré wha, madji ka kundji kua ku na sa veré wha. ⁹ Desu ka bi ku afison ku dôlô ra turu alima homé ku zi mali, pimelo ené zurê ku ané gêgo turu. ¹⁰ Maji fama ma ene tê, lespeto ku page ka bi re turo nkênu ku ka gi kua buaro, mora zurê mora ené glego. ¹¹ Sô Desu na ka patxi nkênu wha. ¹² punda turu nkênu ku zi mali sê alê, sê alê ka muê. Turu nkênu ku zi mali ny kosy alê ku alê ka sa zugaro. ¹³ punda ê na sa ené nkênu ku ka ndê alê ku sa seto wê dy Desu, maji ené girô alê ka ba sa justifikaru. ¹⁴ Punda mora ené gentxi, ku na tê alê wha, ka dji kua ry alê, ene sa alê ra ané mé, mora nkênu sê alê. ¹⁵ Ené ka musa ky ené kua alê sa sisikaru ny koso ené. Kunxensa ané turu ka musa, ené plopi pensamento ene ka kuza ené ka dêfendê ané. ¹⁶ Kué é ka ba sa ny ria ma Desu ka ba zuga ene seguêro dy turo ene nkênu, mora ma evangelho rê sa ku Jizu Kisto. ¹⁷ Maji sy bô ka sama zurê sô ka vévia ny alê, ¹⁸ sô ka da fama ny Desu, sô konsê vonté Rê, zuga kua ku sa buaro, punda bô sa sinaro ny alê, ¹⁹ sô sy bô sa konvesêrô ma bô sa whãn kolarô dy nkênu ku na ka bê wha, whãn kandja ra nkênu ku sa ny kulu, ²⁰ whãn Desu bluto, whãn meste sê vegonha, sô ku tê alê mora kua ma ene tá veré anto mora kua é ka zi ny mora vivê rê! ²¹ Bô ku ka sina ôtô, na sina bô mé wha! Bô ku plega pa na futa wha, ka futa! ²² Bô ku fa pa nkênu kazru na tua otô wha, bô mé ka tué! Bô odia figula, futa ngueza! ²³ Bô ku tê fama ny alê, na ka lespeta Desu wha punda bô viola ny alê! ²⁴ Sô mora êsa sisikaru-sô Nomy Desu sa sê lespeto ny katxi de gentxi punda sê. ²⁵ Sô sirkunsizón, ê tê valoro, dy zura ô, sa xi bô obidêsê alê, maji, xi bô viola alê, sirkunsizón ô ka bila insirkunsizu. ²⁶ Xi whãn insirkusizu lokê komeso alê sirkunsizu rê na sa konsiderado sirkunsizu wha! ²⁷ Sa êsa vedadeiru insirkunsizu, xi ê lokê alê na ka kondena ô wha sô ku sikitura ku sikunsizon, bô sa viola rô alê. ²⁸ Punda ê na sa zurê lua sô wha, né sa sirkunsizu ku sa ny lua dy kane wha. ²⁹ Maji zurê sa nkênu ku sa ry veré sempe, sô sa sirkunsizu sa kosó Supito, na sa segundo leta wha. Louvouru nkênu na ka bi homé wha, madji ry Desu.