¹ Whã sinali ngairu ma bê ni osé: Whã mengai bisiru ku soló ku mbêzi kosi opé rê, whã koroua ri kuin dosú têtêmbu ny ntê rê. ² Ê ta ku bega ta ka ngita ku dôlô pari, ka padisê pê pari. ³ Ôtô sinali ma bê ny osé: Ê tinha whã dragon ngairu boboru ku ta ku séti ntê ku kuin koneta, ny ntê séti koroua ntê rê. ⁴ Pupu rê ta ka rasta whã tara têtêmbu ny osé, ma ndê pê diba tia. dragon ta whê mengai ku ta ka pari, pa ola, ma ê ka, pari, pa ê mé na rê. ⁵ Ê pari whã na, omé whã mosu ku ka govena turu tia ku whã boro felu. Mosu ô fô tuaru pa zuntu Dêsu ku trono rê, ⁶ Mengai fugi ba dizertu, andji Dêsu bê pepara whã nga dé pa ê ka poi sa sustentaru ra mili duzentu sesenta ria. ⁷ Ê ta ku whã demanda ny osé. Migueli ku anzu rê peza kontra dragon: dragon ku anzu rê tuzé luta. ⁸ Magi dragon na ta ku fosa motxi pê vênsê wha. Antó na tô tê nga osé. ⁹ Dragon ngairu, kiongo, si na kulu ma ka sama demono ô satanas, yxi ku ngana turu mundu, a zugé pê tia zuntu ku ane anzu rê. ¹⁰ Antó ndê whã vozi ngairu ny onsé: "Aié bi salvason, porê lênu dy Dêsu nó ky odji dy Kistu Rê. Sô kuzarô dy ná mon non a kolê kuê, nkênu ky kuza whê Sun nó Dêsu ria nsuku. ¹¹ Ane vensê punda sangi ri Kordeiro ra lumba ri seseminha ane, sô ane na ama vira ô atê motxi. ¹² Sô gostô, ny osé, turu ku ka vévia n´w. Mazi ai tia ku mionga, sô demono tuka atê sê. Ê ta kubiru ri mémé furo, sô ê ta ma ê tê pouko tempu. ¹³ Ma dragon ta ma a ka zugé ba tia, ê pisigi mengai ku pari whã ná. ¹⁴ Mazi mengai ma da whã aza ngairu águia, pa ê ka poi vua nga pepararu ra ô ny dizertu, nga ka sa sustentaru ra whã tempu, tempu, métadi whã témpu, fô whê kiongo. ¹⁵ Kiongo whanga aua ku ta boka rê ta mora whã ôyô, pa ka pô ngolo whã lôgu rasta mengai é, fô nha. ¹⁶ Mazi tia zura mégai é, biri boka nguri oyô ma dragon whanga. ¹⁷ Antó dragon fika ku léva ku méngai bé ba zi géra kontrê restu ná mon rê, nkênu si ku ka kundji mandamentu Dêsu mantê seseminha Jizu. ¹⁸ Antó dragon lata ndja ny nsêkê ry mionga.