¹ Paulu ku Timoteo na kia Jizu Kistu, ra turu santu ny kistu Jizu ku sa Filipu, ku ane bispu ku diakunu. ² Gasa ra sê, ku pagi Dêsu, Tata non, ku sun Jizu kistu. ³ Nga pindji, Dêsu un turu vê ma nga lembua sê. ⁴ Turu ria ma nga zi lasó ra sê sa ku ngoso ma ga zi lasó. ⁵ Nga ra gasa ra mora ma sê sêka zunta ny vangelhu, na pumbêlu ria até aye. ⁶ Nsêka kunfia kua é: Nkênu sy ku komesa suvisu buaru ku sê ka kopeté atê ria Jizu kistu. ⁷ Ê sa justu pa un sintxi kua é ra lispetu turu sê, punda un sa ku sê koson un. Turu sê ta sa mêlu un ku gasa ma nta pezu ku dêfêza ku kua ma un ta ri vangelhu. ⁸ Punda Dêsu sa sêsêmunha un ri mora ma ntê vonté ra turu sê ku pena kistu Jizu. ⁹ So nga fa lason é: Ma amolê sê ka kula masi ny konsêmento ku kua ma nga kunda: ¹⁰ Pa sê ka pova kua ku sa buaru ku mora ma sê ka sa sêtu sê lepenso atê ria kistu. ¹¹ Nga fa lason turu pa sê sa siaru ku mé zustisa, ku ka bi punda Jizu kistu ra pore ku louvoru Dêsu. ¹² Aye un mêsê pa na amon, ka ta ma kua ku ra ku un ka sivi foga wha ra suvisu vangelhu. ¹³ Mora luku pezu un ku kistu bi rá ma turu nguara palaxu, ku ra ma turu ôtô nkênu bi ta, ¹⁴ So masi motxi ane ná amon bila ka kunfia masi ku sun punda pezu un pa un pô fa lumbá Dêsu sê mendu. ¹⁵ Whã wha, ane veré ka whanga lumba kistu punda whê sya ku fitxi, sô otô, sô ka zié ku tensó buaru. ¹⁶ Nkênu sy ku ka whanga lumba kistu punda amolê, ta ma a tá pê un yngé mora defeza Vangélhu. ¹⁷ Otô ka whanga lumba Kistu punda ambison ku whê sya, sô na ku vonté, ka kunda ma ane seka kastiga un ma unsa pezu. ¹⁸ Mazi, kua nga pota! Di kuakuali mora, ê ka sa ra siriga ô veré, a ka fa ri Kistu sô ku kua é nga sa ku ngosô. Ê ê nga legêla. ¹⁹ Punda nta ma kua é ka ra luku ra savason un punda lason sê ku vonté Supitu Jizu Kistu, ²⁰ Ku vonté un sô ma nga kunfiá whara ma na ka tê vegonha sô ku turu fosa anda mora sémpe, kistu ka sa boyaru onge un ê pô sa ra vira ô ra motxi. ²¹ Punda ra un vevia sa kistu sô muê sa luku. ²² Mazi, sy bô se ka vevia ku ongê ngolo zi suvisu un buaru, ma nga poy koyê! na ta wha. ²³ Punda nsa pezu dosu kiba. Vonté un sa syê sô ba ta ku Kistu, ku sa masi buaru: ²⁴ Sô vevia ku ongê sa mazi pisizu, punda sê. ²⁵ Pa nseka kunfia kuaé, nta ma nga ta tô sêka sa ku turu sê, ra suvisu ku legêla ri afé. ²⁶ Punda un ra mora ma sê ka motxi ri fa masi ri Kistu, ola nga tô bi atê kota sê. ²⁷ Ku turu kua é, vevia mora buaru ri Vangelhu Kistu, pa ola nga ba pia sê ô sa londji, nga pô ndê ka fa ri sê ma sê sa plontu, ku whã supitu sô ku whã alima sô ka peza zuntaru ku afé Vangelhu. ²⁸ Sô sê na ka mendu né whã kua ma numigu sê ka zi wha. Yé sa whã sinali ri loké ku ané. mazi ra sê whã sinali savason ra ola Dêsu ka bi. ²⁹ Punda a ra sê gasa ri kêlê Kistu sô, mazi parisê punda Êlê turu. ³⁰ ka peza mora ma sê bê Un sô ma ayé sê ndê ma ê sa ku an.