¹ Sy ê tê whãwhã nkênu ku tê koson ku kistu, whãwhãwhã konsoli ku amolê rê whãwhãwhã zuntamentu ku Supitu whãwhãwhã pena ku sintximentu. ² bila legêla un setu ra whã pensamentu mé tê whã amolê mé sa zuntaru ku supitu sô ta ku vonté zi whã kua mé. ³ Na zi né whã kua ku whê sya ô luxu wha mazi soségaru ka pia otô masi buaru roke sê mé. ⁴ Na tua tenson ra kua ma sê mesê sô wha, mazi ku ri otô nkenu turu. ⁵ Sitxi lêtu sê whã mora é mé kua sa ku kistu Jizu. ⁶ Ma ê sai mora Dêsu, ê na musa mora Dêsu ku kua ma ê toka sa wha. ⁷ Envez kua é, Êlê mé baza, tua mora ná-kia bila mora omé, a bi té mora fegula omé. ⁸ Êlê mé baza ta ka zi kua buaru atê motxi sô motxi kusu! ⁹ Sô Dêsu Boyé turu mora ê sô Ê Ré whã nome ku sa riba turu nome. ¹⁰ Pa nome Jizu turu mpuna ka robuá osé ku tia ku ku kosi tía. ¹¹ Sô ra ma turu lungua ka kofesa ma Jizu Kistu sa Sun, ra goya Dêsu Táta. ¹² Sô migu un, mora ma sê semple ka ndê un ny whê un sô wha, mazi masi ayé mema un turu, bé ku savason sê ku lispetu ku mendu. ¹³ Punda Dêsu sô ka zi sê mora ma ê mesê ma ê ka zi, ku vonté Rê. ¹⁴ Zi turu kua sê ngungunu né pufia. ¹⁵ Zi mora é pa sê bila sê lepenson mora ná Dêsu sê kupa. Sô pa sê ka luzi mora kandja lêtu tia turu, katxi whã jelason sê lispêtu ku leva xumbaru. ¹⁶ ka lokê Lumba vira buaru pa ntê lazon gaba ria Kistu, punda un ta ma na kolê sô wha né na taba ngasa wha. ¹⁷ Mazi a pô whanga un mora wha pezentxi ri masara ku suvisu afé sê nga legela ku turu sê. ¹⁸ Sô mora é mé turu sê ka legela tô sa ku ngosô ku an. ¹⁹ Nga whara ku Sun Jizu, manda sê Timoti seru, pa an turu ka tê kosó ola nga tua lekaru sê. ²⁰ Punda na tê né whã nkênu ku sintxi mora elê mé, tua kuiraru ku ku kua ma sê mesê ri veré. ²¹ Punda turu ané ka ngolo kua ma ané plopi mesê, né kua Jizu Kistu wha. ²² Mazi sê ta mora sê sa povaru, punda mora whã ná pikina ka sivi táta rê asyé ma ê sivi ku an ny Vangelhu. ²³ Sô nga whara mandé ola nga tá kua ku ka ra ku an. ²⁴ Mazi nseka kunfia Sun ma an mé ka bé seru turu. ²⁵ Ku turu kua nga pensa ri pisizá tô manda sê Epafóritu. Ê sa na amon un, ku ka zura un tô sa mêlu un pezá, ná lekaru sê ku nkênu ku ka zura un ku kua ma nga mesê. ²⁶ Punda ê ta satiaru sô ku vonté tá ku sê punda sê tá ma ê tá ka doetxi. ²⁷ Veré ê tá ka duetxi kuaji moê. Sô Dêsu tá ku pena rê né pena rê sô wha mazi ku anturu pa na satia riba satia wha. ²⁸ Sô nga manda sê masi seru pa ola sê ka tô bê sê ka legela sô nga sa livi ri pokupason. ²⁹ Tua Epaforitu ny Sun ku ngosô sô gogô ku nkênu mora elê. ³⁰ Ê fô punda suvisu kistu ma ê kia muê, ê liska vira rê pa ê sivi un sô tua konta kua ma sê ná ka poy zi ra un wha.