¹ Dia é, ê tô bi tê iô nguê, ané na tava netxo mé wa ané wa. Jisu sama ané maiêlo rê fa. ² Tê pena pôvô, ané sa kua aun, tese ria ané na tê kua méua. ³ Xi aun manda ané béné kai sê mé, amboka ni mondja. Sô ané bi fô lonji". ⁴ Ané maiêlo rê kundji: Andji ma nó ka pô bé iô mpó pa turu ané nguê sialé béga ni nga kutaru. ⁵ Jisu punta:"kantu mpô ma sê tê"? Ané fa:" sambari". ⁶ Ê manda pôvô taso so. Ê tua sambari mpô da glaça patxi; da maiêlu rê pa xivi, ané xi pôvô. ⁷ Ané turu tê txo kikê, ala ma ané da glaça, Ê manda ane maiêlo rê xivi. ⁸ Ané mé gogo kuê. Ané maiêlo ndjigui ixi ki ta sobla, sambanô zongué ngairu. ⁹ Ê ta kwana mili nguê. Jisu manda ané bê. ¹⁰ wele wele mé ê ba vapô ku ané maiêlu rê bé ba nga Dalmanuta. ¹¹ Anto ane farizeu bi komeça ki fitxin kuê. Ane pindji xinali oncé pa teste. ¹² Ê da fôgô ba lêtu ni supitu, fa: Punda kuai ênê nguê pindji wã xinali? Vére nga fa sê né wã nga da ane nguê é. ¹³ Ê lega ane, letxa dingui ni vapô tô ba ôtô kiba. ¹⁴ Ê da kua maiêlu rê kêsê de bê ku mpô. Wã mpô sô ta vapô. ¹⁵ Jisu sama ane atenson: "Tua atenson lokê vira de fementu de farizeu ku fementu Herode". ¹⁶ Ane maiêlu rê ngugunu ane ku ane. Punda ane na tinha mpô wa. ¹⁷ Jisu bê kuéé, fa ane. Punda kuaí sê ngugunu, ma sê na tê mpô wa? Sê na compredê wa? Nê ndê wa? Anto coso sê sa dizu? ¹⁸ Sê tê wê na sa pia wa? Sê tê ôria na sa nde wa? Sê na lembla wa? ¹⁹ Ala ma patxi tano mpô katxi tano mili nguê kantu zonguê mpô sê koiê? Ane kundji:" kuiné dosu" ²⁰ Ala ma patxi sambari mpô katxi kuana mili kanto zongué sê koiê? Ane fa sambari. ²¹ Antô ê punta ane:" Sê anda na kompriendê wa? ²² Ane ndu ni betsaida. Ane nguê bêku wã cego da Jisu pê pô kulé. ²³ Jisu tê mon békuê ôtô nga ni aldeia é mé. Ala ma Jisu zuga kupi pê wêrê pê mon diba rê, punté. Bô sê ka bê kua kuali kua? ²⁴ Ê lata wê, ê fa:"Un sê ka bê home ka kô pô kanda. ²⁵ Antó ê tô toka wêrê; Anto wê de home é foi kularu ê bê turu kua buaru. ²⁶ Jisu mandé pê ba kai, tô fa:" Na letxa poso wa". ²⁷ Jisu bé ku ane maiêlo rê ba wã nga cezareia de Filipe. Ni mondja ê puta maiêlu rê:" Nguêi ma ane ka fa ma un sa"? ²⁸ Ane kundji:" Zon Batista. Ôtô ka fa: Elias; Ôtô wã de ane pofeta. ²⁹ Ê punta ane: nguê ma sê ka fa man sa? Peru kundji fa: Bô sa Cristo. ³⁰ Jisu manda ane pa ane na konta nguê vira rê wa. ³¹ Ê komesa ka xina ane ka fa ma na home ka padece iô kua. ka sa zetaru da Ancion ku sacerdote ku escriba ka muê tô kora dingui ni têsi ria. ³² Ê fa kuéé biriru. Antó Peru, samé ni bôrô, komesa ka keta kuê. ³³ Ma Jisu tô pia ane maiêlu re, keta ku Peru fa: Ba mema un demônô! Bô na pensa kua Desu wa, maji ni kua de home. ³⁴ Antô ê sama pôvô zuntu ku maiêlu rê fa: Xi nguê mêcê lêlê un, ka zeta êlê mé, tua kusu rê lêlê un. ³⁵ Punda nguê mêcê vévia vira, ka pêndê, nguê ka pêndê vira rê povia un ku vangeli, ngiê é ka vévia. ³⁶ Kô ka nganha xi bô lêlê mundu é turê pendê vira ô? ³⁷ Kua ome ka pô ra pê mura vira rê.? ³⁸ Nguê xi ka tê vengonha un, ku lumba un ni gerasô adultera ku ka dji pekaru, Na Ome ka tê vengonha rê ala mê ka bi fô oncé ku gloia tata rê ku ane anzu santu.