¹ Sô Jizu fa ane: wha ku ma nga fa sê veré katxi sê bê govenu Desu ka bi ku pôrê. ² Samano ria, Jisu twa Peru, Txiagu i Nzo, bê ku ane ua nga zangaru. ³ Ma Kabixi rê bila ka luzi montxi kabixi ma labandela sa kapaji dy laba. ⁴ Sô Elia ku Musés bi katxi ane bi lumba ku Jisu. ⁵ Peru kundji i fa Jisu: "Mesé, inge sa buaru pa non sa né. Non ka zi têsi kilala: ua ra ô, ua ra Mosés, ua ra Elia". ⁶ ( Ê na ta kwa mê ka fa wa, punda ane ta ku mendu). ⁷ Ua ombosi lamba ane sô ua vozi siê katxi ombosi: "Yé sa Na rê ma nga gogo kwê. ⁸ Sô Êlê Ndê!" Tasô, ane lolê katxi ane, na bê nê ua nkenu wua, sô Jisu. ⁹ Ala ane tuka fô londé, Ê lekê ane pa ana tanga kwa é ra ne ua nkenu atê na omé ka kora motxi. ¹⁰ Sô ane loke kwa é koso ane mazi ane ta ka ngolo ta kwa sa kora maté. ¹¹ Sô ane puta Jisu: "Da kwai ma ane xcriba ka fa ma Elia ka bi pumbêlu veré?" ¹² Jisu kundji ane: Elia ka bi pumbêlu veré pa Ê bi detê turu kwa punda Ê sa xisikaru ma ma ome ka bi parisê iô kwa i ka bila mema ré? ¹³ Mazi nga fara sê ma Elia bi sê zi kwua ma sê mesê kwuê mora mê sa xisikaru rê. ¹⁴ Ola ma ane vutuka bi katxi mêlu ane, ane bê yô nkenu kondoka ane sô ane sefi ngeza ta ka pufia ku ane. ¹⁵ Ola ane nkenu é bê Jisu ane babaka kolê atê kota rê bi fé mantxa. ¹⁶ Sô ê puta ane mêlu rê: Da kwuai ma ane sê ka pufia ku ane? ¹⁷ Ua nkenu katxi ane kundji: Mesé, n ka bi ku mosu n ra ô; Ê tê ua supitu ku na ka zié limba wua. ¹⁸ Ê ka zié konvoson, ka zugé pê son kusa ka siê boka rê, ê ka sê ka mê detxi npindji ane melu ô ane na poi wua. ¹⁹ Sô Ê kundji ane: "Lasa mafé, atê kêriá ma nga sa ku sê atê keriá ma nga sê ka zi kwa ma sê ka manda mu? Bi kwuê da Mun". ²⁰ Ane bi ku mosu é dé. Ola ma alima é bê Jisu, ê tô ka temé diji diji komesa ka bila son ka lukwa fusa boka. ²¹ Sô Jisu puta tata rê: "Na keriá ma ê sa asié? Tata rê fa na txoõ ró rê. ²² Yô ria ê ka zugé pê fogô ô aua ka ngoló maté. Si bô ka poi! Turu kwa ka zi da nkenu ku ka kêlê. ²³ Jisu fara ane: "Si bô ka poi! Turu kwa ka zi da nkenu ku ka kelê". ²⁴ Sô tata mosu é ngita fa: nga kelê zura mu ka krensa mu. ²⁵ Ola Jisu bê yô nkenu ka kolê bi lêlê, Ê kolê ku alima ku ka fa. Supito suru ka tô letxé wa. ²⁶ Sô mosu é ngita bila ku teme digi diji zi mora nkenu ku muê mazi motxi nkenu komesa ka fa ê muê berê. ²⁷ Mazi Jizu tê mon so, laté so ê lata. ²⁸ Ola Jizu letxa kai, ane melu rê puté ane sô: Da kuai ma non na poi kolê kuê ua? Ê ²⁹ faré ane: "Mora é sê na ka poi kolê ua selá ku lason". ³⁰ Ola ane fô nhã la Galileia Jisu na ta mesê na yô nkenu ta nga ma ane sa né ua, ³¹ Punda Ê ta ka sina ane melu rê ka fa Na ome ka sa mon ome sô a ka maté. ³² Ola ê ka muê di tesi ria ê ka tô kora. ³³ Mazi ane na ta kua é ua i ane ta ku mendu puté. Sô ane ba Kafanaun, ala ê ta kai Ê puta ane melu rê: Kai ma sê ta ka pufia mondja? ³⁴ Mazi ane kaboka punda ane ta ka lumba ku ôtô mondja di ngei sa ma si ngai. ³⁵ Sô Ê ta son sama turu kuine dosu sô fara ane: "Si ua nkenu mesê sa pumbêlu ê ka ba mema na kia turê". ³⁶ Sô ê twua ua na pikina pê katxi ane sô digié sô fa. ³⁷ Kuai kuali nkenu ku ua na pikina mora ni nomy mun sa punda ê na twa mun; Si nkenu twa mun ê na twa mun ua mazi nkenu si ku manda mun. ³⁸ Sô Nzo faré: Mése non bê nkenu ka kolê ku dêmônô ni nomy ô non puvié punda ê na ka lêlê non ua. ³⁹ Mazi Jisu fa: na puviá ua punda ne ua nkenu na ka zi milagy ni nomy mun sô tô fa maly mun ua. ⁴⁰ Nkenu ku na ka kontê non ua sa ri non. ⁴¹ Kua kuali nkenu kura sê ua kopu di aua bêbê punda se sa nkenu kistu, kua nga fa sê veré ma Ê na ka pendê pagamentu rê ua. ⁴² Kua kuali nkenu ku zi ua na pikina si ku ka kelê ni nomy mun zi mali sa masi buaru pa ê twa ua buru manha pê singô ulukua ba mionga. ⁴³ Si mon ô ka zi ô zi mali katé ta. ⁴⁴ Masi buaru sa pa ô sa ku vira ku mon kolaru dokê saku dosu mon muê ba nkenu ba fogô ku na ka paga ua. ⁴⁵ Si opé ô ka ziô zi mali koté ta buaru. Sa pa ô tê vira ku opé kotaru doxê letxa nkenu ku dosu opé. ⁴⁶ Onde os vermes nunca morrem, e o fogo nunca se apaga (Este trecho é omitido nos manuscritos mais antigos). Nga ma ókoli na ka muê ua ma fogô na ka paga ua). ⁴⁷ Si whê ka zi ô zi mali tuké ta masi buaru sa pa ô lexta goveno Desu ku ua whê. ⁴⁸ Nga ma okoli na ka muê ua ma fogô na ka paga ua. ⁴⁹ Punda kara nkenu ka sa sagaru ku fogô. ⁵⁰ Salu sa buaru sa sê na tô saga ua na ô ka zié tô saga? Saga ô pumbê pa ô vevia ku pagi ku ôtô.