¹ Jisu xié fô nhá bi tia mê nasê né, ane namorê lêlê memá. ² Ala mê ndú sabaru ê sina ni sinagoga. Yô ngué ndê fika ki ngôsô fogawa. Sô ané fá: "andji má ê sina turu ane kúé né?". "Nguê pê yô kué ntêrê asié?". "Milagui kuai, má ê káji ku morê, é?". ³ "Ié ná sá kapitêlu moso maia, ê namó Tiago, Zozé, Zura ku Simõn á? Ané mana rê ná sá igué ku non á?". I áné babaká ku Jisu. ⁴ Jisú fá ané Ma ê na tê poféta ku tê valôru xi ê na sí nga ma ê nasê ne wa, i katji ané namó rê, i ni kai re ". ⁵ Ê naka pôgi kuakualí milagui nha wá , magi e pê mó ni ua dôsu duêtji kula ané. ⁶ Fata de afé ane, e fika babakarú. Ê sie ba ôtô nga ba sina lumba Desú. ⁷ Sô ê sama ané kuiné dôsu maêlo, ê da ané pôrê di manda ni supitu demono, sô manda ané bé dôsú , dôsú ba lumbá di Desú . ⁸ I iê fá ané pa ané na béku newa kuá ni mondjá wá,magi uwa djingui boró ané pô bekúê, né npó, né bôsa , né lêlú, ané ná ká pô bekúê manharu ní jibela ané wá, ⁹ magi pá ané pê sandalia opé, i pá ané napê dôsú kabixi wá. ¹⁰ Ê fa ane dingui: "Semple ma sê ka letxia uã kai, ane ka fika né atê ane ka siê. ¹¹ E txi kuakuali na tua sê ô na ndê sê wa, ola sê ka siê fonha, sê ka saguri opó de sala kanda sê, pa ane tá ma sê na gôgô ku ane wa". ¹² Ane siê ba fá ôtô nguê pa ane lepêndê de pekaru ane. ¹³ Ane kôlê ku yó demono, bua yó duetxi ku ólio duetxi kula. ¹⁴ Alê Herode ta ndê kué, má sa fa ni nomi Jisu fogawa. Ôtô nguê ta fa: "ma êsa Zón Batista, ku muê tô kara, ê manda êsa ku turú purê é". ¹⁵ Otô ta ka fá: "ma êsa Elia". Ôtô fá:"Êsa Tofeta, mora tofeta nakulu". ¹⁶ Magi olá Herode ndê kué, e fá: "Ié sá Nzó ma â manda cota xingô êtô kora." ¹⁷ Popi Herode tá mandaro pa ndama Nzó pê peru pôvia Herodia (mangai namorê Filipe), ma ê ta kasaru kuê. ¹⁸ Punda Nzó ta fa Herode: "Ê na bua pa bô tua mangai namoô wá". ¹⁹ Magi Herodia ta ku leva ku Nzó pê maté, magi ê na ta ka pôi wá, punda Herode ta ka mendo Nzó, ²⁰ punda é ta ma ê tuá uâ home (justo santo) e tá ké loquê ku nguara bem lóquêru. Ola Nzó ndé kué Herode ta ka sintxi komoraru, punda é tá ka ndê de bom vonté. ²¹ Herode da uâ zanta ni dia me gi anu, da turu ane sefi di Galileia. ²² Popi na de Herodia bi foga da ane, Herode ku ane nguê ma ê kuvira gôgô ku foga di ná é. Sô alê fá ané: " pindxin kukualikua ma bô mêsê ngá rá ô". ²³ Ê zulu fá: "Kuakualikuá ma bô ka pindxin, ê pô sá metari lênu hga ra ô". ²⁴ Neé siê ba fô mamarê: "kua man kapô pindxi?" Mamarê kundxi: " Ntê di Nzó Batista". ²⁵ Nié kôlê dxiandxia ba lêlê alê pindxé, fá: "Mêsê pá bô dan, ntê di Nzó Batista ni uã patu, wulé wulé mé". ²⁶ Kósó alé dema fogawua magi ê naka pô bilá ba memawá punda zúla ma ê zula e wê anê sefi ma ê kuvira. ²⁷ Antô alê manda soré ku ka tua konta rê pa ane bi ku ntê di Nzó Batista, nguara bê katê ntê ni pezú. ²⁸ Ê bi ku ntirê ni uã patu e tega naé i naé da mama ré êlê. ²⁹ Ané damoré ndê kué ane bi tua motxi rê ba tia pê ximintexi. ³⁰ Damo Jisu zuntá pê katarê, tangué turu kua ma ané ta giro, e sinarú. ³¹ Ê fá ané así: "Bi sê kabá uã nga londxi ba nhóká txo". Punda sê ta ka bê ku bi ne mé sê na ta ku tempu pá sê mewá. ³² Ê ané, subi vapô ba, uã nga longi. ³³ Magi yô nguê bé ané, ka siê ané zuntá siê ku kôlê, opé , ni tura poso e ané xiga pumelú ku ané. ³⁴ Ôla ané ta ka siê né vapô Jisú bi yô nguê siê sintxi pena ané, punda ané tia mora ovelha sê pastoru. E komesa ka sina ané yô kua. ³⁵ Ôla ma i siga ngoxi ané damorê, bi lêlê ané fá: Ié sá lugué longi ê sá mooxi zá. ³⁶ Dispigi ané pá ané ba tia ané ô vila maxi petu ba kopuá kua mé. ³⁷ Magi Jisu, kundji, fá: "Dá ané kuá pá ané mé". Ané fá: " Jisu non ku bá kopuá duzento milé npó pa ané mé?" ³⁸ Jisu fá: "kantu npó ma sê tê? ba tangué". ólá ané tangué ané fá: Tanó npó, dôsú kikê". ³⁹ Ê manda ané pá ané tasó só. ni txó, txó kara nga. ⁴⁰ Ané tasó txó, txó di sen, di xinguenta. ⁴¹ Ê tua tánó npó é, ku dôsú kikê, boiá uê ba diba onsé, ê dé bensá ê kébié dá ané damorê pá ané pê ni uê pôvô. Ê patxi dôsú kikê dá turu ané. ⁴² Turu ané mé, siá begá. ⁴³ Ané kôiê turu ndjigui npó ku sovesá ku ndjigui kikê, ê dá kuiné dôsú zongue siaru. ⁴⁴ Êtá tanó mili homé ku mé ané npó é. ⁴⁵ Olá é mé, ê gi ané damorê, letxa vapô pá ané ndá bá uê, bá ôtô kiba, ka sámá Betsaida, Ê fika ka dixipiji pôvô. ⁴⁶ Olá ané siê, Ê banda mundu bá montxi bá gi lásó. ⁴⁷ Nsúku kubi, vapô ta katji miónga, ê fika diba Êlê sô. ⁴⁸ Ê piá ma ané ta katê pulêma ku lemá ku ventu fotxi. Sô ni mazugaru zá Jisú bi ká pôzê ané ka ndá ni diba miónga, ê kia ané uê. ⁴⁹ Magi olá ané bê ká nda diba miónga, ané nguitá, kunda zumbi . ⁵⁰ Má Jisú piá má ané fika ku mendu fogawa olá ê mé Ê fá "selá sê tê kosó!" Ê s'ãn mé, na mendú wá. ⁵¹ I Ê letxa vapô kua ané, ventu ndjá di sópuá. Tú ané fika ku ngôstô fogawa, ⁵² sô ma ané na tá ndê, kua di ané npó; buaru wá, kosó ané tá fisáru. ⁵³ Olá ané xiga paiá, ané bê tia ka sámá Geresaré ané fundja vapô. ⁵⁴ Olá ané siê ni vapô, olá é mé pôvô bê má ê sá Jisú. ⁵⁵ Otô nguê nda ni turu nga ka quéga turu duêtxi ni maka di turu kiba ka bi kuê. ⁵⁶ Kuakuali nga ma ê tá ká letxa, ni vila, pôsó, ô losa, ané tá ka tuá turu duêtxi ni lúa ká logué, ká fá, ê pô sá pá nó, pê mó ni diba ô sô. I turu ngué pê mó né fika kuláru.