¹ Ane xiga ôtô kiba miônga, lêjion gadarênu. ² Ala ma Jisu xiê fô canuã, wâ ome ku tê supitu suzu, xiê fô xinteli bi lêlê. ³ Ome é ta ka vive rê xinteli. Newã nguê na ka pô tê wa ê pô sa ku korente. ⁴ Ê ta pezu iô vê ku korente ku jema, maji ê ka kebié ta punda né wã nguê na tê fôsa de têwa. ⁵ Turu suku ku pomonha , ni xinteli diba montji, ê ta ka nguita ka firi onguê rê ku buru. ⁶ Ala mê bê jizu ni londji, ê kolê pê mpuna só wê rê. ⁷ Ê guita ku fosa:"Kua man tê ku ô, Jisu, na Dêsu vivo. Un sê ka pindji ô, punda Dêsu, na tomenta wa". ⁸ (Punda Jisu ta fa ré:" Xiê fô lêtu home é, supitu suzu.`) ⁹ Maji Jisu puté: "Nome ô kuaí?" Sô ê kundji: Nome un sa lejion, punda non sa iô demônô". ¹⁰ Ê pindji Jisu pê na mandé ba ôtô lugué wa. ¹¹ Ê ra ma iô pôkô ta diba ôkê. ¹² Ane supitu suzu logué fa: Pia nhô pôkô lega non letxa né. ¹³ Jisu fa sê po letxa. Áne supitu suzu xiê letxa ni pôkô. Áne pôkô é, wã dosu mili fô diba ôkê letxa ba muê lêtu áwa. ¹⁴ Ane nguara pôkô kôlê bê áne, ba konta turu kuéé ni poso, ni kampu, iô nguê kolé bi pa ane ta kua ku ra. ¹⁵ Ala ma ane xiga zuntu Jisu, áne bê ome xi ku ta ku supitu demônô, tasoru, bixiru, turu ane kuéé xiê loké, áne xintxi mendo. ¹⁶ Áne nguê ku ta ta turu kua ku ra ku home xi ku ta ku supitu demônô fa kua ku ra kuê ku pôkô. ¹⁷ Áne komesa ka pindji Jisu pê bêrê lega tia áne. ¹⁸ Ala Jisu ta ka letxa vapô, home xi ku ta ku supitu demônô é pindjié pa ê turu letxa vapô pê bêrê ku Jisu. ¹⁹ Jisu na kundji wa, maji ê fa:" Ba kai ô, ba lêlê pôvô ô ba fa áne turu kua ma Dêsu ji ni vira ô. ²⁰ Sô home é bêrê ba fa turu kua ku Jisu dji ni vira rê. Turu nguê babaka. ²¹ Ala Jisu letxa vapô ba ôtô kiba iô nguê zunta pê ala mê tava zuntu miônga. ²² Sô wã xefe sinagoga ka sama Jairu kiê opé rê ala ma ê bê Jisu. ²³ Ê pindji Jisu, fa:"Na un sê ka muê bêrê. Un sê ka loga ô pa ô pê mo ô diba rê pê sa buaru da un pê vivê. ²⁴ Sô Jisu Bekuê. Iô nguê ta ka lêlê mema ka peté. ²⁵ Sô, wã mengai ku sangue ta ka kôlê onguêrê tê kuiné dosu anu. ²⁶ Ê ba lêlê iô dotolo, turu lêlu loké bêrê. Duetxi é na kula wa. ²⁷ Ê ndê ka fa ni Jisu, ê bi mema rê katxi iô nguê tê kabixe rê. ²⁸ Punda ê ta fa:"Xi un tê kabixi rê nga sa kularu. ²⁹ Welewele mé sangue é kuta mengai é xintxi ma onguêrê ta kularu. ³⁰ Welewele me, Jisu ta tá ma porê xiê onguê rê. Ê bila katxi áne, ê puta:"Nguê tê kabixi un? ³¹ Áne maiêlu rê fa:" Iô nguê sa zuntu ô ka peta ô: Bô ka puta nguê tê un? ³² "Maji Jisu pia vota rê pê ta nguê xi ku dji kué. ³³ Ma mengaié ta tá kua mê dji, ê xintxi mendo. Ê bi antê opé Jisu, ê konté turu Veré. ³⁴ Sô ê fê:" Na un afé ô kula ô. Bê ku paji bô sa kularu de mali é. ³⁵ Ala ma jisu ta ka fa, wã dosu nguê ta ka bi kai xefe sinagoga, ka fa: Na ô sa motxi. Da kuaí bô sê ka nkunga ku Mesé ra?" ³⁶ Magi ola Jizu nde ma ane ta ka, ê fa ane dómine di sinagoga:"Na temé wa. Kêlê sô". ³⁷ Ê na desa newã nguê lêlê wa, sela Peru, Tiago, ku Zon, manu Tiago. ³⁸ Ala ma áne xiga kai de dómine sinagoga, Jisu bê wã tomentu, iô nguê ta ka swa ka gô fogaua. ³⁹ Ala ma Ê letxa kai, Fa áne: "Da kuaí bô sa ku iô tomentu ku súa? Née na sa motxi wa, ê sê ka dumi". ⁴⁰ Áne di jisu, magi Ê turu áne lua, tua tata né é, mama rê ku turu nguê ku ta kuê, ba lugué ma né é ta. ⁴¹ Ê tua mon néé, Ê fa: " Talita kumi", ku sa: "Néé nga fa ô: Lata"". ⁴² Welewele me né lata nda (punda ê tê kuiné dosu anu). Aié áne tapaia. ⁴³ Jizu fa áne pa newã nguê na ka ta kué wa, fa pa áne da néé mé.