¹ Antô Jisu letxa lêto sinagoga un wã home ta ku mon lezaru. ² Ôtô nguê ta ka pia xi ê kula home en ni sabaru, pa ané tê ki mon . ³ Jisu fa ra home ku ta ki mon lezaro: "Latá bi katxi turo nkênu ". ⁴ Sô ê fa anê nguê ê: Nga pô dji turo kua buaru ni sabaru ô dji kua mali; Vévia ô txié vira? Sô anê ka bo ka anê. ⁵ Ê, piá bóro ku léva xatearu fogawa punda kosó dizu ma ané ta kuê, sô ê fa homé é: "sendê mon". Ê sendê mon Jisu kulé. ⁶ Ané fariseu bé ané djen dja, ka ngugunu ku ané herodiano, ka ngoló moru ma ané ka pô maté ta. ⁷ Sô, Jisu bé ku ané nkenu rê mionga. Iô nguê ku ta zuntaro lêlê mema , ané nguê ku bi Galileia , judeia, ⁸ Jerusalém, Idumeia, kiba Jurdon, boró boró Tiro ku Sidom. Ala má ané ndê kua ma ê ta ka dji, iô nguê bi lêlê. ⁹ Ê pindji ané maiêlu rê pa anê pê wã vapô txorororo kiba rê, punda iô nguê ta nhã, pa ané na beté wa. ¹⁰ Punda ê kula iô nguê, pa turu ané ku ta ka duêtxi, ta ku vonté pê kula ané seru, na zunta pê nda méwa. ¹¹ Semplé ala ku supito súzu ka pié, ané ka kiê zuntu rê, ka nguita ka fa:" Bô sa na Desu". ¹² Ê na tapaia wa, fa pa ané na fa nguê mê sa wa. ¹³ Ê banda mundu sama ngue xi mê mêcê, ané bi lêlê. ¹⁴ Ê koiê kuiné dôsu (nguêxi mê sama apostolo ) pa ané sa zuntu Rê , pê manda ané ba fa lumba rê, ¹⁵ mê tê porê kôlê ku demôno. ¹⁶ Ê pê nome ni kuiné dosu ané: Simon, ma ê ra nome Peru; ¹⁷ Tiago, na Zebedeu, Zon, nãmom Tiago, ané ixi mê ra nome Boanerges, ku ka pô sa na tovara; ¹⁸ André; Filipe; Bartolomeu; Mateus; Tomé; Tiago, na Arfeu; Tadeu; Simom, zelote; ¹⁹ ku Zura iscariote, nguê xi ku nga né. ²⁰ Sô Ê ba kai, iô nguê zunta dingui nê moru pa ané ba mé kua kuali kua. ²¹ Ala ané nguê kai ô ndê kué é, ané tê ô pa ô na béwa, punda ané pia ma ô sa tapaiaro intê. ²² Escriba ki bi jeruzalem ta ka fa;" Ê sa ku demônô" " ku demônô iúkaro ê ka txia ané demônô". ²³ Jisu sama ané, fa ni vesu: Má demônô ka kôlê ku demônô? ²⁴ Xi wã lênu sa wangaro, ma ané ka pô langa. ²⁵ Xi wã kai sa wangaro, ê na ka tê vira longo wa. ²⁶ Xi demônô latá contla ané mé wangaru kué na ka langa wá, ê ka loké bêrê. ²⁷ Magi néwã inguê na ka létxa kai wã home fotxi futá kuarê békuê sê pê manhén pimbêlo wa; Inguêé ê pô futé turu kua kai. ²⁸ Nga fa sê veré, turu mali ma na nkuênu ka dji á ka poré, antê turu kua vonvon ma ê ka fa. ²⁹ Magi nguê ka fa vonvon contla supito santo na tê pero wa, ê ka sa kuparu ku wã pekaru antê antê. ³⁰ Jisu fa kué éé punda ané ta ka fa;" Ê tê wã supitu suzu". ³¹ Maa rê ku namo rê bi , tá ané lúa. Ané manda wã nguê samé ra ané. ³² Iô nguê ta zuntu rê, ané faré:" Maa ô ku ané namoô sa lúa ka ngolo ô". ³³ Ê kundji ané:"Nguê sa maa un ku naámo un? ³⁴ Ê pia turu nguê ku ta tasoru daru vota zuntu rê fa: " Pia, inguê sa maá un ku naámo un! ³⁵ Punda kuakuali nguê ka dji vonté Desu, ixié ané naámo un ku maá un".