¹ Ála Ê bi cafarnaun, tê wã dosu ria an dê fa mê ta kai. ² Axi, iô nguê zunta nha, ni mora ma nha na tô tê luguê ndja pê wa, nê poto, Jisu ta ka lumba ku ané. ³ Iô nguê bi lêlê Jisu ku wâ home lezaru; kuana nguê keguê. ⁴ Ane na ndu zuntu rê wa punda iô nguê ta zuntaru nha. Sô ané baga diba kai nga ma Jisu ta né, ané dji vuvu, túa cama decé anté nga Jisu ta né. ⁵ Jisu bê afé ané, Ê fa home lezaru: Na un pecaru ô sa poraru. ⁶ Wã dosu escriba alê ta nha ka ngugunu cosó ré: ⁷ Ma homeéé ka pô fa mora é? Ê fa mali! Nguê ka pô pora pekaru xi ê na sa Desu sô wa? ⁸ Ma jisu ta kua sa lêtu coso ané, Ê fa ané:" Da kuaí sê sê ka pensa mora é lêtu coso sê? ⁹ Kua sa maxi facili fa ra home lezaru: Pekaru ô sa poraru ô fa: lata tuá cama ô nda"? ¹⁰ Magi, pa sê ta ma Na Home tê porê ni tía de pora pekaru," Ê fa home lezaru: ¹¹ Nga fa ô: Lata túa cama ô ba kai ô". ¹² Ê lata ceru túa cama rê xiê fô kai ni wê turu nguê, ané gôgô ku turu kué da gloia Desu fa:" Nó naxi bê kúa mora é wa". ¹³ Ê tô xiê ba boro mionga, iô nguê ta ka bi lêlê, Ê ta ka xina ané. ¹⁴ Ê ta ka la, Ê bê Levi, na Arfeu ku ta tasoru ni luguê di coletá impostu, Ê faré: "Lêlê un". Ê lata lêlê mema. ¹⁵ Ala Jisu ta ka mé mesa kai Levi, ané nguê ka túa lêlú impostu ku pekarô ta ka mé ku Jisu ku ané nkenu rê, punda iô nguê ta ka lêlê memá. ¹⁶ Ala ma ané eskriba ku farizeu bê ma Jisu ta ka mé ku nguê ka dji pekaru ku túa lêlu impostu, ané fa nkênu rê: Da kuaí mê ka mé ku nguê ka dji pekaru ra? ¹⁷ Ala ma Jisu ndê kuéé ê fa ané:" Nguê buaru na ka ba xipitali wa; nguê sa duêtxi sô ka bé. Na bi sa justu wa, maji pekarô". ¹⁸ Ané nkênu Zon ku ané farizeu ta ka jijua. Wã dosu nguê bi lêlê fa ré:" Da kuaí ané nkenu de Zon ku ané nkenu farizeu ka jijua, maji ané nkênu ô na ka jijua wá? ¹⁹ Jisu fa ra ané:" Sê ka pia mé ane conviraru fesa casamento ka jijua ku noivo ingué? Xi noivo sa ingué, ane na ka pô jijua wa. ²⁰ Maji ê ka bi xiga dia ma noivo ka bêrê, ni dia é ané ka ba jijua. ²¹ Nêwã nguê na ka sora cabixe novu pê wã cabixi vé wa; axiwa ê ka tubua bêrê, vuvu rê ka sa ngairu. ²² Né wã home na ka pê vim novo ni buli vé wa. xi ê zi kuéé vim novo é ka kébié loké vim é ka baga bêrê. Da kuéé pê vim novo ni buli novo" ²³ Sô kuê da ni wã sabaru, Jisu ta ka la lêtu kampo, ané nkênu rê ta ka biri mondja ka tukua glón. ²⁴ Ané farizeu fe fa: Pia, da kuaí ané sê ka dji kua ma na ka pô dji ni sabaru wa?" ²⁵ Ê fa ane: "Bô na lê kua ma Davi ji ala mê ta ku fata ku fome, êlê ku ané home ku ta kuê wa? ²⁶ Ma ê lêtxa kai Desu ola Abiatar tava sumu Sacerdote ê mé mpó ni wêrê kua ku na sa pa kualikeru nguê dji wa, sela sacerdote sô, ê da tambê ané nguê si ki tava kuê?" ²⁷ Jisu fa:"Sabaru sa giru da home, ma ji ê na di home da sabaru. ²⁸ Magi na home sa dono atê de sabaru.