¹ Só e da kua olá Jizu ndja turu ané lumba, E fá ane melo Re: ² Seta ma diingue ni dousso ria kabi sa Passicua, i na di Omé kussa daru pa pe kussa. ³ Antó ene chefi sacedoti i ene ancion do povo zunta ni palaxu di sun sacedote, kua a ka sama kaifas. ⁴ Konderu, ane ta pensa manha Jizu i mante E. ⁵ Magi ane fa: Na sa ola fessa wa, pa a na lata demanda ketxi de povo wa. ⁶ Jizu ta ni Betania, ni kai di Simon, ixi leproso. ⁷ Olá e ta tassoru ni mesa wa mengai bi Lele bi ku wa dona alabastro ku pufume karu fogawa, so bague ni diba ne Re: ⁸ Magi ola ma ene melu be kuéé so ane kita to fa: kuali lazon pa dana kue. ⁹ So pufumie toka sa benderu pa wa lelu buaru pa da ane plobli. ¹⁰ Magi Jizu, bi ta kuee fada ane: Punda kuai se ka traza mengai e. E zi wa kua buaru da un. ¹¹ Semple pobli sa ku sé, kagi semple se na te a unwa. ¹² Punda ola e lukua pufumie diba ongue un, e so zi kue pa mothi un. ¹³ Vereme aun nga fa se nga ma vangelho xie ka sa faru mi turu mundu, kua ixi ma mengaie zie ka sa tangaru ni leblança re. ¹⁴ Antó, wa ane kuin douso ma a ka sama Zura escarioti, ba ane xefe sacedote. ¹⁵ Só fa ane: Kua ma se ka ma um se un da se ele. Ane pesa trinta muera di prata pa ele. ¹⁶ Ni aie ba ue, E ta ka ngolo wa moro pa da ané. ¹⁷ Ni pimelo ria di npo asmo, maielo bi kota Jizu so fá: Andgi bo mece ma a ka prepara me de Passicua Ra o: ¹⁸ Ê fa: Be ba posso ba setu ome i fa de: so Messe fa: ola un savitxa. aum sa kazi passikua ni kaio ku ane maielo un. ¹⁹ Ané maielo zi mora Jizu xina ane so zi me de Passikua. ²⁰ Olá nsuku vitxa E tasso pa me ku ane kuin dousso maielo. ²¹ So ola ene ta mé, fa ane: Veremé aun nga fa sé ma wa se kabi nganaun. ²² Ané ta ki io dolo so kara wa ta punté; setu me e na sa uwa sun. ²³ E kundji : nguéki ka pe ku aun mon ni patu ixié ka nganau. ²⁴ Na di Omé ka mue mora e sa sichicaru soble Ele. Magi aie dingue ku kazi na di Omé sa nganaru. ka sa buaru pa ele na toka nassewa. ²⁵ Zura, kuka bi ngane fa: E sa un Messe. E kundji: Bo so fa. ²⁶ Olá ta me, Jizu tua npo o da bensson o cote so patxie da mielo re. fa: tue, me Ixie sa ongue un. ²⁷ Antó E tua so da glaça, da ane fa: Bebe Hue, turuce. ²⁸ Punda ixie sa sangui un so sangui de Aliança ku sa lukuaru pa io ngue da peron de pekaru. ²⁹ Magi Aun nga fa sê ma na ka tô bêbê dinguiwa unkê vidlirawa, ate ria ma un ka to bebe dingui ku se ni Lenu de Pai un wa. ³⁰ So di ane canta unwa vungo, ane xie pa ba Monte di Oliveiras. ³¹ Anto Jizu fa ane : sun ku é turu e ka sintxi mali punda kua un, punda e sá sixikaru: Aun ka firi pastoru i ane ombó de ubua kasa wangaru. ³² Magi so ola Aun ka mue kora, nga kie ue di se pa ba galileia. ³³ Peru fa de: Anda ma turu ane ka sintxi mali punda kua o, aun na ka sintxi maliwa. ³⁴ Jisu fa de. Veremê nga fa o, ma nsuku xie, antiji ma galo ka kanta boka nega aun texi vê. ³⁵ Peru fade: Mesmo si e sa muê kiô, na ka negaó wa. so mora ê turu ané maielo fa. ³⁶ So Jizu bé ku anê ni unwa nga samaru Getisemani so fa ane maielo: Tasso inguê na aun kaba ingue ora. ³⁷ Ê be ku Peru i ane doussu na di Zebedou kue, komessa ka sintxi tristi so ku dolo. ³⁸ So fa ané: Alima un sa xatiaru fogawa atê motxi. ta inguê ku un so zongoku aun. ³⁹ E to baue txo wa poco, Penpuna re ni son, i ora. E fa: Pai un si é sa possivel la di un kasi xie. Entrtanto ma na sa mora aun desejawa, magi mora Bô deseja. ⁴⁰ Ê bi ane maielo re so taka ane dumiru, so fa da Peru: Kuai, bo na poi zongo ku aun ni uwa hola. ⁴¹ Zongo so ora pa o na letxa yentaçon. Sô supito de veré sa prepararu, magi kani e sa flacu. ⁴² E afasta txo wa sengunda vêji pa ora e fa: Pai unsi e na ka dawa ki kasse xie lawa, se pan un bebewa. seja feta vonte ô. ⁴³ Ê to bé machi wa veji so taka ane ka uni, punda ue ane ta demaru. ⁴⁴ Antó e dessa ene dingui, saiatho so ora ni tessi veji, fa ana mora lumbae. ⁴⁵ Só Jizu biléé ané maielo so fa ene: sa dumi so dicança anda. Pia, so hola sa peto so na di Omé kasa daru ni mon de pekaru. ⁴⁶ Lata se beno. La ma ngue ka ngua na sa peto. ⁴⁷ So E ta fa anda, zura, wa ane kuin dousso zuntaru di wa meme multidon vitha ni kiba di ane xefi sacedoti i ancion de povo, vitx ku supara ki macete. ⁴⁸ So Omé ki ta pa ngana Jisu ta da ene wa xinali fa: Ngue ma un beija sa ele. Manhe-é. ⁴⁹ Welewelemé, e ndu ni Jisu só fa: kuma e, messe só de bejo. ⁵⁰ Jisu fa de. Migu, zi kua ma o bi zi Antó ane to vutxa, sende mon ane diba Jisu i manhe-ê. ⁵¹ Só ma wa ene ku ta ki Jisu sende mon re saia katana, o firi a nakia di sumu sacedote kote oidia re ta. ⁵² So Jisu fa de: Pe katana o digui ni nga re punda turu ngue ka te katana ka mue ni katana. ⁵³ Na ka pensa ma un kapo nguita da Pai un, i E ka manda machi di kuin dousso legion de anzo. ⁵⁴ Magi antó ma mora Blibia ka kumpri, ma ata fa setu ma kue kaliba. ⁵⁵ Ni hola e, Jizu fa da multidon, sebi ku katana i manduku pa manha um mora wa ladron. Aun ta tassoru turu ria ni ngueza ka xina se na manha wa. ⁵⁶ Magi turu kue da pa ki ane kua xiqueveru de profeta kassa kumpliru. So baue, turu ane maielo dessé só fuzi. ⁵⁷ Ngueixi ki manha Jizu so bekue da Caifas, ni sumo sacedoti, nga ene escriba i ane ancion ta zuntaru. ⁵⁸ Magi Peru Lelé E di lanji oté salon di sumo sacedoti. Letxa i tasso ku ané nguara pa pia kua kara. ⁵⁹ Ane sefi sasedoti y turu ane Sinedrio ngolo whã faso seseminha kontla Jizu, pa pô kondené Ê da mothi. ⁶⁰ Ane na bê né whã wha, mesmu ku yô fasu seseminha ta pezenta. Sô masi ngosi, dousu bi ni whê. ⁶¹ sô fa: Omé é fa: Mpoi baga ngêza di Dêsu so lume ni tesi ria. ⁶² So sumu sacedote lata so fa Dé : Bo na te resposta wa; kua ixi ma se ka sectemunha kontla o. ⁶³ Magi Jizu ta fessa kaboka pipipi. o sumu sacedote fa De: Aun ga manda punda Dessu vivu fa no se bo sa Clisto, Na di Dessu. ⁶⁴ Jizu kundji ene. Bo fa pa o me. Magi aun nga fa o di aie ba ue bo kabe na di Omé tassoru ni kiba gleto de todo Poderoso, kabi ni diba nuvé di once. ⁶⁵ Antó so sumu sacedote taia cabissiré ta i fá: E te fa mali, Punda kuai non sa precisa sestemunha anda. Se nde mali. ⁶⁶ So ma pensa; Ane kundji so fa: E sa merecedor de mothi. ⁶⁷ Ane kupi ni polo Re De ki kua De suru, ⁶⁸ ene fa: fadanon, Clisto. Ngei ki firio. ⁶⁹ So Peru ta tassoro ni borro di lua ni salon wa na kia bé ate ele so fa: Bo també tava ku Jizu di Galilei. ⁷⁰ Magi e nega ni ue turu ane, fa: Aun na ta kua ma o sa fa wa. ⁷¹ Olá é xie ba ponton, oto na kia so bé fa ene ku tava ingué: Omee te també tava ku Jizu di Nazaré. ⁷² Só e nega dingi ku wa zula: Aun na konse Omee wa. ⁷³ Te pouko so, nge ki tava nhabi so fa da Peru: sa seto, bo tambe sa wa diane, punda mora de fao ka kuza o: ⁷⁴ Anto ê komesa ka maldisoa so te zula: Aun na konse Omé wa i welewelemw wa galo kanta. ⁷⁵ Pedru lembla de lumba ma Jizu ta fé: Antiji di galo kanta, bó ka nega un tessi veji. Anto e ba boro so sua ki io dolo.