¹ Sô Goveno Desu sa mora kuine na mosa ku, tua toxa rê siê ba lelê dadu rê. ² Tanó ané ta malokô tanó supetu. ³ Ola maloko tua toxa rê, ê na bekuê wha. ⁴ Ma supetu biku doma mazi ku toxa. ⁵ Sô dadu é langa, turu ane ta ku sóno sô ne dumi. ⁶ Sô mea-notxi ane ndê Nguita: Ya dadu ô, bi lelê. ⁷ Sô turu ane lata yerê toxa. ⁸ Sô maloko fa supetu: Dano txo mazi sê punda toxa nón sêka paga bêrê. ⁹ Sô supetu kundji ane fa: non na tê mazi ku ka siga non tô siga sê wha, ba lelê nkenu ku ka bendê mazi ba kopé ra sê. ¹⁰ Sô ola ane ba kopé, dadu é vitxa, sô isi ku ta plontu békuè fesa kasamentu sô póto fisa. ¹¹ Ta sô ane vitxa sô fa: Sumbê, Sumbê biri póto ra non. ¹² Sô ê kondji fá: Nga fa sê veré ma na ta sê wha: ¹³ sô ka zongó punda sê na ta ola wha. ¹⁴ Ê sa mora whã omé ku ta kuazi pê ba otô tia, Ê sama na kia rê pa ane tua konta likêza rê. ¹⁵ Whã ê ra tanó kontu, otô ê ra dosú, sô otô ê ra whã kontu. Ê ra kara whã de mora ma ê ka poy kuê, sô bêre viaji. ¹⁶ Sô isi ku tua tanon kontu ba zi nogôxo ê tô zi tanon kontu. ¹⁷ Mora é mé ma ku tua dosú tô zi dosú. ¹⁸ Mazi nkenu si ku tua whã bé ba biri kobo són kondê lelú ome-é. ¹⁹ Ê langa, xefi na kia é tôbi zi konta ku ane. Na ²⁰ kia ku tua tanon kontu bi ku otô tanon kontú. ²¹ Mése rê faré: Sa bua, na kia buaru ku ka zi buaru! bô zi buaru ku pokô kua, nga tô ra ô masi. Letxa leguelá ku mése ô. ²² Sô isi ku tua dosú kontu fa: Mése ê bô dan dosú kontu. tô, ya dosú kontu. ²³ Mése rê faré: buaru foga wha na-kia un sa buaru ku pokô bô zi buaru, nga tô ra ô masi. Letxa leguela ku mése ô. ²⁴ Sô ysi ku tua whã kontu fa: Mése ê, un ta ma bô sa rizu foga wha: bô ka koyê ni nga ma bô na kuna wha. Ka zunta ni nga ma bô na whanga wha. ²⁵ Un, ta ku mendu sô mba kondê talentu ô kosi mavu. Ya ku sa di-ô ynguê. ²⁶ Mazi Sun rê kundji, fa: Ná kia mafé pliguisoro, bô ta ma nga koiê ni nga ma na simia wha, ma nga zunta ni nga na whanga wha. ²⁷ Milhó bô ka ra ane nkenu ku ka tloka lelu olá nga bi nga tué ku juru. ²⁸ Sô txia lelu mon rê da nkenu ku tê kuin. ²⁹ Punda turu nkenu ku tê masi a ka tô ré masi sô ê ka sakuê motxi. Sô isi ku na tê netxó wha atê ma ê tê a ka txié. ³⁰ Kolê ku na kia máfe ba kulu nha ka tê sua ku detxi mé. ³¹ Sô ola Ná ome ka bi ku porê ku turu anzu kuê ê ka tason ni tlonu rê. ³² Kota rê ka zunta turu nkenú tia, sô Ê ka baga nkenu wha ku otô. Mora pastoru ka baga ombô ku bodji. ³³ Ê ka pê ombô mon leton rê pê bodji mon sikeru. ³⁴ Sô Alê ka fa nkenu si ku sa mon leton bi, kuviraru Táta Un, lera Govenu ma a bá pepala na tia fô tia. ³⁵ Punda un ta ku fome bô ra un mé: Nta ku seri bô rãn bebê, nsa nkênu ku bi bô pê un kai. ³⁶ Un ta unu bô rãn kabisi, un ta ka doetxi bô ba kula un: Nta pezu bô bi pia un! ³⁷ Sô Zustu ka bi kundji fa. Mése ê kêría ma mbê ô ku fome ma ma un ra ô mé! Ô ku seri ma nra ô aua! ³⁸ Y kêría ma mbê ô bi ma mpê ô kai! Ô unu ma mbisi ô! ³⁹ Kêría ma mbê ô ka duetxi ô pezu ma non ba pia ô! ⁴⁰ Sô alê ka kundji ane: kua veré ma nga fara sê ma, si sê zi whã ná mon masi txô kua é-é sa sê zié ra Un. ⁴¹ Sô ê ka fa isi mon sikeru: Fô kota un, sê mafé, ba fogô ku na ka paga wha ziru ra demóno ku anzu rê. ⁴² Punda nta ku fome bô na ra mé wha: nta ku seri bô na ra aua wha, ⁴³ mbi, bô na pen kai wha, Nta unu bô na bisi un wha, nta ka doetxi pezu bô na puta nova un wha. ⁴⁴ Sô ane turu ka kundji, fa: Mése ê, kêría ma nón bê Sun ku fome, ô ku sêri, ô ku bi ô unu, ô pezu ma non na sivi Sun wha! ⁴⁵ Sô Ê ka kundji ane: Kua Nga fa sê veré, ma sê na zi whã na pikina Un, sa a Un ma sê na zié ra wha. ⁴⁶ Yé ka ba kastigu atê atê mazi Zustu ka ba vira atê atê.