¹ Sa ma nó ria sô Jizu bé ku peru Tiago ku manó ré Zon, wanga pa taru ba ndá ku ané uã nga zangaru. ² Ê ané mura polu né wê ané: nguê rê tá ka luji mora sôló, ka bixi ané bila lijiru wa kandja. ³ Só Ku Moizezi ku Elia vitxa ta fá kuê. ⁴ Peru fá dá Jizu: Sun ê sá buaru pa non ta ingué. si bô mesê nó ka dji tesê kilalu uã rá Sun, uã rá Moizezi i uã ra Elias ⁵ Ê ta ka fá Ndá ⁶ Olá uã omboxi ku bi ané ndê uã voji bi ni ombixi ka fá : Ixi ê sá na hun ma nga gôgô ê, di ka mi ka fá. Olá ané maêlu di ku ê iné kie nguê ané bassu ané ta ku yô mendu. ⁷ Só Jizu bi tê ané fa: sá ta sê na tê mendu wa. ⁸ Só ané bila wê na bê niuã nguê wa Jizu. ⁹ Sô ola ma ané ta ka tuku ané ne mundu, Jizu da ordé fa: Na fá niuã nguê ku wê wa, atê ma homé ka kora ni motxi. ¹⁰ Só ané maiêlu putê fa: Ma ané escriba ka fa ma Elias ka bi punbê ? ¹¹ Jizu ku ndi ê fá: Elias ka bi pumbé veré bo koseta turu kua. ¹² Ni turu kuê ngá fá sê: Elias bi sá, magi ané na ligué wa: Dá kue iné gi kua ma ané mesê kuê. Ni mora ê mé na homé ka bá parisê ni mora ê mé ni mó ané. ¹³ Antó siguiroré tendé mé ka fa dê Zon Batista. ¹⁴ Olá iné hun du suntu yô nguê, uã homé bi pê puna só suntu Jizu, só fá: ¹⁵ Sumuê tê perô na hun; ê sá duetxi supitu lendê motxi fogawa. Yô vê ê ka kiô ni fogô yô vê ka kê ni auwa. ¹⁶ A hun bi kuê da inê maiêlu ô, magi iné ná poi kuelewa. ¹⁷ Jizu kudji só fá: gerason mau ixi ku na ka kêlê wa, até kê ria ngá sá ku sê i até kê ria ngá kenta sê? Bi ku mosu ê rá hun. ¹⁸ Jizu kolê mé ma demonó ê xê na mosu, ê fika kuralu olá ê mé. ¹⁹ Antó iné maiêlu bi lêlê Jizu sê pa otô nguê ta só fa: Punda kui nó na pô xiê wa. ²⁰ Jizu fa iné sá punda afé sê sá txiororo, só hun ngá fá sê. Xê sê tê afé mora uã gran di mostarda sê ka pô fará mundu ê xiê nguê han. Ê ka xiê. Ni wa kua ka impiri sê wa. ²¹ Magi maru demonó ê na ka xê iná sá ku olason ku dijijun. ²² Olá iné tia di Galileia Jizu fá iné maiêlu ré: na homé só ka ba sá tregaru né mó di homé. ²³ Iné ka bá motxi magi, tesi ria, ê kató lata. Iné maiêlu fika tlisti fogawa. ²⁴ Olá iné xiga Cafarnaum iné ba lêlê Peru ku iné maiêlu rê, iné punta: Masé sê na ka paga impotuá? ²⁵ Ê kundji ê, ê ka pagué. magi ola Peru leta kai Jizu gê seru punté: kuai nó ka pô fa di uã Simon? Di nkenu má ale di tia ka recebé taxa ô tributu? di iné ma ré ô yô nkenu? ²⁶ Olá Peru fá: Di otô nkenu, Jizu fá iné. Antó ané na rê na pagawa. ²⁷ Magi pa iné nagi demandawa, ba mionga zuga zoló, pimelu ki kê mó ka tê, bili boka rê. Bô ka bê lélu tu ê da ki ku ká kobra impostu ra hun, ra.