¹ Paulo apóstulu dy klistu Jizu, da vonté dy Dessu, a Santo dy Dessu ny Efeso, ku sa fiéli ny Klistu Jizu. ² Glasa sê, paji ku kabi dy Dessu Tata non ku Sun Jizu Klisto. ³ Ku Dessu Tata non Sun Jizu Klisto ka sá lovaru, ku bensua nón ku turu bênsa espirituali ny nga selestiali ny Klisto. ⁴ Antizi dy kriason dy mundo, Dessu koiê non ny klisto pa sa santo sê kupa ny whê rê. ⁵ Dessu distina nón tô adota nón ny narê Jizu Klisto, mora bondade dy vontê rê. ⁶ Adota nón ny resulta dy louvoru dy glasa gloia rê ma Ê da nón livremente ny Amado. ⁷ Ny Jizu Klisto, non tê redenso ny sangue rê, peron dy pekaru, mora likeza dy glasa rê. ⁸ Ê ulukua abundante glasa rê diba nón ku turu sabedoria ku entendimento. ⁹ Dessu ji pa nón konsê proposito ku sa konderu ny vonté rê, dy mora Mê mesê ka zi kua buaru, ma ê apresenta ny Klisto. ¹⁰ Ku dji wha plano pa plenitude dy tempo, ma ka zi konvergir turu kua, ny osé mora tia, diba whã intê, Klisto. ¹¹ Ny Klisto, non fô lumiado herdeiro, kowêru antiji, dy seto ku plano nkênu ku ka zi turu kua da designio vonté rê. ¹² Dessu zi non herdeiro pa nó sa pimelu ka tê kunfiasa esperasa ny Klisto, dy mora ma non kapoi existi pa lova goia rê. ¹³ Ny Klisto, bô ndê també lumba dy veré, Evangelho dy salvason, kêlê Né, fô selado ku Supito Santo ku tava plometiru. ¹⁴ Kuali sa garantia dy heransa non, atê ma nón ka tê posse kompleto rê, pa lovoru da goia rê. ¹⁵ Punda kua si é, djina andê fa dy afé sê ny Sun Jizu, da amolê sê da turu povô santo dy Dessu, ¹⁶ Na ndja dy agradese Dessu da sê y fa nome sê ny lason un wha. ¹⁷ Aun nga fa lason da Dêssu dy Sun Jizu Klisto, Tata dy goia, ka da sê whã supito dy sebe y dy revelason ny konhesimento Rê. ¹⁸ Nga fa lason pa whê dy koson sê ka sa luminaru, pa ta kuali ku sa konfiante esperansa pa kuali Ê sama sê da likêza dy goia heransa Rê entre turu povô Santo dy Dessu. ¹⁹ Ny lason un, nga pindji pa sê konsê ngairu y m´mé ma porê sa ku sa ny nó ku kêlê mora obla dy meme fosa Rê. ²⁰ Y sié mé sa porê ma ku Dessu opera ny Klisto ma ê ressusita ny motxi ku zié tason direta Rê ny nga selestiali, ²¹ Diba dy turu ngoveno, autoridade, porê dominio y turu nome ku sa fa. Klisto na ka manda tempo ai só wha mazi també ny ixi ku sê ka bi. ²² Dessu sujeta turu kua basu opé dy Klisto, y letxa ny ngeza mora intê diba turu kua. ²³ Ngeza sa ôgê rê, plenitude nkenu si pleêxe turu ny turé.