¹ Sô whã omé ma ka sama Anania, ku Safira, mengai rê, bendê whã lossa, sô ê fika ku whã kiba lêlu mê bendê ( megai rê ta turu kuê). ² Ê bi ku ôtô kiba lêlu sô bapê opé melu Jizu. ³ Sô, Peru punté: Anania, da kuai ma demono sia koso ô pa ô siriga da Supitu Santu sô fika whã kiba lêlu é losa! ⁴ Sô si ta sê bendê, ê na ka sa di ô sô wha! Sô ola bô bendê, sô ê na ka ta ni porê ô wha! Ma bô pensa kué ny koso ô! Sê na siriga da omé wha, mazi ra Dêssu. ⁵ Ma ê ndê lumba é, Anania kiê só muê. Yô nkênu ku ndê kué é ané mendu fogaua. ⁶ Sô ané mosu lata, kubíé pano, kégé békuê ba tia. ⁷ Sô dy têsi ola, mengai rê turu letxia, na ta kua ku ta ka raua. ⁸ Peru fé: Bô ka tagaun bô bendê losa i ny pesu é! Ê kundjê: Ê ê ê mbêndê pesu é. ⁹ Sô, Peru fé: Ra kuai sê luma povega Supito Sun! Pia ane nkênu ku tia ome ô ny potó, ane turu kabi ku ô. ¹⁰ Ta sô ê kiê opé rê sô ane moso bi bê motxi, sô ane bé kuê ba tia kota ome rê. ¹¹ Sô turu ngêza ta ku mendu fogaua sô ku turu ane ku ndê kuê é. ¹² Yô sinali buaru ta ka ra katxi pôvô ny ane melu zi zu. Sô ane ta apendre dy Salomó zunto. ¹³ Pôvô po ta ka gôgô ku ane fogaua mé wha, nkênu na ta ku koso di zunta ku ane wha. ¹⁴ Sô yô krente ta kamotxi ny Sun, mora ome kuma mengai, ¹⁵ Dy mora atê doetxi a ta ka bé ku ane lua ba pê kama ô maka, mora ola Peru ka pasa ma sombla rê ka la diba whã whã ane. ¹⁶ Sô nkênu ta kabi zuntaru fô poso turu kiba Jeruzalem, ta kabi ku doetxi ku nkênu ma demono tua kota rê sô turu ane yógó loké. ¹⁷ Sô sefi ngêza lata, sô turu nkênu ku ta kuê, ¹⁸ ( yesa, seta ane saduseu) sô ta tuá ouyêsia. Manha ane melu Zizu, pê ane pezu publiku. ¹⁹ Na suku anzu Sun biri poto pézu, txia ane pê lua sô fa: ²⁰ Sê ka ba plezenta ny ngêza ba fa turu nkênu turu lumba vira é. ²¹ Ola ane ndê kua é ane letxia ngêza pomonha seru sô komesa ka xina. Sô ane sefi ngêza ku nkênu ku ta ku ane zunta kose, ku turu sefi ngêza Israel sô manda ane nguara ba pezu ba tua ane melu Zizu bikuê. ²² Nguara bé atê nha, sô, ane bê ane melu Zizu pezu whã, sô ane tô ba fa tanga kue e: ²³ Nó bê pezu fisaru ku turu segurasa ku nguara ndjaru kota potó, sô ola nó biri é, nón na bê né whã nkênu wha. ²⁴ Ola sefi nguara ngêza ku sefi melu ndê fa é, ane tá kovoru fogaua ku kua ku ta ra. Sô nkênu sô viza ane! ²⁵ Ane ome ma ô pê pezu sa ngêza ka sina ngê. ²⁶ Sô kapitó bi ku sefi soré sô bi ku ane sê béta ane, punda ane ta ka mendu povô dy ra ane ku buru. ²⁷ Sô ola ane bi ku ane bi musa konselheru ane sefi ngêza punta ane. ²⁸ Fa, nón obliga sê pa sê na sina ny nome é wa, punda sê sia Jeruzalem ku kua si ma sê ka sina sô mese lukua sangi ane ome i pê diba nón. ²⁹ Sô, Peru ku ane melu kundji: Nó tê dileto di zi kua Dêssu ka manda masi dokê ome! ³⁰ Dêssu Tata nón ku tô kora Jizu ma sê mata, inhega pê kusu. ³¹ Dêssu pê món dileta i ê sa Prisipe ku savaru, pa Ê da leplendimento da Israel y remisó dy pekaru. ³² Nó sa testemunha ane kua é, sô axié ma Supito Santo di Dêssu da nkênu si ku ka obdêsê. ³³ Ola ane ndê kua é, ane meblu kosê ta ku leva sô ta mêsê mata ane melu. ³⁴ Mazi whã farizeu ma a ka sama Gamaliel, dotolô Alê, ma turu nkênu ka lispeta lata da odji pa bi ku ane melu lua txó. ³⁵ Ta sô ê fa ane: Ane ome Israel, tua yô ateso ku kua ma sê ka zi ane nkênu é. ³⁶ Whã dosu ria mema, Teuda lata fa ma ê sa ngê fogaua sô yô ome kapo tê whã nake sento zunta kota rê. Ê muê sô turu nkênu ku ta ka lêlê baga wanga baga loké. ³⁷ Ku turu kua é, Zura galileia lata dia di senso ku yô nkênu ku ta ka lêlê. Êlê turu muê, sô turu nkênu ku ta ka zi kua ma ê ta ka mé ta ka manda wanga. ³⁸ Nga fa sê, fo kota ané ome é sô desa ane, punda si kuasi ma ane pesa ô sê ka zi sa ri ome é ka loke. ³⁹ Ku turu kua é si ê sa di Dêssu, sê na ka pô loké kuê whã pa sê na sa nkênu, ku sê ka ba peza kontla Dêssu. Sô a xié ane kuvesê. ⁴⁰ Tâ sô, á sama ane melu, da ane sikotxi manda ane pa ane na fa ny nome Jizu whã sô manda bê ane. ⁴¹ Ane desa konsê sô ta ku gozu punda ta ka pia ane ome ku toka parisê punda Nome Jizu. ⁴² Sô ola ane kua é pasa, turu dia, ane ta ngêza sô ny kai ny kai ane ta ka xina ka plega Jizu Klistu.