¹ Sô Peru ku Zon ta ka fa nkênu ane, sasedote, ku kapitô, ngêza saduzeu saia bá lêlê. ² Ê sa mali, punda Peru ku Zon ta ka sina nkênu vira Jizu, ka plokama ressurisõ Rê katxi motxi. ³ Anto, ate ane pê pezu ate ôtô ria, punda ê sa ngosi za. ⁴ Ku turu kué, yô nkênu ku ndê mensagem é ane kêlê, saia bi tanó mili ome. ⁵ Sô é da otô ria, govenarô, ansion, eskriba zunta Jeruzalem. ⁶ Anás, prinsipal saserdote, Kaifas, Zon, Alixandre, turu ku sa di linhagem di sumu Saserdote. ⁷ Sô a pê Peru Zon katxi ane, puta: Di kuali purê ni nome di ngê sê sa dji ané kué. ⁸ Anto Peru siaru dy Supitu, fá: Sê govenarô di povô, ⁹ y ansion ku sina, ria si é, nón sa kestinado ni relaso whã obla buaru djiru pa whã Ome doetxi, mora ma ê sa kularu. ¹⁰ Kua xié sê ta y di turu pôvô di Israel, ni nome di Jizu Klistu Nazaré, ngê ma sê kusifika ngê ma Dêssu kora di motxi, katxi Rê ku omé é sa kularu wê sê. ¹¹ Jizu klistu sa buru ma sê, konstutore, mandona, mazi adjié buru ngola. ¹² Ê na tê salvason ni ôtô whã, punda na te wha ôtô nome koxi onsé, daru ni katxi omé, ma nó ka pô sa salvu wa. ¹³ Ma ané bê mora ma Peru ku Zon ane ta ma ê sa ome sê letra, ane fika xipantaru, I ane ta ma Peru Zon ta ka vivê ku Jizu. ¹⁴ Ê, bê ma ane sa ku ome ku fô kularu, ne whã kua pa fa di di oto mora wa. ¹⁵ Mazi, so ane manda apostolo xie renio di konse ane kumba ane. ¹⁶ Fa: kua ma no ka ndji ane omé é. Punda veridko ku wha milagre buaru ksa ndjiru punda ane e sa konseru da turu kenu ki vive Jerusalé no na ka poi nega kué wha. ¹⁷ Mazi, pa kua na sa wangaru da nkenu, bamu sama ane pa na fa newha nkenu ne nomé. ¹⁸ E ane sa ma Peru ton manda pa na fa newha mudo ne xina e wa nome di Jizu wa. ¹⁹ Mazi Peru ku Zon Kundji fa: zuga zusto, oyé Dessu kobdoce se invé di kundji Dessu. ²⁰ Punda no na poi kaboka wa ser ka di kua ma non bé i nde wa. ²¹ I a miasé ané dinge Peru ku Zon desa ane be, ane be Kapizi di sama kuali keru Justificativa pa te ane wa punda turu povô glorifica Dêssu pa kua ku dá. ²² Ome ma kula té maxi kuarenta ano di idadi. ²³ Sô a sota, Peru ku Zon ane ba lêlê povô ane popli ba fa turu kua ma sefi saserdote ku ansion ta faru. ²⁴ Ma ane ndê, kué ane lata vozi zuntu Dêssu fa: Sun, bô ku dji onsê ku tia, mionga turu kua ku sa né, ²⁵ Bô ku, Supitu Santu, ni boka di Tata nón Davi, nkênu ô, fa: sô ku nasõn di zintxi leva povô, lembua kua mali! ²⁶ Ane alê tia zunta, govenarô ta ka pensa kotra Sun kotra Ungiru ô. ²⁷ Di fato ane dosu, Herode ku Pônsio Pilatu, zunta ku zintxi povô di Israel, zuntaru ni poson é kontra Nkênu,Santu ô Jizu, ngê ma bô ungi. ²⁸ Ane zunta pa ndji turu kua ma mó ô ideia ô disidi nana kua ku tava pa dji. ²⁹ Wê, Sun, ka pia pa miasa ane dá ane nkênu Ô fa lumba Ô ku turu fosa. ³⁰ Ma ô sendê mó ô pa kula, i pa ndji sinali maravilha ni nome di nkênu santu ô Jizu. ³¹ Ma ê loké di fa lason, nga ma ane tava né zuntaru fo saguriru, turu ane fika xiaru di Supitu Santu, ba fa lumba Dêssu ku fosa ³² Da yô nkênu ku kêlê sa whã koso sô ku alima, ni whã nkênu fa kua sa di rê sa véré mé i di kué, tava turu kua si é ni kumu. ³³ Mora mémé pôrê, apostulu plokama testemunhu ô serka di ressurisón di Sun Jizu, mémé grasa ta ku ané. ³⁴ Ê na tia nkênu katxi ané ku pisisa di whã, punda turu nkênu ku ta ku likeza ka, ta lenderu bi ki lêlu di kua ma bêndê. ³⁵ Depozité ni opé apostulu. I patxiru zunta kada whã, mora nesessidari ane. ³⁶ Zuzé, whã levita, di Xipre, ngê fo daru nome di Barnabé da apostulu, ixié sa ná konsolaru. ³⁷ Tê whã propriedade, bende bi ku lêlu pê opé apostulu.