¹ Sô olá Apolu letxa korintu, Paulo ba kiba zagaru sô poson Efesu sô whã dossu melu rê bi bê inguê. ² Paulo tuta ané: "Sê tua Supítu Santu ola sê Kêlê?" Ané kudji; " yngá yngá non na tu ê wã. Nê no na ta ma Supitu Santu say wã". ³ Paulo fa: " Sô kuli botismo ma sêr batizá, ané kundji. butismo di Zon. ⁴ Paulo fa: Zon butiza ku butismo di lependimentu, sô fa ané nkênu ku toka kêlê ny nkênu ku ka bi sô êlê, yé sa ny Jizu. ⁵ Olá ané ndá kuaê, ané bá butiza ny nomi Sun Jizu. ⁶ Sô paulo pê mon sô Supitu santu bi diba ané, sô ané fá Otô lunguá sô fa yô kua. ⁷ Turu ané fô kuazi kuyné dossu Ómé. ⁸ Paulo bá Sinagoga sô fa fosa lêtu tesi mezi. Ê ta ka fá masi ka góló kuvesê nkênu ku ka fa di govenu Dêsu. ⁹ Sô whã dossu zuré ku kosô rizu ta ka fa mali dy modja Klixtu katxi yô nkênu. Paulo desa ané sô bé ku ané melu rê ludji ané. Ê komesa ka fa turu ria ni skola Tiranu. ¹⁰ Kua ê bé até dossu anu, sô asiê turu nkênu ku ta ka vevia ny Asia ndé lumba Sun, tantu Zuré ku ma Glêngo. ¹¹ Dêsu ta ka zi kua suvisu rê ku porê mon paulo. ¹² Sô atê duetxi mé ê ta ka kula sô sutitu mali ta ka si ê ané ola ê ta ka tê lesu ku vetali onge Paulo. ¹³ Sô nha ta ku Zuré ku ta ka nda turu nga. ka tua nome Jizu diba ané nkênu ku ta ku supitu demonô, ka fa: Ga kólê ku se ny nome Jizu, nkênu si ma Paulo ka plega. ¹⁴ Ané nkênu ku ta ka zi kua ê sa sabari ná Seva, sefi sasedoti. ¹⁵ Sô supitu demonô kudji: " Ntá Jizu sô ta nguê sa Paulo, mazi sê, ngey sa sê"? ¹⁶ Ané si ka ta ku supitu demonô sata diba rê dê pankará dy mora ma ê kolê fô kay unu firiru. ¹⁷ Turu nkênu bi ta kua ê ne Zuré me glego ku ta ka vive Efesu. Turu ané ta ka mendu ma ané ta ka gaba nomi Jizu. ¹⁸ Yô krenti ta ka bi, ka kofesa sô ta ka kusintxi suvisu ma ané ta ka zi mali. ¹⁹ Yô ané ku ta ka baya ta ka zunta livlu ané ka bi kuê pa kémé ny wê turu nkênu. Sô pa ané tanga valê ma livlu ê ta ka valê ê ndu sinkuenta mili lêlu. ²⁰ Asuê lunba Sun ta ka whãga ku poré turu mora. ²¹ Olá paulo lokê suvisu rê ni Efesu, sô Supitu mandé ba Jerusalê sô ê pesa antiji ba pia ané krente macédônia ku Akaia. Paulo fa: " Sô olá nga ba Jerusalé nga ba Roma turu. ²² Ê manda dossu mêlu rê, Timótio ku Erastu , ba Macedônia. Sô Paulo ta poson Efesu tia Ásia. ²³ Tempu ê mé whã revota latá gay lento Éfesu punda modja. ²⁴ Sô whã orivi planta ma ka sama Demétrio, ku ta ka zi nixu Artimi, ku ta ra yô luklu ra artifisi. ²⁵ Sô ané zunta artifisi mara suvisu ê mé, sô fa: Ané ómé ê sé ta me ma no te yô luklu negoxó ê. ²⁶ Sô sé be buaru sô nde ma ê na sa Éfesu sô whã. mazi kuaji turu Asia Paulo ê ta ka kovese tô baga yô nkênu. Ê sê ka fa ma dêsu ziru ku non na say wa. ²⁷ Kuaê sa pligu ra non dy na kêlê ny kua ma non kêlê ne whã, mazi antê ngueza dêsu non Atimis ka poi bi sa tatadu mora ne whã kua. Asiê ê ka pendê poré rê, ysi ma turu Asia ku turu tia ka kunfia nê. ²⁸ Olá ané ndê kua ê ané keta sô ngita fa: Diana Efesió sa ngay! ²⁹ Turu poson ta sê ta kua ku sê rá sô turu nkênu kôlê zunta ra teatu ê. Ané saya ané mêlu Paulo, Gaio ku Aristaku, ku bi fô Macedônha ³⁰ Paulo ta mese letxi katxi povô, sô ané mêlu rê na ta mesê wha. ³¹ whã dossu ané soré tia asia ku ta migu rê manda whã lekaru pindji ê pa ê na letxi tiatu ê whã. ³² Hun wa dossu ané ta ka pindji dy whã mora ôtô dy ôtô ané na ta punda kuai ma ané zunta whã. ³³ Ané zuré txia Alixandre fô kota ané nkênu ê dy kuê katxi yô nguê. Alixandre zi sinali ku non ta mesê fá povô whã kua. ³⁴ Sô olá ané bi ta ma ê sa Zurê ané gita ku fosa kuaji dossu olá: Atimis Efesu sa ngay! ³⁵ Só sklivon poson kaluna ané nguê ê fá: Ané Ómé Efesu, kuali óme ku na ta ma poson Efesu sa guardiô ngueza ngairu, Artimis sô maji rê kiê fô ócé? ³⁶ Sô ané bê ma kua ê sa siriga ané pindji povô sosega nazi ne whã kua wa. ³⁷ Sô sé bi ku ané ómé whã, meané na zi mali kontli dêsu non wa. ³⁸ Sô si Dimetrio ku ané tabarô ku sá kuê zi wa mali kontlé nkênu ê tê prubulano ku sefi ku ka zuga ané ³⁹ ku turu kua ê sê ka zi fitxi dy kua kuali kua ku kara ôtô kua, a tê ki ziê ku semblea biriru. ⁴⁰ Kua veré até non ka sa pligo dy sa kuzaru ra kua ê demanda ê ma non na ka pô fe wã. ⁴¹ Sô olá ê fá kua ê baga semêa ê tá.