¹ Sô ola ane sava, non ta ma ilha é a ka sama Malta. ² Ngê nha tlata non ku amolê sê mindjira. Ane junta whã fogo sô kuvira non punda suba turu riá ku fiô. ³ Mazi ola Paulu ta ka koyê txó ninha pa ê pê fogo, whã kiongo syê punda kalolô sô morê mon rê. ⁴ Ola ane nkênu nha bê situ é pegaru pê mon rê, ane fa otô: Ome é sa whã kiminozo ku skapa fô mionga, sô zustisa na desé véviá wha. ⁵ Mazi sô ê saguri situ é pê fogô sô ê na parisê né whã mali wha. ⁶ Ane tá ka whara ma ê ka bi sya ku fébé ô kiê son motxi. Mazi ola ane bi pié whã dosú ola, ane bê ma ê na ta ku netxó dolô wha, ane mura sintxiru sô pasa fa ma ê sa whã dêsu. ⁷ Ny whã nga petu nha, ta ku whã kiba ku tá toka whã ome sefi ilha, ma nome rê sa Públio ku tia ki txo bém rê, ki tua non buaru tesí ria ni kai rê. ⁸ Ê da ma tata di Públio tia ni kama doetxi di fébé i zenteria. Ola Paulu ba kotá rê ê fa lason ré tô pê mon sô kulé. ⁹ Sô ola kua é ra, ¹⁰ Yô nkênu turu ta ka gaba non foga wha. Ola non ta ka luma zi viaji ane ra non turu kua ma non tá mesê. ¹¹ Sô dy tesy mbêzi non syê ku whã vapô Alixandia ku ta ka pasa gavana ilha é ma plôa rê ta ka bi ku Diókuru (Nota: Ny metologia gregu ka fa dy ane ná amon ngêva, kastor ku Pólux). ¹² Sô non tuka ny Sarakuza sô non ta yngé whã têsi ria. ¹³ Sô nha , non zi viaji sô non vitxa poson Régio. Sô ri wha ria, ventu sulu ta ka sopua otô ria non vitxa poson Putéoli. ¹⁴ Nha non bê whã dosú ná amon ku kuvira non pa non sa ku ane sabari ria. Asyé non vitxa atê Roma. ¹⁵ Dy nha, ane ná amon, ola ane ndê vira non, ane bi bê non fela Ápio sô ny Têsy Venda. Ola Paulu bê ná amon é ra Dêssu gasa sô ba tê kosó. ¹⁶ Ola non letxa Roma, Paulu tua odji ta sô, ku whã soré ku ta nguara rê. ¹⁷ Sô, ê pasa têsy ria, ê sama whã dosú ome ku ta sefi katxi zurê. Ola ane bi, ê fa ane: Ná amon un pô na zi né whã kua mali kontê povô ô kustumu ane nkênu nákulu wha a manda un mora pezu Jiruzalé atê mon romanu. ¹⁸ Sô ola ane puta un, ane ta mesê sota un punda na tá lazon pena motxi wha. ¹⁹ Mazi ola ane zurê ngolo kua é, un ta obligaru fa ra Sezalu, un pô na ta lazon kêxa kontê gelason un wha. ²⁰ Ra kua é, un kuvira sê pa un bê sê pa non lumba, punda é sa punda kua ma Israel seka whara ma un sa pezu ku ane lengê é. ²¹ Sô ane fé: Né non na tua kata tia Zurê dy kua ô wha. Né néwhã ná amon na bi yngé bi whanga ô ka fa kua kuali mali ô wha. ²² Mazi non mesê ndê ô kua ma bô ka pia ri seta é punda non ta ma ane ta fa kontê turu kiba. ²³ Ma ane ta marka whã ria dy sa ku Paulu, mazi nkênu ba pié kai rê. Ê plezenta ane kua ku ka fa ri govenu Dêssu. Ane ngoló konvesê ri Jizu, sô mora alê Muzé kuma ane pofeta na pomonha atê nsuku. ²⁴ Whã dosú ane konvesê ra kua ma ê ta ka fa, enkuantu otô na kêlê wha. ²⁵ Ma ane na kundji katxi ane wha ane syê sô ola ma Paulu fa ane lumba é: Supitu Santu fa buaru, ri kua pofeta Izaia ra ane nkênu nakulu ane. ²⁶ Ola ê fa: Bá lêlê povô é sõ fa ane: Sê ka ndê ndê mazi sê na ka ta né whã kua wha, Sô sê ka pia, mazi sê na ka bê wha, sô né whã mora sê na ka ta kua wha. ²⁷ Punda kosó povô é bila dizu sô ku oria sê ndê mazi sê na tua atensó wha sô fisa whê sê: Dy otô mora ane ka bê ku whê ndê ku oria ta kua ku koson sô mura sô ngá kula sê: ²⁸ Sô sê toka tá ma savason Dêssu a tá mandé ra zintxi sô ane ká ndê. ²⁹ Ola ê fa ane kua é ane zurê syê, tá ku whã pufia katxi ane mé. ³⁰ Paulu vevia kua ri dosú anu têlu lêtu kay ma ê luga sô ê ta tua turu nkênu ku ta ka bi lêlê. ³¹ Ê ta ka plega govenu Dêssu sô ka sina kua Sun Jizu Kistu ku turu azaria sê né whã atázu.