¹ Mazi ta kue: ni utmu tempu, kaba tê, tempu ku ka kusta . ² Ome ka te whue sia ka fa mali ka lele likeza makiaru, na ka lispeta tata wha. ³ Ka zi ome ka fa vira ôtô na ka lispeta ôto wha, lifiro sô numigu kua buaru. ⁴ Ka baga otô, temosu, lifiron, maxi migo mali doke Desu. ⁵ Ka ko kenu ku te pena, mazi ka nega pure re. Xie fo kota yê. ⁶ Punda oto ane sa ome ka letxa kai, ka tua mengai pê pesu so sa siaru pekaru, so ka se kazi yo mali; ⁷ Ane mengai e se ka sina turu ria; mazi nunka ane sa kapazi ta kua verewha. ⁸ Mora e me ma Jane ku Jambri rifila ku Mose, mora e me turu ma ane fasu mese lifira ku vere; sa ome nte suzu ku nega afè. ⁹ Mazi ane naka ba lonje wha punda, nte dizu ane ka bi sa ra tu ane, mora nte ane dousu omeé. ¹⁰ Mazi bo lele kua ma un sina ô, ku koso ni afe, kata ku amole, ku paxiesa, ¹¹ pesiguison, aflison, so ku ane mora ku ra ku aun ni Antiokia, ni Ikoniu, so ni Listra. Nsupota pisiguison, ma Sum saia un, txia um, ne ture. ¹² So turu ane ku mesé vive mora nkenu buaru ni Kistu ka sa pisiguiru. ¹³ Mazi sirigarô poreru so ka maxi piolo, ka ngna, tô sa nganaru. ¹⁴ So bo ka ta ni kua si ma bo kudji ku afè; bo ta nkenu ku sina ô. ¹⁵ Na txororo ma bo ta sagrada skitura ku sa kapazi zi o ta kua ra savason ni afe ku sa ni Kistu Jizu. ¹⁶ Turu skitura sa Desu so fe sa povetaru ri sina ra konse, ra menda, so ka sina ni zustisa; ¹⁷ pa mora ome Desu ka sa plontu kapazi ra turu kua buaru.