¹ Bô sô ná un tê fôsa ny gasa ku na ny Kistu Jizu. ² Sô kua ma Bô ndê dy un, whê yô sêsêmunha kunfia né ny nkênu xi soségaru, ku paji pa ô sina otô nkênu. ³ Lêndê ku ãn mora whã soré buaru dy Kistu Jizu. ⁴ Né whã soré ola ma ê ka sivi ê ka tua konfiansa dy zi kua vira, punda ê ka mêsê zi kua buaru ra sefi rê. ⁵ Dy mora é mé, si whã nkênu ka kolê mora otô ku ka kôlê ê na ka nganha si ê kolê mora ma pê regra korida wha. ⁶ Ê toka pa tabarô ku ka taba mevia rê ku fosa ka sa pimbêlu ku ka tua patxi ny kua mê koiê ny mevia rê. ⁷ Ta kua ma un sê ka fa, punda Sun ka ra ô turu kua pa ô ta. ⁸ Lembua dy Jizu Kistu gelaso Davi ku tô kora katxi motxi mora lumbua vangeliu. ⁹ Punda kua é ãn lendê dy mora whã kiminozu zemaru. Mazi lumbua Dêsu na sa pezu wha. ¹⁰ Sô ãn ngêta turu ané kua é punda ané nkênu ma koiê pa ané turu tê savaso ku sa ny Kistu Jizu, ku goia atê atê. ¹¹ Lumbua é sa setu, si non muê kuê non ka vevia kuê turu. ¹² xi non ta né non ka govena kuê turu. xi non négé Ê ka nega non turu. ¹³ xi non sa má fé Ê ka sa buaru, punda Ê na ka pô néga Êlê mé wha. ¹⁴ Lembua ané turu ané kuê, sama ané tenson whê Dêsu pa ané pufia punda lumba Dêsu wha, punda ny kuê é né whã kua na ka sa buaru wha sô baga ra nkênu ku ka ndê. ¹⁵ Ngolo pezenta da Dêsu buaru mora tabarô ku na tê vegonha wha, ku ka zi buaru ny lumba dy veré. ¹⁶ Désa fa mali, kua si ku ka bé ku nkênu pekaru. ¹⁷ Lumba nkênu xi ku ka zi whanga mora kansu. Katxi ané sa Hemineu ku Filetu, ¹⁸ omé ku desa veré. Ané ka fa ma resurisó da za, ka komora afé otô nkênu. ¹⁹ Punda, kua ma Dêsu zi buaru ka ta tô tê sêlu: Sun ta nkênu xi ku sa dy rê sô turu nkênu ku ka fa ny nomy dy Sun ka siê fô mali. ²⁰ Ny kay nkênu liku ê na tê kua ôlô ku plata sô wha, mazi pó ku mavu turu, otô ku bua otô ku na bua wha. ²¹ Axié sô si nkênu ka purifika dy ané malié ê ka sa kua buaru, konsagaru, buaru da mesé y ziru pa turu suvisu buaru. ²² Siê fô vonté masivi. Letxa justisa, afé, amolê ku pazi ku ané nkênu ku ka pindji zura Sun ku kosó limpuru. ²³ Mazi zéta lumba mali dôdô ku blutu. Ta ma ané kuê é ka da demanda. ²⁴ Nkênu ku ka sivi Sun na ka zi bemanda wha, dy kuê é ê tê dêtu sa nkênu buaru ku turu otô nkênu, plontu pa sina ku paxiensa, ²⁵ ê tê dêtu koséta nkênu ku amolê nkên si ku na mêsê ndê wha. Katxê Dêsu ka dé lependimentu pê ta véré. ²⁶ Ané ka pô bila supétu dingi siê fô mó demono, ku tia mó demono ka zi vonté rê.