¹ Aié, ane manu non un ji laso ra non pa lumba Rê pô wanga seru pê sa glorifikaru, de mora xi mê sa ku non. ² Pa non sa livli de nkênu perversu ku mau, punda na turu nkênu ku tê afé wa. ³ Maji Sumu sa fieli ê ka da sê fosa so lôkê sê de nkênu mau. ⁴ Non tê ku kunfia ni sumu da sê, ri kua ma sê ka ji ma sê ka sa ji ma non fa sê. ⁵ Ku sumu pô zura koso sê ni amôlê de Dêsu s pa sê ta ni Klistu. ⁶ Anto ane manu un, nga ordena sê ni nomi de Sumu Jizu Klistu non, ku sê ka vita ane manu ku ka vévia mora mé mêsê sô na mora ku tradiso kuê resê bê de non wa. ⁷ Punda sê mé ta ma sê tê ku ji mora non sô ka ji. Non na ka ji mora indisiplinaru ni katxi sê wa. ⁸ Non na ka mé mé nkênu sa ku paga wa. Ôtô mora, non ka ji esforsu ku difikulidade pa non taba suku ku solo, pa non na bila pezu da néwã sê wa. ⁹ Na punda non na té autoridade wa, na ji punda non mêsê xivi de exemplu ra sê, axi, sê ka po imita non. ¹⁰ Ala non tia ku sê, non ra sê ordi de kua é. Xi nkênu na mêsê taba wa, é na ka po mé wa. ¹¹ Punda non ndê ma ôtô ane ka nda mali ni katxi sê; Ane na ka taba wa, maji ôtô mora, ane sa intometido, ¹² Sô non ka ordena ane sa exorta ane ni sumu Jizu Klistu ku sosegu, ma ane po taba sô mé mé ane plopi. ¹³ Sô sê manu, na dezanima de ji buaru. ¹⁴ Xi nkênu na obedesê lumba non kata pe mé ka né. So na zunta kué wa, axi mora é, ê ka pô sa ku vegonha. ¹⁵ Na pié mora numigu wa, maji, exorté mora manu sê. ¹⁶ Ku plopi sumu de paji ka ra sê paji turu tempu é turu mora. Ku sumu ka sa ku turu sê. ¹⁷ Axi ê sa montaru un, Paulu sô eskrevê ku plopi non ré, sa kua é sa xinali de turu tata un. Ê axi ku eskrevê. ¹⁸ Ku glasa de Sumu Jizu klistu ka sa ku turu sê.