¹ Ane manu, de kua xi ma Sumu Jizu klistu sê ka bi ku so ku reunion non ku Ê ² non ka pindli sê na dana koso sê wa ô xatea wa, ni supitu ni lumba, ô punda katô ma sê kabi ma ka manda sê ri non mora xi dia de Sumu so ka xiga. ³ Néwã nkênu na ka ngana sê wa. Punda ixié na ka ra atê ku ka kabi apostazia ku ome de pekaru ka sa bêru, na di distruison. ⁴ Ê sa nkênu ku ka gaba vira rê ku ka bi diba de turu kua ku sa de Dêsu na ka adora. Mora rezultaru é ka taso ni ngêza de Dêsu so ê ka musa mora Dêsu. ⁵ Sê na ka lembla ma, mora ma ta té ku sê, aun fa sê turu kua é? ⁶ Aié sê ta kua de ji, punda a ka ba bê ni ola sêtu. ⁷ Mora sêgêru de injustisa a sô ka musa za, ê sa pa txié ni mondja de nkênu ku ka ji. ⁸ Anton nkênu ku na ka kêlê mafé ka sa bêru ku ma Sumu Jizu ka ba destrui ku fôgô de boka Rê sô Sumu ka ba loke kué ola suma ka bi ni vinda Rê. ⁹ Impiu ka bi punda fosa salamon ku turu pôrê, xinali ku kua mali, ¹⁰ Sô ku turu ngani de mali ra nkênu kua sa muê, punda ane na túa amol^d vere pa ane sa salvu. ¹¹ Punda lazon é Dêsu sô ka manda ane kua de mali pa ane kene ni xidiga, ¹² Sô turu ane ka sa julgaru, ane nkênu ku na kêlê ni vere maji ta ni kua mali. ¹³ Maji non tê ku sa semple da glasa ra Dêsu da sê, ane manu amaru, punda sumu, punda Dêsu koiê sê mora pimêlu frutu ra salvaso na santifikason de santu ku afé na vere, ¹⁴ Punda Ê sama sê ni Evangelhu non pa tê glolia de sumu Jizu Klistu. ¹⁵ Aié, ane manu ta flimi sô tê ane tradiso ma xina sê, ni lumba ni kata non. ¹⁶ Aié, sô plopi Sumu Jizu Klistu, ku Dêsu, Táta, ku ama non ku da non konsolu pa sumpli ku sosêgu vira non ni glasa, ¹⁷ Konforta ku ka pê koso non turu lumba buaru.