¹ Amaru, ié sa segundu kata ku nga eskeve ra sê, doussu nga ngoló korá ku lemblansa ny menti sê sinséru, ² pa sê lembla dy lumbá Santu plofeta, i ry mandamentu dy Sun i salvarô sinado ra apostulu sê. ³ Tá ma pimelu ka by zombador ny utimu ria, zomba dy sê, ka ndá dy akordo ku dezeju rê plopi, ⁴ I ka fa: Andji sa plomessa dy ola mê ka by! Djina ané nguê nakulu muê, turu kué kasa mora prinsipio dy kiason. ⁵ Ane gi dy popozitu kesê ky djina kulu, ndê onsé ku tia, ky surgi dy awa sô dy awa ra palavra dy Dêsu, ⁶ i ki mediante lumbá Rê, mundu dy tempo é a lokê ê, sendo inundado. ⁷ Ra mora palavra, onsé ku tia ka sa lokêru ra fogô, kasa lokêru ra ria dy zuxi i da na ra nkênu. ⁸ Amaru, ná leva wa ku un ria pa. ⁹ Sun sa mora mily ano mora un-wa ria. Sun ná langa ny kumpli kua mê plometê, mora zuga Un doussu nkênu, dotô mora, Ê tê paxensa ku sê, ná dezeja ku ni-wa nguê ka plasê, magi ky turu ka xiga ka lependê. ¹⁰ Sô, ria dy Sun ka by mora un-wa ladron. Onsé ka dezaparesê ku mémé estrondu. Ná nimô ka by sá dissoviru ra fogô, tia ku suvissu ra ê ka by biriru. (Ná nimô ka by sá dissoviru ra fogô, tia ku suvissu ra ê ka by sá kemaru). ¹¹ Un-wa ria ma, mora é, turu kué ka by sa danaru kuali mora nkênu sê ka sa! Sê devê vivê ry mora Santa i pidadji, ¹² ka wará i tê plessa ra ria má Dêsu ka by, ola onsé ka by sá danaru ra fogô i ná nimô ka by deletê. ¹³ Ku turu, mora mê ê plometê, Nó ka wara novu onsé i novu tia, nga ri té justisa. ¹⁴ Sô, amaru, wara kuê, vugu pa ê bê sê, imakularu, sê kupa i ku padji. ¹⁵ I konsidera paxensa dy Sun nó pa salvason, axé mora amaru manu nó Paulu eskevê da sê, ry akordu ku sêbê ky da elê. ¹⁶ Paulu ka fa dy kua é ny turu kata rê, ny kuali ê tê setu kua ma na ka ndê wa, kua ome sê sina i sê flimeza na ka fa setu wa, mora també ka gi ku yô Eskritura, pa plopi daná ane. ¹⁷ Sô, amaru, un-wa vê ma sê tá ane kua é, lokê pa kua mali plopi nkênu na bé ku sê nkênu da alê i peka plopi fimeza sê, ¹⁸ mazi, klessê ny glasa ku sebê dy Sun nó i savarô Zizu Klistu. Êlê sa goia, wô i pa sempli. Amé.