¹ Axi má fasú pofeta siê katxi povô, fasu mésé turu ka siê katxi sê. Ané ka by ku kua konderu kua fasu dy dana y néga Sun ku txia ané, ka by djan-djan baga ra ané mé. ² Yô ané ka nda vira ane dy mali , ny katxi ané, a ka ba da mali mondja dy vere. ³ ku gaba ané ka by ngana sê ku fa sidiga. Kondenason konte ane ná ka langa motxi y distruison rê ná ka laga wha. ⁴ Sô Dêsu na popa anzu ku peka, mazi, manda ane ba dy tartary pa ba sa mantiru ny korenty kulu atê zugamentu. ⁵ També na popa mundu nakulu, mazi lokê Nué, na tia mensageiru dy zustisa, ku otô sê té, ola ma by ku wn-wa dilúvio ra mundu dy impio. ⁶ Dêsu també dessé ku posón dy Sodoma y Gomora a xindja y kondena ra distruison, mora un-wa zemplu ky ka ba dá ku impio. ⁷ Mazi, ê tia zustu Ló, ku semplé tribularu ra mora komportamentu dy ome devasso é sê alê. ⁸ Sô ome sa zustu, ky tia ka vugu katxi ané, ria a ria, ê tia tomentaru ny alima rê setu punda mora mê tia ka bé y ndê. ⁹ Sô, Sun ta mora txia ome buaru dy plovason, buaru mora a tê ome ku zi kua mali pa punison ny ria zuizu. ¹⁰ Ka siê sa buaru veré da nguê ku ka kontinua kurrupto dizeju dy kane ka disipeta atoridade. Ane sa boka suzu ku wê xá, na tê vegonha dy da mali konta nkênu selestiali. ¹¹ Anzu, bo po te maxi forte to tê porê maxi dokê Aun, ná prifili zuizu infamatorio kontla impio wê Sun. ¹² Mazi ixié, mora bissú ku ná tê ntê wa, sa ku sala món punda natureza ra kadjá y distuison. Ane na konsê kua ma ane ka keta y ny kurupsó ane ka sa bagaru, ¹³ ka lesebê rekompensa punda tragreson ane. Ane konsidera ma imoralidade ny pomonha biriru sa un-wan plazê, sa mora ku manxa, y ka deleita sê ny xidiga sê ola ma a ka memé ku sê. ¹⁴ Ane tê wê xá dy adulterio, ma ane na ka satisfazê ku pekaru wa, ka gi pa ane nguê ku tê alima maxi levé gi kua mali y tê koson exersitaru ny avareza, sa ná dy malison. ¹⁵ Ane ka dessa mondja buaru, ane xiê ny mondja buaru y xigué dy Balaão, na dy Beor, ku ama kua daru injusta. ¹⁶ Mazi, ê tua rekopesa dy plopi trnsgreson rê, Un-wa mundu bissu dy kega, fa ku vozi humanu, fia malokô dy plofeta. ¹⁷ Ixié sa mora poso sê awa, mora pané beru ra un-wa temporal. Densa stleva ô kulusa lokeru pa ane. ¹⁸ Ane ka sô ku pufia, ane ka ngana nguêza katxi dy kua mali dy kane induzi ane nguê xi ku xiê ku ka vivê ny kua mali. ¹⁹ Ka plometê liberta ane, mazi ane mé sa skravo dy kurupson, sô kora un-wa sa skravo nguê xi ma ka gi kua ma-mêssê ²⁰ Sô, nkênu xi fugi dy kurupson dy mundu ra katxi sebê dy Sun y Salvarô Zizu Kristu, antó, ka tô gi ane kua mali dingui, intimu estaru ane sa pioló ku plimelu. ²¹ Sa maxi buaru pa ane na tê konsê mondja dy zustisa, dokê, konsê y da ane mem a ra santu mandamento ma ra ane. ²² Plovebio xié sa véré pa ane: Un-whã kosó ka tô ba plopi saka rê, y un-whã pokô labaru ka tô ba buia ny lama.