¹ Kua ku ta na komesu, kua ma non ndê, kua ma non bê ku whê non, kua ma non, pia ku kua ma mon non tê, ka tlatá lumbá vira. ² Punda vira musá sô non bê sô non ra sestemunha rê. Non fa sê ny vira atê atê ku tá ku Tata sô ê musa non. ³ Kua ma nón bê sô ndê tô fa sê pa sê sa zuntaru ku non, punda zuntaru non sa ku Desú ku ná rê, Jizu Klixto. ⁴ Sô kua isy ma nga sisika ra sê sa pa ngosô non ka sa né turê. ⁵ Yê sá lekaru ma non ndê rê sô fa sê: Desú sa kandja, ê ná tê nê txó kulu nê wa. ⁶ Si non fá ma non sa zuntaru kuê sô ka ndá kulu, non siriga sô na zi kua véré wa. ⁷ Mazi si non ndá ni kandja mora ma Ê sa ni kandja non tê sa zunturu whã ku ôtô sô sangi Jizu, na ré ka dipa turu pekarô. ⁸ Si non fá má non na tê pekaru wa, non seka ngana non mé só véré na sá non wa. ⁹ Mazi si non kofesa pekaru non, Ê sa fiel ku zustu di porá pekaru non sô laba non di turu kua mali. ¹⁰ Si non fá má non ná zi pekaru wa, non ka ziê sirigarô sô lumba rê na sa ny non wa.