¹ Ola un bi lêlê sê, ná amon, na bi ku luxu ku fa motxi ô ku kua un ma un ta wha, ka kô nkênu ku seka whanga suvisu kondêru ri Dêsu. ² Punda un tua disizon na ta né whã kua ola un ta katxi sê, si ê na ka sa Jizu Kistu ku Êlê kusu. ³ Sô nta ku sê ku fakêza, ku mendu ka témé foga wha. ⁴ Sô lumba un ku kua ma un whanga na fô ku lumba ri gana nkênu ku kua ma un tá wha. Ra kua é ê fô ku kua ma Supitu musa sô ku porê. ⁵ ri mora ma afé sê na ka sa ku kua ma omé tá wha, mazi ku porê Dêsu. ⁶ Ayé non ka fa ku kua ma non tá katxi ané bobôru, mazi na kua ma mundu é ta wha, ô ri ané govenu ayé ku sêka kiê. ⁷ Mazi non ka fa ku kua ma Dêsu tá ku veré kondêru ku kua kondêru ma Dêsu tô distina na kulú ra goya non. ⁸ Né whã govenu ayé na ta kua é wha, punda si ané ka té tempu siza ané na ka pê Sun ri goya kusú wha. ⁹ Mazi mora ma ê sa sisikaru: kua ma né whã whê na bê wha né whã oria na ndê wha né whã ntê na pensa wha, sa kua ma Dêsu pivini ra ané ku ka amé. ¹⁰ Yé sa kua ma Dêsu musa ra non ku Supitu. Punda Supitu ka ta turu kua atê kua lêtu Dêsu. ¹¹ Punda ngê ta kua ma whã nkênu ka pensa si ê na sa supitu ri nkênu ku sa né wha! Asyé turu, ma né whã nkênu na ta kua lêtu Dêsu si ê na sa Supitu Dêsu. ¹² Mazi non na tua supitu mundu wha, sô veré Supitu ku sa ri Dêsu, pa non ka pô ta kua biriru ma Dêsu ra non. ¹³ Non ka fa ané kua é ku lumba ma kua ma omé ta na ka poy sina, mazi ma Supitu ka sina non. Supitu ka tô lumba kua Supitu ku kua ma Supitu ta. ¹⁴ Nkênu ku na tê supitu wha na ka tua kua ku toka Supitu Dêsu wha punda ê sa kua vaji ra ané. Sô ané na poy té wha, punda ê ka fa ku supitu. ¹⁵ Nkênu ku sa ku supitu ka zi zugamentu turu kua, mazi ê na ka dêpêndê zugamentu otô wha. ¹⁶ Punda ngêy ka pô ta kua Sun ka pensa, ku ka pô siné! Mazi non tê pensamentu Kistu.