¹ Bí miôlá uô, nansê ku sá liku, sólá dá plôvia póblêzá ku ixká bi dá nansê. ² Iné likezá nansê ká pôdlesê lopa ku nansê tê iné bisú ké ká kumé tudaxi. ³ Iné platá ku ôlô nansê ká bila mô felú ku felúzá ni wê nansê. Likêzá nansê ká kumê kani nansê kumá fôgô. Nansê gwadá likêza nansê dá djá findá. ⁴ Nansê ká pia pagamentú diné tlabádô, ku ixka piji, pá nansê pô pagá jêlu ku nansê kondê diné tlabadô ku tlabá ni kampu. Kwa sê ku nansê ixká fê xiká ni óliá di Desú di tudu Pôdê. ⁵ Nansê vivê ku iô luxú ni télá, ni tudu kwa ku ixka gladá nansê. Nansê fê kloson nansê fiká subebú ni djá di matansá ku ixká bi. ⁶ Nansê kondená Zuxtu Nansê matá zuxtu; sê pá iné ná lutá lisú fá. ⁷ Andejimé, nansê ká sá ku paxensá, iné manu, antê ku Sun non ixká bi. Ká piá inén lavladô di télá, iné ká kwada pa iné pô koiê kua ku iné plantá ni télá. Iné ká kwadá ku paxénsá antê djá sê, antê ku télá ká lêsêbê subá ku ká bi d'ôsé. ⁸ Axém nansê ká tê paxénsa. Tê fosa ni kloson nansê, pundá Sumu non ixka bi miôlá zá ⁹ Ná fé quêxá uwã di ôtlô fá, iné manu, pá nansê ná fô zugadú. Pia Zuxi sá pótó. ¹⁰ Tomá kumá lison iné manu, iné suflimentu ku panxénsá diné plofetá, ku flá ni nomi di Sumu non. ¹¹ Pia, non tê inén kuma inén ungê ku tê gôzô pundá inén flimá lizú. Nansê têndê di flimezá ku Jó tavá kuê, nansê konxê intenson di Sumu, ku sá kompasivú, ku mixikoji. ¹² Andéjimné, inén manu muê, ná zulá, dá ôsé ku télá fá, nê dá ôtlô kua. Andejimé, 'iôxi" nansê ká sá 'iôxi" mé, ku 'nadaxi" ká sá "nadaxi" mé, axém nansê ná ká kê ni zuxi fá. ¹³ Tê uwã ngê nômê di nansê ku ká sufli? Fé olason dé. Ê uwã ngê ku ixká gôgô? Kantá vungu kué dá Desú. ¹⁴ Tê uwã ngê duwetxi? Samá iné Plesbitelú di glêsá, pan inén pô fé olason dé, só inén ká blôká óliô libá dê ni nomi di Sumu. ¹⁵ Olason ku sá fédú ku afé ká kulá duwetxi sé, sósó Sumu ká lanté. Sê kômetê pekadú, Dê ká pôdé. ¹⁶ Sósó nansê ká konfesá pekadú di nansê dá ôtlô nansê ká fé olason uwã dá ôtlô pa nansê pô kulá. Olason di uwã ungê ku ixká ndá ku Desú védé mé sá fotxi ê tê lesutadú. ¹⁷ Elias fô uwã ômé kumá non axi. Ê fé olason pá subá na kê ni télá tlêxi anu ku sexi meji. ¹⁸ Sósó ôtlô vê ê fé olason, só ôsé dá subá, só télá ploduzi flutu ôtlô vê. ¹⁹ Iné manu muê, xi uwã nansê ká xê ni védé ku non tê, ôtlô ungê bi kuê ôtlô vê, ²⁰ ka´fika sêbidú ku ungê sé ku bi kuê, ku xilé di kaminha mali, stlavá pekadó sé di motxi, só ê kubli iô pekadú.