¹ Anji ká bi konfuson, ku kompetison nômê di nansê? ² Nansê mêsê kua maxi ná tê fá, nansê ka matá, tê wê xá, nadaxi nansê na ká tê, nansê ká lutá, ká bligá. Nadaxi nansê na ká tê, pundá á ná ká piji. ³ Nansê ká piji, maxi na ká bi kua ku nansê piji pundá nansê ká piji mali, pá nansê pê pô kastá di môdú ku ná sá bwá fá. ⁴ Adultelú! Nansê ná sêbê ku amizadi ku mundu ê sá numigú Desú? Sósó kêngê ku mêsê sá migu di mundú ká bilá numigú Desú. ⁵ Sósó nansê ka pensá kua ku Palavla Désú ká flá: " Sá ku sumi, ku Desú ká fiká dá Súplitú dê ku ê fé bí môlá ni vidá non?" ⁶ Sósó Desú ká dá maxi glasá, pundá Ê ká flá ni Palavla Dê: "Desú ká lesisti lisú dá inén ungê subébu, maxi ê ká dá glasá dá isé ku sá umidi". ⁷ Sósó nansê ká sujetá Desú, setá lisú djábú, só ê ká xê ni wê nansê. ⁸ Nansê pô xigá dá Desú, só ê ka bi dá nansê. limpa môn, ku sá pekadôlô, limpá kloson nansê, nansê ku sá ungê ku aná pô kunfia. ⁹ Fiká tlisti, lamentá, sólá! Lisú ku sá ni wê nansê ká bila tlistezá, gôzô ku nasê sá kuê ká bila tlisteza. ¹⁰ Vlegá ni wê Sumu, pá ê pô lantá nansê. ¹¹ Ná flá mali dôtlô fá. Iné ungê ku ká flá mali di manu dê, isé ku ká zugá manu dê ká flá kontla alê ê ká zugá alê. Xi bô ká zugá alê, bô ná sá platikantxi fá, maxi bô sá zuxi. ¹² Ê tê uwã tá ku sá lisladolô ku sá Zuxi. Êlê só tê pôdê dia stlavá ku matá. Maxi kêngê sá bô, ku ká zugá manú bô? ¹³ Têndê miôlá uô nansê ku ká flá: "Ózé ô amanhã nón ká bá póson, nón ká fiká nálá uwã anu, non ká fé negóxó, non ká tê luklú". ¹⁴ Kêngê ku sêbê kua ku ká pasá amanhã? Kê kua sá vida nansê? Nansê sá kumá vápô di fumu ku ká plasê ni pókô tempu ê ná sém maxi fá. ¹⁵ Andéjémé nansê ká flá: " Xi Sumu non mêsê, non ká vivê non ká fê kwakwali kwá. ¹⁶ Andejémé nansê sá sobébu diné planu ku nansê ká fê. Tudu pensamentu kuma isé ku nansê sá kuê sá maliginu. ¹⁷ Anton ungê ku sêbê ku tê ku fé bén maxi ná tá ká fé, ni kwa sé ê ixká peká.