¹ Melkisedeki sé, alê di salém, sá sasédotxi védé di Dêçu d'ocê. Ê klúsá kú Abrón óla kú ê táva ká bilá di guéla kú inén alê, ê bensué. ² Ê sá êlê sóku Abrón dá dizimu di tudu kwá. kú nomi dê "Melkisedeki" kêndji alê di justisá, alê di salem, témbéte mó á fála, Alê di Paji. ³ Ê ná tê men né pé fá, nê gerasón sê komésu di djá nê fin di vida. Bilá di módu mina di Dêçu, ê sá sasedótxi pála sémplé. ⁴ Pia mó ómé sé fô glandji mó pé Abrón dé dizumu di kwá maxí bwa kwê tómá. ⁶ Andeji mé, inén kú sá gerasón di Lévi, kú ká lêsêbê sasedótxi, inen tê uã mandamentu dalê pá inén kôyê dizumu di pôvô, ku manu dinén, témbéte kú ká bi di Abrón. ⁵ Andéji mé, Otlôvê, Melkizedeke, ku ná sá gerasón di Lévu fá, ê lêsêbê dizumu di Abrón é dê bensón ku tinha plómesa. ⁷ Ê na tê módu di negá fá kumá maxi támé, só ku ká bensá maxi pikina. ⁸ Ni kásu sé, sá ómé kú ká môlê sóku ká kôyê dizumu, maji melkisedeki kú lêsêbê dizumu di Abrón, ê sêbê ku êská vivê. ⁹ D'uã Jêtu kú, antê Levi, ku lêsêbê dizumu, pagá dizumu plô mê di Abrón ténbéte. ¹⁰ Pundá ê naxi táva naxidu fá, óla kú Abrón bê Melkisedeki. ¹¹ Pundá, xi plêfêson fô dádu plô sasedóxi levitiku, pundá alê kú á dá povo sá poyadu. ke nê plixisón kú ôtlô sasedotxi tê segundu óji di Melkisedeki, kú ê na mó óji di Arón fá? ¹² Olá, á ká tlóka sasedótxi, alê témbété selá á tlóká. ¹³ Ngê xikú ás ká flá nê ni textu sé sá dôtlô tlibu, kú niuã ómé ná stlivi ni atáli fá. ¹⁴ Ê sá kônxidu, ku sún nón sá gerasón di zudá, tlivu kú muzé ná ká flá nadaxi fá ni lispêtu dixi kú tóka sasédótxi. ¹⁵ Ê sá maxi klálu, mó Melkisedeki, á ká góló ôtlô sasedotxi. ¹⁷ Ná sá púnda gerasón karnal sóku fê bila sasedótxi fá, sá plôvia di módu duã vida kú ê tê kú ná ká kábá fá. ¹⁶ Pundá esklitúla ká flá ni lispetu Dê: Bô sá sasedotxi, pála semplé, segundo óji di Melkisedeki. ¹⁸ Pundá, mandamentu di témpu na biká ká stlivi fá punda ê fô fláku sê plôvêtu. ¹⁹ Di módu kú alê ná txilá plôvêtu fá, módu kú mádu, uã speransa maxi bwádu fô pêdu, di módu kú nón ká xigá Dêçu. ²⁰ Kwásé ná dá sê pê tê uã zulaméntu fá, Dôtlô módu inén sálá táva ká lésêbê sasedóxi sê dá kontá di zulámentu: ²¹ Nisé, Jisú, bilá sasedótxi kú zulá dixi kú flá: Sún zulá ná bilá ká bá tlaxi maxí fá: Bô sá sasedótxi pála sémplé. ²² Ni xintxidu sé, Jizú bilá garantia d'uã aliansá glandji axi. ²³ Iô dinén kú bilá sasedótxi, máji inén ká désé plôvia di mótxi. ²⁴ Só só só, Jizu ká vivê pála sémplé, sasedoxi dê sá plemanénti. ²⁵ Plá isé, êlê témbété, ká pôji stlává pála semplé ixi kú plô ômê Dê, ka xiga Dêçu; ká vivê di lógá semplé plô inen. ²⁶ Sasedotxi sé sókú nón mése: Santu, imaculadu, nosêntxi, pulu, patadu di pêkadu, kú fô exaltadu ni liba d'ocê. ²⁷ Ná sá mó dôtlô súmu sasedótxi: fá, ê ná plixisá flêsê saklifisu túdu djá fá, plimê di pekádu dê plópi, zawó pekádu di pôvô. Ê fé kwá sé zá uã vê tã, Ola kú êlê mé tandá. ²⁸ Alê pê mó sunu sasedótxi kú sá sujetu ni flakêsa; máji palávla di zulamentu kú bi zawô alê, lejê mina, plêfêtu palá sémple.