¹ Kwá maxi bwádu dê kú nón ská flá sá kwmá nón tê uã Sumu sasedótxi, kú tasón ni tlônu ni kwatu glêtu di súmu tamé Nocê. ² Ê sá uã selivi di lugê santu di uã tabenákulu, védé kú Sún sóku fê ná sá omé fá. ³ Axén túdu Sumu sasedótxi sá fédu di dádiva mó saklifisu. Plô basu di kwá sé, ê sá plixisu pê tê kwá pê dá. ⁴ Xi Clistu ká sá téla, ê ná ká sá sasedótxi fá, uã vê kú inén sé kú ká dá dádivá di Módu Dalê. ⁵ Stluvisu kú inen ká fé ê sá kópia kú sómbla di kwá dócê, di módu sé mé ku Dêçu fadá muzé, ê táva pê fé tabénakulu: Pia xi bó ká fê ni módu xi kú u musá bô nalá ôkê. ⁶ Máji, miólé Clistu tê uã mistéli máxi glánji, pundá ê sá ligadô d'uã aliansa maxi bwádu, ku sá pêdu ni plómesa máxi bwádu. ⁷ XI plumêlu aliansa ná ká tê dêfêtu fá, ê ná ká sá plixisu buká segúndu fá. ⁸ Olá Dêçu pasá pôvô dê léplénsón, ê flá: Djá ská bi ô. Sún sóku flá, Ni ké di Israeli kú zudá ngá bi fé uã aliansa nóvu. ⁹ Ê ná ká bi sá mó aliansá sé ku fê kú dónu, dinen, djá ku pêguinén ni món, fé inén xê di egitu fá. Pundá inén ná plemanêsê ni aliansá mú fá, ná bilá ligá inén maxi fá. Súmu ê flá. ¹⁰ Isé só sá aliansá kú ngá bi fé kú ké di Israeli, zawó di inén fjá sé; Sún flá. Ngá bi pê Alê ni kabesá nansê, Ngá bi sclêvê ni klósón nánsê. Ngá bi sá Dêçu nansê kú nansê kábi sá pôvô mú ¹¹ Kádá uã dinén ná bilá ká xiná viján nê manú dinén fá, ká flá: "Kônsê Sún, Pundá túdu ngê ka bi sêbê nguê kú Sún sá, di maxi txókó antê maxi támén Dinén." ¹² Pundá, Ngá bú musá mixikoji ni óbla di injustisa dinén, Na ká bilá lemblá di pekadu dinén fá. ¹³ Kêndji "kwá nôvu" Ê bilá plumêlu aliansá vê. Kwá ku pasá zá miólê mé ê ká bi kábá