¹ Non mêsé pla sêbê, manu, di glasa dêsu ku fô dadu da glêja di Masêdonia. ² Duranti yô aflison, ambudansia di aleglia i plofundu poblêza dinen ploduzi ni inen glanji liquêza di genologidaji. ³ Punda nga dá textemunhu ku inen da maxi dôquê ku ixi ku inen ka pô da, antê maxi dôquê poxi dinen. I di livli vontê, ⁴ piji non ku insistênsia plivilêgiu di partisipa di stluvisu da santu. ⁵ Modu non ta ka guada ê na kontesê fa, ni veji di kwa sê plumé inen tlaga da Sumu, zó non, plu vonté di Dêsu. ⁶ Anton, non loga Titu, ku ta komesa stluvisu sé di kompléta atu sé di genologidadji n´ômé di nansê. ⁷ Maji nansê sa ambudantxi ni tudu: na afé, ni palavla, ni konsentimentu, ni tudu zélu i ni amólê nansê, plu non. Axem, sertifika ku nansê témbêté ka sa ambudantxi ni stluvisu genelozu. ⁸ Nga fla kwa sê maji na sa mó di uwa ordem fa, sa di plova sinselidaji di amolê nansê, kompaladu ku zelu di ôtlô nguê. ⁹ Punda nansê konsê glasa di Sum non Jisu Klistu, ku, embora ka sa liku, pla bem nansê Ê bila pobli, plômé di ploblêza dÊ nansê ka bila liku. ¹⁰ Ni vêji di kwa sê, nga da nansê uwa konsê ku ka zuda nansê. Uwa anu pasá, nansê na komesa ka fé algu fa, maji nansê deseja fé. ¹¹ Miolê, komplété. Axem mó penhu tá sem i vonté di fé antiji, ku nansê témbêté komplété, mijida ku a pogi. ¹² Punda a sa empenhadu di fé ôbla sé, isé sa bua i aseitavel, maji séla ê sa baziadu ni kwa ku kada nguê tê, na sa ku a na tê fa. ¹³ Punda stluvisu sê pla ôtlô sa aliviadu i nansê sa subikalegado fa; maji séla ê sa justu. ¹⁴ Ambudansia di nansê ni tempu sê ka sufli kua inen plixisa. Pla ambudansia di inen témbété ka sufli neséssidaji di nansé, di modu ku kwa sa justu. ¹⁵ Mô ê sa isclêvidu "Ixi ku tinha montxi na tinha nada xi sobladu fa, ixi ku tinha pôkô, kwa na faté fa" ¹⁶ Maji glasa a Dêsu, ku koloka ni kloson di Titu sinsélidaji sé mé kuidadu i zelu kun tê di inansê. ¹⁷ Punda Ê na asêtá apêlu non tan fa, maji ê tê zelu montxi sobli isê, ê anté nansé dé livli vonté. ¹⁸ Ku ê non envia manu ku tudu glêsa gôgô kwê punda stluvisu ku ê fla di vangeli. ¹⁹ Na sa kwa sê tan fa, maji êlê ten foi pontadu plu glêsa pla viaji ku non i kumpli atu non di genolisidaji, pla honla a Sum demostla non juda ku pénhu. ²⁰ Non mêsé fé kwa di modu ku n´uwa nguê ka bi leklama aserka di genolisidadji non, punda non sa ministladu. ²¹ Non toma kuidadu di fé kwa ku sa honlozu, na sa ni wê di Sum tan fa, maji témbété ni wê dinen. ²² Ku inen tén non invia ôtlô manu. Non tá tésté ola, i non bê nê intusiasmu pla yô stluvisu. Miolé, ê sa maxi kuidadosu i zelosu plovia di kunfiansa glanji ku ê tê ni inansê. ²³ Maji Titu, ê sa plasêlu i kunpanhelu di stluvisu ni benifissu nansê. Ni lispetu dinen sa uwa hônla pla Klistu. ²⁴ Anton, munsi inen amolê di nansê, i munsa glêsa lazon punda non orgulha di nansé.