¹ Paulu, Apostulu di Klistu Jisu plu vontê di Desu, i lumon non Timoteu, glêza di Desu ku sa ni kolintiu ku tudu inen santu ni tudu legion di Akaia. ² Ku glasas sa ku nansê, ku paji di Desu, pé non i di Sumu Jisu. ³ Ku Desu pé di Sumu Klistu Jisu non ka sa louvadu; Ê sa pé di mixikodji Dêsu di tudu konsolason. ⁴ Dêsu ka konsolá ni tudu afeison non, pa non pogi konsola inen sé ku sa ni kwa kwali aflison, non ka konsolá inen ôtlô ku konsolason sé mé ku non ta lêsêbidu di Desu. ⁵ Só só só, axem kuma inen suflimentu di Klistu sa foyadu plovia non, axem tembêté konsolu non sa foyadu plômé di Klistu. ⁶ Maji, xi non sa afligidu, ê sa fla konsolu nansé ku stlavason. Konfor tu sé sa êfikaz ola nansé ka kompartilha ku paxênsia inen suflimentu sé mé ku non. ⁷ Konfiansa non ni nansê sa sêtu, non sêbê ku axem mó nansê ka kompartilha inen suflimentu, tembêté nansé ka kompatilha konsôlu. ⁸ Punda non na mesé fa, inen lumon, ku a na ka sa inguinorantxi ô lifilon fa plovia di tlibulason ku non tá té ni Asia. Non tava fô kompletamentxi subklagadu dôkê kwa xi ku non ka pogi kwê, tantu ku non na tinha ku esperansa di vivê fa. ⁹ Di faktu, non tinha sentensa di motxi. Ku tudu, kwa éra fa non na pé kunfiansa ni non mé fa. Maji ni Desu ku ka kodá inen motxi. ¹⁰ Ê txila non di uwa pligu di motxi, ê bila txila non ôtlô vê. Non fê kumfiânsa non nê, ku ka stlava non ôtlô vê. ¹¹ Ê ka stlava non ôla xi ku nansé auxilia non plovia di lason di nansé. Anton, inen agladêsé muntu plu favôlô glasiozu dadu plovia di iô lason dinen. ¹² Non orgulha nisé: ni testemuhu konsênsia non. Ê sa plô mutivu plu ku vêdê, di patxi di Dêsu, ku non kaplôsêbê ni mundu espesialmentxi ku nansê, na sa ku sêbê di téla fa , maji plô gasa Dêsu. ¹³ Non na sklê nansé fa kwa kwali kwa ku nansê na ka pogi lê ô ¹⁴ komplêndê non ni patxi. Anton, ni dja di Sumu Jisu non, non ka sa lazon di orgulhu nansê, axem mó nansê ka sa di ginon. ¹⁵ Punda un tava ka kunfia nisé, ami ta mesé bi anté nansê plumê pa nansê lêsêbê benefisu di dosu vista. ¹⁶ Un tava ka planeja ba visita nansê ôla kun ga ba Macédonia,i sósósó nga bila bê ba visita nansê olaxi kun nga bila dala, i anton uga sa kiadu plu nansê ba Judeia. ¹⁷ Isé ola kun tava ka planejé, plô a kasu nansê hesitá?Plô akasu, nga planeja kwa di akordu ku padlon pekadô, di mô kun fla: " yoxi, yoxi" i "inon, inon" ni tempu sé mé? ¹⁸ Maji axem mó Dêsu sa fieli, non na ka fla ni tempu sé mé fa "yoxi" i "inon". ¹⁹ Maji, mina di Dêsu, Klistu Jisu, ku nguê Silvanu, Timoteu i ami non ka ploklama ni ômém di nansê, ê na sa "yoxi" i "non"; maji ê sa semplé "yoxi. ²⁰ Sósósó tudu inen plomésa di Dêsu sa " yoxi" Nê. Anton, témbété plô basu dê, non ka fla amém pla gloia di Dêsu. ²¹ Ê sa Dêsu nguê ku ka konflima non ku nansê ni Klistu, i ê konsumi non. ²² I ê pê sêlu dê ni non i ni kloson non, i ê da non suplitu mó uwa penhor. ²³ Nga toma Dêsu mó testemuna mu di kuma lazon plô kwa ku fé mu na tava ni Kolintiu fa ê foi pa un poji pôpá nansê. ²⁴ Ê na sa punda non tava ka kontlôlá afé nansê fa, maji non tlaba ku nansê pla gôstô nansê, ni kantu, plô afé, plêmanasê flimi.