अध्याय 1
1
येशु ख्रिस्ताम जो जिवन हाय ति जिवनु वोचना घोषणा केरा केता, देवा इच्छोकि येशु ख्रिस्ता प्रेषित पौल इयाहीने
2
प्रिय पोयरेा तीमथ्य इयाल देवपिता (परमेश्वर) आने येशु ख्रिस्ता आम्हा प्रभु इयाहीने कृपा, दोया आने शांती मिले.
3
रात आने दिही माय प्रार्थनाम रीन तुल इतवुहू, आय त्या परमेश्वरा धन्यवाद किहु आने तिया सेवा आगल्या डाया रिती होच चोखा मेानाकी किहु
4
मा खातोर तो डोवाम जे आहवे आलेहे तियान इतवीन तुल मिला खातोर उतवाल्यो हाय काहाका तुल मिलीन आनंदाकी पोराय जाव
5
मान तो खेरो भोरूसो इत हाय जो पेहला तो आजली लोईस आने तो याहाकी युनिकेम आथो, मान भोरुसो हाय का तोज भोरुसो तोम भी हाय
6
तियाल आय तुल इतवी दि रियाहो का परमेश्वर वरदानु आग जी आमिलुग सिलगुली हाय ती तुल ताहा मिलली जाहा माय तेाप आथ थोवलो.
7
काहाका परमेश्वर आम्हान जो आत्मो देदलो हाय तो आम्हान बिखऱ्यो नाहा बोनवुतो ता ती आम्हान प्रेम, संयम आने सोकतीही पोरालो आत्मो देदलो हाय
8
तियाहाल तुम्हा आपु प्रभु आने तिया खातोर जो माय तेराय कियो, तिया साक्षी दा खातोर लाजवाता नाहा काहाका तुल परमेश्वराय जी सोकती देदही, तियुकी सुसमाचारु दुखे केरा खातोर मा आरी रे
9
तियाय आपुन साभाल्यो आने आपुन पवित्र जीवनु, खातोर हाद्योहो, आपुय केला कर्माकी नाहा ता सोता हेतुकी आने कृपाकी केयो, जो परमेश्वराय येशु ख्रिस्ताम सुरूवाती कालुम आपुन होपी देदलो हाय,
10
पेन आम्ही आपु उध्दारकर्तो येशू ख्रिस्त प्रकट वेताज देखावाय गियो का तियाय मरणु नास केयो आने जीवन ने अमरनता सुसमाचारूमने प्रकाशित केयो
11
माने त्या सुसमाचारू प्रचार केनारो प्रेषित आने शिक्षक बोनवुलो आथो
12
इयाज कारणाकी माय ओतो दु:ख भोगीरियोहो आने तेभी आय लाजवातो नाहा काहाका जियाप आय भोरुसो थोवुहू तियाल आय ओवखुहू काहाका मान मालुम हाय तियाय मान जो काम होपलो हाय तो दिही नाहा आवतो ताव लुग तो तियाल सामभाली
13
आने ज्या सुवचना नमुनो तु माहीने उनायो तो नमुनो तोमे येशू ख्रिस्ता भोरूसो आने प्रेम इयाम बळकट ते
14
आपुम वोहती केनारी पवित्र आत्माकी त्या हाऱ्या ठेवील सांभालजे.
15
आने तुल ता मालुमुज हाय का जे आशियाम रेतेहे ते मान सोडीन निघी गिये ते फुगल आने हर्मगनेसुमने हाय
16
अनेसिफरू कुडबाप प्रभु दोया के, काहाका तियाय वारदा मा समाधान केयोहो आने माय जेलुम हाय तिया तियाल वाय भि लाजवा नाहा वाटी.
17
उलटो तो रोम सेहराम आलो ताहा जाव लुग मान मिली नाहा लेतो ताव लुग तो श्रम लिन मान होदतोलो
18
प्रभु के तियाल त्या दिहाल प्रभुयने दोया मिले काहाका तियाय इफिसाम मा वागी वाणी सेवा केल्या हाय इ तुल हारकिज मालुम हाय