अध्याय 2
1
मा पोयरो येशू ख्रिस्ता कृपाम तु आजी ताकतवर बोनी जो
2
आने वार माहा साक्षी माहीने तु उनायो हो त्या लिन जे भोरुसा वाले माही हाय तियान होपी दया जे बिहरान हिकवा खातोर समर्थ वी
3
येशु ख्रिस्ता हारा सौनिकु इया नाताकी मा आरी दु:ख के
4
आंने जो सौनिका काम केहे तो जीवनाम संसारू कामा काजाम ओटकुतो नाहा, काहाका तियाल तिया वरिष्ठ अधिकाऱ्याल खुश केता आवा जोजे,
5
जाहा एगदो धोवडुला रायतिम भाग लेहे तो तियाल ताव लुग विजयु मुकूट नाहा पोवावते जाव लुग तो नियम पालीन शर्यतिम भाग नाहा लेतो
6
खेती केनाऱ्याय मेहनत किन खेताम पेहला जोभी पाकव्यो तियाम पेहलो हिस्सो लेवुलो अधिकार हाय
7
आजो आखुहू तियाप तुम्हा विचार केरा काहाका प्रभु तुम्हान बाद्दया गोठ्या होमजा खातोर क्षमता दी
8
तुम्हा येशु ख्रिस्ताल इतवुता रेता काहाका जो मोई गेहलो तो फाचे जिवतो आने तो दाविद वंशा हाय इज आय तुम्हा मा सुसमाचारुम आखुहू
9
तयाल त्या सुसमाचारूकी आय दु:ख सहन कि रियोहो, ओतोज नाहा ता गुन्हेगारुहोच हाकलीकी मान बांधी थोव्योहो पेन ते परमेश्वरा वचन नाय बांधी सेके.
10
इया खातोर आय परमेश्वरा निवडुला माहा खातोर दु:ख सहन किहु काहाका येशू ख्रिस्ताम मिलनारो तारण आने सर्वकालु गौरव तियाहान भि मिले,
11
इ वचन विश्वासनीय हाय, की जिधी आपु वचना आरी मोया ता तिया आरी जिवताभी रिहु.
12
पेन जाहा आपु दु:ख सहन केयो ता तेहकी आपु राजभी किहु आने जाहा आपु तियाल सोडी दिहु ता तेाभी आपुन सोडी दी.
13
पेन जाहा आपु अविश्वासु हाय पेन तो आजिभी विश्वासु हाय काहाका तो सोताल वागता आवतो नाहा.
14
लोकांहान ए गोठ्या इतवी देता आने परमेश्वराल साक्षी कीन तियान सावधान केता रेजा की गोठीकी चुलाते मा याहा ऐहकी चुलाइन केडाज भलो नाहा वेतो, ता इ जे उनातेहे तिया भि नाराज वेहे.
15
तु खेरो वचन हारा रित्या आखणारो, आने जो काम केतोहो तिया तुल लाजवा वाटे एहडो केलोज कारण नाहा रे जो देवाल पोडे एहडो कामकरी वेरुला प्रयत्न के
16
आने अमंगळपणा रिकामो वादविवाद केरुला टाला काहाका ते देवायने जासतिम जासती दुर लि जाहे
17
आने एहडो वादविवाद केनारा हीकवुनू कर्करोगाहोस फेलाय, आने एहडा लोकांम हुमनाय ने फिलेत हाय
18
जे सत्यायने दुर गियेहे ते बिजानभी सत्यायने दुर लिजाय रियेहे काहाका ते आखतेहे पुररूत्थान ता वि गियो
19
तियाल काय भी विजाय परमेश्वराय जो पायो उभो केलो हाय तो तेहकील उभो रि तिया ओ शिक्को हाय का, प्रभु जे हाय तियान आखेहे आने जो केडोभी प्रभु नाव लेहे तियाय अनितीहीने दुर रेजा
20
मोडा कोवाम होनो आने चांदीज बासने नाहा रेते ता लाकडा आने कादु बोनवुले बासने भी रेतेहे, जे काही खास कामा खातोर ता काही साधा कामा खातोर,
21
तियाहाल जो माहु सोताल अनितीहीने दुर थोवीन चोखो केहे ता तो पवित्र केया मालकुल उपयोगी पोडनारे बाद्दे हारे कामे केरूलाम तेयार री
22
तरूणपणा वासनायने दुर रेजे आने धार्मिक जीवन, भोरुसो, प्रेम आने शांती खातोर तिया आरी रेजा आने जो चोखा मोनाकी प्रभु नाव लेहे तिया तुम्हा फाचला लागा.
23
आने मुर्खपणा ने अज्ञाना वादविवादुयने दुर रेजा काहाका तुम्हान मालुम हाय इयामुळे भांनगड वेतेहे
24
आने देवा सेवकाय चुलाया नाय जोंजे ता लोंकाहा आरी दोया की रा जोजे आने हकिवुनाम हारो ने खेटनारो रा जोजे.
25
आने तियाय तिया विरोध केनाराल लीनतेने हिकवा जोजे काहाका परमेश्वर तियान भी मोन फिरवा खातोर सोकती दी आने खेरा पोणा ज्ञान वि जाय
26
आने सौतानाय तिया इच्छाकी लोकाहान तिया केवुम लासाम ति थोवले हाय ते सुध्दीप आवी.