¹ मोयाला पाऊ आमी ई बीहरो पत्र आय तुम्हाल लिखु या बेन्यामने आय तुम्हाल ईतवी दिरीयोहो का तुमा निर्मल मन जागृत कीरीयो हो ² याकेता की पवित्र संदेष्ट्याकी आगला आखलो वचना की आणे जो आपु प्रभु व तारणारो हाय तियाय तुमा प्रेषिता की देदली आज्ञा आठवण तुमा थोवा ³ पेला ई ध्यानाम थोवा की स्वत:आ वासने की चालणारे थट्टा केनारा लोक शेलो दिहाम थट्टाकीन आवीन आखी. ⁴ तिया आवणारो वचन किह हाय ? काहका जुने डाये हुवीगीये तिहने बाठे गोठ्या जेहकी तेहकी उत्पतीई पेलापने आथे तेहकीच चालतो आलो ⁵ काहकी ते ई जायबुजीन विहराते की देवाआ शब्दा आकाश आणे पायामने पायाआ योग घडवली एहडी तोरती ई (वेयी) उपजी. ⁶ तिया योग तिहने जगाअ पायाम बुडीन नाश वेयो ⁷ पेन आमीन आकाश व तोरती ई तियाआ शब्दाकी आगीकेता राखली हाय ती न्याया निवाडो आणे भक्तीहीन लोकाआ नाशाआ दिही आवीतावीहुदू राखी थोवली हाय ⁸ पेन मोयाला जाहा हु एक गोठ तुमा विहराया नाहा की प्रभुल एक दिही हजार वोराहा सारखो आणे हजार वोरेहे एक दिहासारखो हाय. ⁹ कोतेतेबी लोक जियाल वाआ आखताहा तेहकी वाआ प्रभु आपु वचनाविषयी केतो नाहा तर तो तुमा विषयी खुब सहनशील हाय केडा नाश वे ऐहकी तिया इच्छा नाहा तर बाठाहाय पश्चताप केरा जोजे. ¹⁰ तेहकी चोर आणे तेहकी प्रभुअ दिही आवी तिया दिही आकाश मोडाकी आवाज केरी आणे नाश वेरी सृष्टितत्वे तोपी आणे पिगली जाय आणे तोरतीपने कामे शिलगी जाय. तियारीम रेवुला गोरोज ¹¹ या बाठ्या गोठ्या जर लेवाम आवी ताहा काहका तुमा पवित्र माेनाम व सुभक्तीम रीन देवाअ दिही आवणु वाट जोवते व तो दिही माहारीज आवा जोजे काहका तुमा खटपट कीन तुमा केल्ला प्रकाराआ लोक वेरा जोजे? ¹² देवाआ तिया दिहाकी आकाश शिलगीन लेवाम आवी आणे सृष्टितत्त्वे खुब तोपी जाय आणे पिगली, ¹³ तेबी जियाम नितीमत्व री ऐहकी आकाश व नोवी धरती तिया वचनाप्रमाणे आपु वाट वी रीयेहे. ¹⁴ काहका ओ मोयाआ जाहा या गोठी वाट वेते है. तुमा तिया नोजरी मने निर्दोष व निष्कलक ऐहकी शांतीम रेनारे सापडये काहका वेरी तोतो प्रयत्न केरा. ¹⁵ आणे आपु प्रभुअ सहनशीलता तारण हाय ऐहकी होमजा, आपु प्रिय पाऊ पौल याल देवाम आलो ज्ञानाप्रमाणे तियाहाय बी तुम्हाल ऐहकीच लिखलो हाय ¹⁶ आणे तियाय आपु बाठा पत्राम या गोठ्या उल्लेख केल्या हाय , तियाम होमजुनू कठीन ऐहड्या काय गोठ्या हाय आणे जे अशिक्षित व अस्थिर माही बीजो शास्त्रलेखाम जेहकी विपरीत अर्थ केतेहे तेहकी याहालबी केतेहे, ऐहडो की आपु स्वत: आ नाशाहोवे कारणीभुत वेते ¹⁷ तेबी ओमा मोयाला जाहा तुम्हाल या गोठ्या तुम्हाल पेलापने माहीती हाय, काहका तुमा अनितिमान लोकाहा भ्रांतीप्रवाहात सापडीन आपु रिथरामने कोमी नेय वेणु याकेता तुमा जोपीन रेता ¹⁸ आणे आपु प्रभु व तारणारो येशू ख्रिस्त याआ कृपेम व ज्ञानाम वादतो जो तियाल आमी आणे कायमुच गौरव वेरा जोजे. आमेन.