¹ आपु देव व तारणकेनारा येशु ख्रिस्ताआ या नितीमानाकी आपु सारखा मोलवान विश्वास मिल्लो हाय लोकाहाल येशू ख्रिस्ताआ दास व प्रेषित शिमोन पेत्र याहोवेने पत्र ² देव आणे आपु प्रभु येशू याहा ओखाताकी तुम्हाल कृपा व शांती खुब मिलती रेय. ख्रिस्ती माहां हक्क ³ देवाय तुम्हाल व आम्हाल आपु गौरवाकेता व शांती केता हादले हाय तिया ओखाताकी द्वारे, तिया दैवी सामर्थ्याकी जिवनाल व हारी भक्तीकेता लागणाऱ्या बाठ्या गोठ्या देदल्या हाय ⁴ तियापने मोलवान व अती महान वचने देवाम आल्ले हाय याकेता की तियापने तुम्हा वासनापने उत्पन्न वेणारी जगामने भ्रष्टता चुकाविन दैवी स्वभावाकी आपु भागीदार वेरा जोजे ⁵ ईया कारणाकी तुमा वेरी तो ओतोह प्रयत्न किन आपुल विश्वासम सात्विकतेकी सात्विकतेत ज्ञानाकी ⁶ ज्ञानाम इंद्रियदमनाआ इंद्रियदमनाम सहन केणू सक्ती आणे सहनकेणु हारी भक्ती ⁷ आणे हारी भक्ती पाऊमोया दोया व पाऊ मोया मे मोयाम आजी वादार भर जोडा ⁸ काहाका ई गुण तुम्हाल हाय आणे तो वादतो जाय तर आपु प्रभु ख्रिस्ता याआ ओखामाकी तुम्हाल उपयोगा नेय आवनारे व फल नेय देणारे ऐहकी ठरणारो नाहा ऐहकी तो तुम्हाल केरी ⁹ जियापे या गोठ्या नाहा तो आधलो हाय आदुरो नोजरी की हाय तियाल आपु पेलो पापामने शुध्द वेलो हाय ई तो विहीराय गिलो हाय ¹⁰ काहका पाऊ तुमा पाचारण व तुमा निवड वेराकेता पाको विशेष प्रयत्न केरा या गोठ्या तुम्हा केरातर तुम्हाल कीदीहच अडचन आवणारी नाहा. ¹¹ आणे तेहकीच या प्रकाराआ प्रभु व तारणारो येशु ख्रिस्ता तिया कायमुच राज्याम जयगोसाकी तुमाआ प्रवेश वेरी. जागते रांआ बोद्दल इशारो ¹² या कारणाकी जर तुम्हाल या गोठ्या मालुम हाय आणे प्राप्त वेल्या सत्याम तुम्ह स्थिर वेले हाय , तेबि तुम्हाल तियाआ कायमचे ईत दाकेता कालजी माय ¹³ या माडवाम हाय तावलागु तुम्हाल इतवा खातुर जागृत थोवाकेता ई माल योग्य वाटेहे ¹⁴ काहाका माल मालुम हाय का आपु प्रभु येशू ख्रिस्तायाय माल आखल्या प्रमाणे माल मा मांडव माहरीचकाडा पोडी ¹⁵ आणे आय नीघीन जाकेता विगीयो तर गोठ्या कायम तुमा मोनाम राजोजे काहका जोतो तोतहो केहे. पेत्रा सोताहा साक्ष आने संदेष्ट्याहा साक्षी ¹⁶ काहका चातुर्याकी कल्पिलेला कथाआ नुसार आम्हा आपु प्रभु येशू ख्रिस्ताआ सामर्थ्य व आवणारो हाय या विषयी जे तुम्हाल आखलो हाय ऐहकी नाहा तर आमा तिया ऐश्वर्य प्रत्यक्ष वेनारे आथे ¹⁷ काहका तियान देव बाहाकापेने मानपान गौरव मिल्यो ताहा ऐश्वर्ययुक्त गौरवाआकेता ऐहकी वाणी वेयी की, ओ मा प्रिय पुत्र माल मोयालो हाय याकेता आय समादान हाय ¹⁸ तियाआरी पवित्र डोगाप आथो ताहा वादलामने आल्ली ई वाणी आम्हांय स्वत: उनाया हा शिवाय जाखे निश्चित ऐहकी संदेष्टाहा वचन आमापाई आल्लो हाय. ¹⁹ शिवाय जाखे निश्चित ऐहकी संदेष्टाहा वचन आमापाई आल्लो हाय.,तो आधारा जागे उजवाडो देणारो दिवाहोस हाय काहाका तुमा मानाम अंत:करणाम दिही निधेतावलुगू व प्रभात तारो उगेतावलुगू तुमा तिया तिया होवे लक्ष दया तर हारो केरा हा ²⁰ तुमा पेहलोज ई जायल्या की शास्त्रलेखामने केलोबी संदेश स्वत: अर्थ लागवाकेता वेयो नाहा ²¹ काहका केल्लाज कालाम माहा इच्छाकी संदेश वेलो नाहा हाय, तर पवित्र आत्म्याकी प्रेरित माहा की देवापने आल्लो संदेश देदलो हाय.