¹ Munye kowe lah debangketko besamo Kristus, deloklah hal-hal nyo de atas, deman Kristus berado, dodok de sebelah kanon Allah. ² Pekerkolah hal-hal nyo de pucok, bukon hal-hal nyo de bumi. ³ Sabab, kowe la mati ngan hidopme tekerawo besamo Kristus delom Allah. ⁴ Tekalo Kristus, nyo adolah hidome, menyatako diri-Nye, kowe jugo nak denyatoko delom kemuliaon besamo-samo ngan Nye. ⁵ Ulenyo iye, matiko sifat ape pun nyo beasal jak sifat duniawime, yaitu pecabulon, kecemaron, hawo nafsu, keendokon nyo jahat, ngan keserakahon, nyo adolah penyembahon kepodo berhala. ⁶ hl-hal nielah nyo menyebabko pemara Allah sedang jongok. ⁷ Dehulu, kowe jugo melakukonnye tekalo kowe lagi hidop de delomnye. ⁸ Hambok, kinie, campoklahsegelo iye: kemarahon, kemurkaon, kebencion, fitnah, ngan perkataon rengai jak beberme. ⁹ Jengon saleng melatohi ulenyo kowe la menanggolko mendesio lamome besamo ngan perbuaton-perbuatonnye. ¹⁰ Kanakolah mendesio beheru, nyo teros-meneros deperbeherui delom pengetahuon sesuoi ngan gambar deri penciptaonnye. ¹¹ Delom hal nie, hopi ado lagi urang Yunani apo urang domom, budak apo urang merdeka, cuma Kristus adolah segelonye ngan delom segelonye. Hidop nyo Beheru ngan sesamo ¹² Jedi, sebagai urang-urang pilehon Allah, nyo kudus ngan nyo dekasehi, kanakolah podome belas kaseh, keramahn, kerendahon hati, kelombuton, ngan kesabaron. ¹³ Sabarlah seurang terhadop nyo loen, ngan saleng mengamponilah munye ternyato ado seurang nyo besalo terhadop nyo loen. samo upa Tuhan lah mengamponime, mengka kowe jugo haros saleng mengamponi. ¹⁴ De pucok segelo iye, kanakolah kaseh, nyo menjedi pengikot nyo sempurna. ¹⁵ Biarlah damai sejahtera Kristus mengendaliko hatime ulenyo memang untok iyelah kowe depantou menjedi siko badan, ngan besyukurlah. ¹⁶ Biarlah pembueon Kristus tinggal de delom kowe ngan melimpah, ngan segelo hikmat kowe mengajor ngan mengasehi seurang terhadop nyo loen, menyanyikolah mazmur, lagu-lagu pujion, ngan nyanyion-nyanyion rohani, segelonye ngan ponoh ucapon syukur de delom hatime kepodo Allah. ¹⁷ Ape pun nyo kou lakuko, delom pembueon apo pun perbuaton, iye delom namo Tuhan Yesus, sambel mengucap syukur kepodo Allah Bepa, melalui Nye. ¹⁸ Bini-bini, tundoklah kepodo lakime seupamone seharosnye delom Tuhan. ¹⁹ Jenton-jenton, kasehilah binime ngan jengon belaku kasar terhadop nye. ²⁰ Anak-anak, taatilah indok bepakme delom segelo hal ulenyo hal nie menyenangko Tuhan. ²¹ Bepak-bepak, jengon memicu kemarahon anak-anakme empoknyo rombongon hopi menjedi patoh semangot. ²² Budak-budak, taatilah tuan-tunme nyo ado dedunia nie delom segelo hal. Lakukolah iye bukon anyo saat mike ngoleme ngan untok menyenangko mike meloenko ngan tolos hati ulenyo takot akan Tuhan. ²³ Ape bae nyo kou lakuko, lakuko, lakukolah ngan segenap hati upa untok Tuhan ngan bukon untok mendesio, ²⁴ Sabab kowe tahuko bahwa deri Tuhan kowe nak menerimo wareson sebagai upahme. Kristus Tuhanlah nyo sedang kou layani. ²⁵ Sabab, urang nyo bebuat saloh nak menerimo beloson atas kesalohon nyo delakukonnye ngan hopi ado nyo dekecualiko.