¹ Boholabenyke ijoi mahãdu tule hãbu tyhyhykỹ Israeli ijoi. Kaiboho bierybenyke tyhyna. ² Kia tahe rayranymyhỹrenyre iny weò tahe hãbu bina luurenyre. ³ Kaiboho biròbenyke waijoreny, waijoi detyy tule bisihebenyke iderenytyy biròbenybenyke iti tule ide bitxuatxuabenyke - txurasòmosòmomy, tahe heramy bidebenykre idereny. ⁴ Anakre tiubo kaiboho wamy beàlàbenykreu Deuxumy, tahe tiu aratyhynyrenyõtyhy; Kaiboho tewinymyhãtenyte aõbo ibina, tai tahe tiu aexitoedỹỹnareny-ò aroholaõtyhy ⁵ Deuxu rybedu riitxenanymyhỹre ijoi. Kia tamy riòwynymyhỹrenykemy tahe ritidemyhỹre aõ awihikỹ-di ratxirenykemy, tahe tamyreny riwahinymyhỹre aõbinaki ròtarenyõke ritidemyhỹre. Tahe Deuxu rarybere Kia Deuxu rybemy rarybemyhỹre mahãdu-ò. ⁶ Aõhe wana aruereny turumy kaiboho betebenyke, aõhe wana tule ityytyby tule turumy adeereny relekre. Kia txuu loosona riõkre aribireny, kia bedeluruhukỹ atyrereny resekre. ⁷ Aurerarumy tainyhe marybeke aõbo rỹikremy kia itomora mahãdu timybo ryirakre ixỹrumy aõbo. Aõkõre tiiboho kiditadenykre irawyona Deuxu ribi tai tahe tiiboho roirekre ityhynarenyõhy. ⁸ Kia jiarỹ watxireri ule, Deuxu tyytybytyhy wadee ruruna riwahinyra, luuna rurunahãkỹtule rurutere iny aritamyhỹkemy iòraru ribi iaõnaõna binabina ribi Israeli mahãdu. ⁹ Boholabenyke, ijoi koludu mahãdu tule hãbutyhyhykỹ Israeli ijoi. Kaiboho akyreny tamyreny reamyhỹre aõbo awi tewymahãtenyte bedewihikỹ-ò. ¹⁰ Kaiboho tewinytenytere Jerusale hãwã wihikỹmy, kia heto ityre-ki relemyhỹre ijòòmy ityhynyõmy kia bedebina hãlubu-di. ¹¹ Hãbu mahãdu tyhyhykỹ Jerusale mahãdu reòbyrenyre iubeweri-ò kia riywinykre bededỹỹnanaywina, kia xiwewahidỹỹdu mahãdu ributunymyhỹrenyre rybe tuu roimyhỹremyna ròerydỹỹnymyhỹrekemy. Kia Deuxu rybe rybedu mahãdu riwinyrenyre òwydỹỹ rybe erysydu mahãdu biu-ò. ¹² Tahe ihãrele tiiboho reòbyrenyre Deuxu rybe wiòdỹỹna ritarenyre. Tiiboho raryberenyre; tiu inyõ aõbina rỹiõtyhy aõrekibo kia Deuxu inyweribireny ratxireri. Tai tahe , aõrarurenyki, Jerusale rexirahokre mana sõwe hekymy, Xiaõ hãwãlò su rirahorekre bedero su wesemy tai ryimyhỹre Deuxu rybena heto rexirahorekre bedeyxemy.