¹ Kaa heka Deuxu tarybe wihikỹ riwahinyre Mikeia-ò, kia Moresete hãwãhãkỹludu-ò. Mikeia heka retehemy raremyhỹ Xamaria hãwã tyhynadi tule Jerusale tiubo Jotaõ bedewehikỹle, Akai e Ejeki, Juda hãwã-ki. ² Boholabenykeỹ, ibutumy, ywimy ibutumy kaki sỹdu mahãdu! Tii heka rarurunykre aweribireny aõkõ taheto-ki biu-ki, tule raryberakre. ³ Tii rubehekre titxibo rasỹnymyhỹre ribi tahe rariakre hãwãlò tyredi. ⁴ Awa rawo-di, hãwãlò riõkre iwese iny heòty-di tebora rahumyhỹre wesele. Tahe bede raraykre, kia beora wesemy tahe riokre ityatxi. ⁵ Kia heka inatyhymy rỹikre aõherekibo Israeli mahãdu rexiòrarunyrenyreki tule Deuxu ribi rexihitxinyrenyreki. Mobo tahe iòrarure ixyby Israeli mahadu; Tule Xamaria mahãdu! Mobo tahe ierysydutymy ratxikre suritxoo òwodỹỹdumy Juda òraru-ki Jerusale mahãdu. ⁶ Tai tahe, Deuxu rarybere. — Jiarỹ ariwinykre aõtxile aõdibo Xamaria hãwã sõwemy ibinahãkỹmy ratximyhỹrenyre itynyhỹkỹlemy; ariwinykre kia bederaty uva làbrona wesemy. Ariwinykre kia mana ritynykre hãwã ribi hãwãlò rawotxi tule ihetoreny wararu Xamaria wararu riõkre. ⁷ Ibutumy aõbo riteòsinymyhỹre ituekre, iaõnareny kia tai wiwana aõ ibinamy riwinymyhỹrenyre heto ariworonykre, ibutumy itxõnaõna mahãdu rirahukre hãwãlò binahãky-ò. Ibutumy tibo iubeweri-di riwyrenyre hãwyy uriurimy rỹira mahãdu owydỹỹna ijõ. Tahe heto luruhukỹ-ò resekre. ⁸ Tai tahe, jiarỹ arahinykre, arirajuakre txuberemy tahe bidiwona kedesekre tahe arariakre waubehetyõmy tule wademy, araõtxinymy ijoro wesemy tule tarurutyhymy arirajuakre txubreremy nawiie wesemy. ⁹ Ihãre tahe tiu Xamaria mahãdu wotamonareny tiu reytenyõtyhy, riwinyre, rahure Juda tii Jerusale hãwã ribi iòhòmy, tai wasỹ mahãdu rasỹnymyhỹre. ¹⁰ Tuu ijyyomy iny onodỹỹrenymy jate-ò, irutere ahireny orarudỹỹmy. Bete-Lifra mahãdu sulemy rexirahoremy bededỹỹnana ibinatyhy deosina oraru-ki. ¹¹ Xafimy sỹdu mahãdu, roirenykre tademy ixỹrumy tai ijõ mahãdu rỹimyhỹreò! Mobo Jaanỹ rasỹnymyhỹre mahãdu tahe uritere òlòõmy, tiubo bohobenykre Beti-Ejeò mahãdu ibru-ò, tahe bierybenykre tiiboho wiòdỹỹna riwahinyrenyõkre. ¹² Mobo Marotximy rasỹnymyhỹre mahãdu tahe sõwemy iny tamyreny rakemy rururenykre, iribi tahe Deuxu ibina riwinyre Jerusale iòhòmy. ¹³ Leakimy rasỹnymyhỹre mahãdu taawarureny riywinyrenyre ityti heòty hewomy rinykremy! Kaiboho Israeli mahãdu wesetyhyle tewinyta , tai tahe Jerusale mahãdu bedebinahãkỹ-ò ridyrenyre. ¹⁴ Taita tahe heka Juda mahãdu, tureny rarybere aõherewe Morejete-Jati mahãdu. Mobo Akiibe mahãdu aõbohe debònamy roirekre Israeli wedu-ò. ¹⁵ Deuxuhe rarybere: Ariwahinykre Marexamy rasỹnymyhỹre mahãdu iòludureny debò, tahe Israeli mahãdu hãbu mahãdu rurutereheky (wedu) rexiworenykre hãluukỹ-ò kia iòhòmy Adulỹhãwã ribi. ¹⁶ Juda mahãdu aradereny biorobenykre tule rawelyramy marasybenykre kia bedewona kanakrekoki; iribi tahe ariorereny aluunadutyhyreny ridyrenykre wetxumy irehety-ò asyrenyribi.