¹ Ka heka rybe Deuxu Tyhyhykỹ riwahinyre Malakia dee riwahinykremy Israel iny mahãdudeereny. ² Deuxu Tyhyhykỹ rarybere tasỹrenydeereny taijoideereny: — Diarỹ tikiehyymy umyreny rerinanymyhỹre. Kaa tii boho rỹỹraxirenyre: — Timybo tahe arieryrenykre kai wamyreny terinanymyhỹtemy? Deuxu rirawyònyre: — Esau kia Ijaó seriòre roire, kiaremyta diarỹ Ijaó-my rerinanyre kia irioreriorerenymy, ³ Kaa Esau tahe riwakyaranyre kia irioreriorereny. Diarỹ rewinyre Esau hãwalò bede ibijiuömy rexirahorekremy, ka tahe wiji isu iròdu iròdu debure tai rahãwanyrekrekile awire. ⁴ Txibo Esau rioreriore bohoreny, ka boho, edomita boho raryberenyrenykreki: “Iny hãwareny heka ibinamy doimyhỹde, ka iny boho tahe ixybyle rikitỹmyranyrenykre”, kia Deuxu Tabedeery Nihikỹ-di rirawyònykre: “Txibo tii boho riwinyrenykre-wana , diarỹ aritxiwitxiwikre. Isureny heka raninimy rarekre Aõbinabina mahãdu su kia ihãwahãwareny-di Deuxu Tyhyhykỹ ikyaramy ratximyhỹre ikiemy.” ⁵ Israel iny mahãdu tuu robirenykre kiata ibutumy raryberenykre: — Deuxu Tyhyhykỹ heka ihikỹre, kia ibedeery nihikỹ ramyhỹre Israel su konana bedeòhòkỹle! ⁶ Deuxu Tabedeery Nihikỹ-di rarybere Deuxu Rybe-di Ijohodu mahãdureny-ò: — Uladu tyby rityhynymyhỹre, kia wetxu tawedu rityhynymyhỹre. Kia diarỹ tahe bureny rare, aõherekibo tahe kai boho tiwatyhynyõmyhỹtenyte? Kia diarỹ awedureny rare, aõherekibo tahe walau taberuõmyhỹtenyte? Kai boho tiwaatymyhỹtenyte, kia ihãremy tahe tỹỹraximyhỹtenyte: — Timybo tahe araatymyhỹrenyre? ⁷ Kia rỹsỹna binahãkỹ-ki kia kai boho wadee taxiwetenyte. Kia ihãremy kai tỹỹraxomyhỹtenyte: — Timybo tahe diarỹ boho umy rahitxirenyreri? Kia kai boho wamy tahitximyhỹtenyte tiu kai boho tai tahãmyhỹtenyteu waxiwenadena bisubisunybenykremy. ⁸ Kia wamy tahitxilemyhỹtenyte kiemy dori tahõtinymyhỹtenyte wadee ibinaõremy wadee xiwena tewymyhỹtenyte iròdu ruebetà, itikre yda iwebinadu. Kia biebeny aõboini biwahinybenykremy kawesena iròduõ Hãwa wedu dee! Kia aõbo riki idi tahõtinytenyteri tii tamy awityhymy reobykremy kia aixitòedỹỹnareny? Diarỹ, Deuxu Ibutu Wabedeery-di rarybere. ⁹ Ka tahe wiji, Deuxu rybe-di ijohodu, bexitòenybenyke Deuxu dee kia tamy bexitòenybenykre tii iny boho tarybewiwihikỹ inydeereny riwahinykremy. Ka kia aõbo riki adee reòbyrenykre tiu kai boho tamy tewahinymyhỹtenyte xiwena kawemy? ¹⁰ Deuxu Ibutumy Tabedeery nihikỹ-di rarybere Deuxu rybe-di ijohodu mahãdureny-ò: — Kai bohoõ warybena heto ijò bitobonybenykre. Kawesemy tahe kai boho heòty itoodỹỹrenyõmykre aõmy waxiwena dena-ki. Diarỹ awimy aõkõ adireny watxireri, tamy areòbyõkre axiwenareny-ò. ¹¹ Diarỹ heka wamy derina rỹimyhỹre ibutumy hãwa hãwa bede bedemy, kia ibutumy bede bedemy heòty ritoonymyhỹrenyre wamy derinanamy kia tahe wadee riwahinymyhỹrenyre xiwena wityhy. Ibutumy wamy rexieletynymyhỹrenyre. ¹² Ka kai boho tiwahitxinymyhỹtenyte tiu tahõtinymyhỹtenyteu kia òbitimy rikihe waxiwena dena texutexunymyhỹtenyte kia xiwena tewahinymyhỹtenyte aõki awiõhyyre. ¹³ Kai boho tarybemyhỹtenyte: — Diarỹ boho heka reywesemy watxirenyreri ibutumy ka bede-ribi! kiata waki tatxuenymyhỹtenyte kia ixi-ribi tiwatamyhỹtenyte. Kia ihãremy wadee xiwena tewahinymyhỹtenyte iròdu wasinahãkỹle yda iròdu itikre, iwebinadu.Kai boho tahõtinymyhỹtenyte kia Diarỹ, Deuxu Tyhyhykỹ, tamy areòbykremy? ¹⁴ Bede binahãkỹ roidu mahãdudeereny kia rarybemyhỹrenyre tairòdu wihikỹõ wadee riwahinyrenykremy, ka xiwena bedeu tahe iròdu binahãkỹle riwahinymyhỹrenyre! Diarỹ Iòlò Bedeery nihikỹ, kia ibutumy hãwa hãwa bede bede wamy rerinanymyhỹre. Diarỹ, Deuxu Ibutumy wabedeery nihikỹ, rarybere.